Aisaia 22:12 - Nobonob Baibel

¹² Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Aisaia 22:12 ပူးပေါင်းရင်းမြစ်များ

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Maika 1:16

⌊O gadon,⌋ ag Israel, ag ahilkad nid naunau, ahilagnu ag enanagnab dootteb, amge ag nid ahilkad dilagnu oolagppa uug naunab nau doon, ag mahina, aakku ikkilag uɗug ohnab otaɗatteg! Ao, ag uug naunab doon, ag mahin, ikkilkad uɗug oh otaɗna aon, ag ai walsa igippa uɗig laa iitta, ag amubia dayeg! Aɗinu? Kekeɗ ag nid naunau ahilkad diin gona, ag wan laappa diia ukka laih me dayak danab ah daaglagnu maadppeg daaglag,” awa atte.

Jems 5:1

Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Jona 3:6

Ag anam heeg, Niniwe dilag king nug Jonanu nai doya, nug sia king uua, kingnu lamen elab enanag uɗa, lamen heɗiag ele awa ma, uhuɗppa dayom.

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Eklisiastis 3:4

Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Nehemaia 9:9

Anukka ig mamenkad aɗi ag Isip wanppa daan, guittak okkai dooppig amu, na amu anidme. Ag gonana, Le Kokoɗ appa qagaiettak daan, ehanittak aoglagnu unuqidppig amu, na unuqittak amu doome.

Esra 9:3

Haen ag da amelppa anam aeg doyen, da dahil lamen elab, lamen nakok elab, da lamen aɗit amu aɗe patiɗaten, da ikkil uɗug, akkaɗil ele laih aɗe hiɗen, da dabmak huanaknab awen, heɗep nein daami.

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Aisaia 26:10

Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!

Aisaia 29:1

⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 58:3

Ag amu henana, ag da amelppa atteb. ‘Aɗinu ig ee ohnu kud meta daattem, amge na ii anigttem? Ao, aɗinu ig ikka, ig oninig qeut nette, amge na amunu dabmak nakok laa ii aottem?’ Ag, ag anam atteb, amge ⌊gadon, ag kaliak nau hetteb. Deɗ ag ee ohnu kud mena daatteb amu, deɗ amuppa ag dimittimnuib, da anidkkulnu hetteb⌋. Ag ee oh lamananu genab kud daatteb, amge keeke laa ag oolag hette ele, ag amu hetteb. Ag amu henana, ag ahilkad maɗi nid maɗi ah ele eheɗ hattana, uɗat huanak madatteb.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Jeremaia 7:29

Amu Yawe Nug atte. “Ag Juda, ag ikkilag uɗug otaɗna, buɗippeg ukkaɗ! Ag qauko attannab, igippa keeke laa ii daatte, ag amuppa tena, appa ag nai oo doyak ele mattieg! Aɗinu? Da Yawe, da ag gemu daatteb, ag dahil oppoɗi bak waappa daatteb, da ag dimatte, ag geɗadmi,” awa atte.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Jeremaia 16:8

Yawe atte. “Amu lag laappa, ag Juda, ag appa hobul hetteb ele amu, ag appa aib teppig; appa tena, heɗep nena daanna, ee, le ele aib lappig,” awa atte.

Esekiel 27:31

Na nauhkkut, am haen amuppa uubppan danab oh na nauhmenu ag uug naunab nau doon, ag ikkilag uɗug hoinna, lamen heɗiag ele takkaglag. Ag oolagppa ninignab doon, ag eheɗ gaanna, huana mahidkkulag.

Daniel 5:1

⌊Nebukatnesar mauhe ukke, dimppa⌋ Babilon dilag king onig Belsasar nug danab okkai nuhikkud 1,000 dilag hobul naɗi he daan, ee laegeg, Belsasar nug ag ele wain lappig.

Hosea 9:1

O Israel danab ah, ag aib gamag ahak dooppig. Ao, ag laa gamag ahak okkainab dootteb amu, ag gamag ahak amubia aib dooppig. Aɗinu? Ag ahilag Kayak ag ippuanattom bia Nug dim lamidkkulagnu uun hena, ag kayak hambuppuak dim lamidtteb; ag ib baag ah nug ee aeg mumuɗaknu abenppa uɗat nuhig haaha, men doɗo awa, gamag ahak dootte, amubia ag kayak hambuppuak dim lamidkkulagnu gamag ahak doon, kobol amunu ag oo mauhak dootteb.

Joel 1:8

Ag Juda danab ah ag am danab nug ah awa, gamu daakkunu dayaya, danab ah ele amu aa ewau matulak ii aopiɗ haenppa danab nug mauhe, ah bau amu nug lamen heɗiag ele takka, huan gaatte, amubia ag gayeg!

Aisaia 37:1

Danab amu ag King Hesekaia amegppa Asiria dilag ban daup ikkinu nai amu nug amegppa aeg doya, Hesekaia nug lamen nuhig patiɗa, nug lamen heɗiag ele takka, nug aha, Yawenu mettid lakka ukkom.

Aisaia 37:2

Amu nug Eliakim, nug kingnu lag enanagnab gumom, Sepna, nug am nai yaak danab, amu mana mettak danab anuqak ele ag oh lamen heɗiag ele maadna, ag ahan, Amos bekka, Aisaia toppa gokkulagnu a, ag goppig. Aisaia nug am propet.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!