Aisaia 22:4 - Nobonob Baibel

⁴ ⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Aisaia 22:4 ပူးပေါင်းရင်းမြစ်များ

Esta 4:1

Mordekai nug kobol attem beum amunu doya amu, nug nuhig lamen pattiɗa, lamen heɗiag ele awa ma, igippa uhuɗ meum. Anam ha, nug aab okkai ooppa ukka, oo doyak naunab ele doyaya, qala gayom.

Sam 77:2

Da uug nauppa dayeye, da Naɗi antten dim lamidkkulnu Nug madittem. Ao, tuqan amu, da bahil ii yeeye, da eppel hume unuqittette, da danab laa eppegppa oo mak aokkulnu uuttem.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Aisaia 33:7

Antteg! ⌊Ag kekeɗ ele nai mattinna, maɗoɗ ele daaglagnu heegeg, meu ii oum amunu,⌋ danab ɠagattag ag ibppa gaanna daatteb. Ao, danab ag heppeg, kekeɗ ele maɗoɗ dayaknu goppig amu, ag eɗun uɗin, huana gaatteb.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 9:18

⌊Amu da attem.⌋ “Heppeg, paha uɗieg! Ag uɗin, ihinignu qaneg! Ag qanappeg, ig amenig leb huanak naɗ! Ao, ig amenig leb, le ugakka gotte bia naɗ!” da anam awe attem.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Esekiel 21:11

Laa nug qep elab amu babaitta heeb, amemɗiag awaknab daakkunu tituanak daatte. Ao, qep ⌊dahil⌋ uɗikka, aeg elenab daya, amemɗiag awaknab daye, danab nug laa aqeb mauhkkulagnu eppegppa aɗa, uɗat hekkunu babaitta autanab awom daatte.

Esekiel 27:31

Na nauhkkut, am haen amuppa uubppan danab oh na nauhmenu ag uug naunab nau doon, ag ikkilag uɗug hoinna, lamen heɗiag ele takkaglag. Ag oolagppa ninignab doon, ag eheɗ gaanna, huana mahidkkulag.

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Matyu 2:18

“Laa Rama appa gayeye dootteb. Ge, appa laa nug gayaya, eheɗ mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa aum.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Luk 1:2

Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,