Aisaia 22:1 - Nobonob Baibel

¹ Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?

Aisaia 22:1 ပူးပေါင်းရင်းမြစ်များ

Genesis 21:17

Haen amuppa Kayak Nug nidnu gayak doye, nuhig engel hab aabppanu Hagar onigppa eum. “Hagar attem he gaattem? Kayak Nug nid danab nahip laih uppa niitte amu, Nug nuhig gayak doyom amunu, na aib baɗame.

2 Samuel 14:5

Nug anam a, King Dawit nug, “Aɗi uug nahip-ppa beum daatte?” awa oɗ mette amu, ah amu nug aum. “Da am genab ah qab daattem. Da gamul mauhom.

2 King 6:28

King nug ah amegppa anam awowa, nug eɗua, oɗ meum. “Attem daatte?” awa oɗ meum. Oɗ me amu, ah nug nob ma, king ameppa aum. “Deɗ laa ah imu da amelppa inam aum. ‘Gemu i geha nid danab nahip tatam qeɗa lawoɗa, aria wagɗeb butti amu, geha ii dahil nid danab lakkunih,’ ” awa aum.

Sam 114:5

Aɗi heum amunu Le Kokoɗ ag ippulagppan qe meum? Aɗi heum amunu Jodan le ukkak uua, ameg laippu dayom?

Sam 125:2

Qauko ag Jerusalem talilidna daaeg, kekeɗ ag banenig uɗin, Jerusalem tekkulagnu ib ena iitta, amubia Yawe Nug danab ah nuhikkud taliliatta atognoadtte; gemu am hanhan ele anamib daatte.

Prowerb 29:18

Danab ah ag Kayak nainu ippunittak ii aotteb amu, ag beɗulag, ahilag dabmak ele ag aɗi hekkulagnu eeɗatteh, ag amu aakku hetteb; amge laa ag Kayaknu ɗo dim lamidna oitteb ele, ag itittak ena aoppig daatteb.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Aisaia 22:5

Aɗinu ⌊da anam doyeye daakkul⌋? Naɗi, Nug Yawe Nukka Ɠagattag Oh Ele, Nug haen laa me daye, amu haen amuppa Nug heeb, Jerusalem ippa uug digdig naunab ⌊ag Juda,⌋ ahilagppa bekkulag. Kekeɗ ag uɗin, ag huan baalag okkaippa enan, qaiqaɗ laih gona, laih uɗin hebeppeg, ag ⌊Juda danab ah, ag⌋ ottaina, kaaka aqeb, ag eheɗ nau baɗaglag. Kekeɗ ag aab okkainu aɗ loppaɗppeg, ag Juda, ag baɗan, laa ag ehanadkkulagnu ebeppeg, ag baalag am umanab ukka, qauko batakku.

Jeremaia 21:13

Yawe Nug anam anana, Nug ag amelagppa imu ele atte. ‘Ag Jerusalem daatteb, ag oolnu noak akka daugppa, men kuɗum daattebppa daatteb. Ag atteb. “Auntai nug eheɗ heigkkunu elele? Aun nug padal mak eɗitteb ena dayaknu aben ihinig imu bekkunu elele?” atteb. Ag anam atteb, amge da ahilag hak amunu eheɗ doyeye ool ii madattem.

Jeremaia 32:29

Babilon daup, ag gemu aab okkai imuppan danab ah aqaglagnu ban hetteb, ag aab okkai imu eɗidna, ooppa uɗin, maippeg eokku. Ewebeb, Jerusalem danab ah ag lag laala koɗokkoppa tena, appa ag kalu danab ile muttuɗig enanag bette ele main, kayak hambuppuak Bal mettona, ag wain gokkaɗaknu ofa kayak hambuppuak laala dilagnu ele heeg, da oppoɗil beum amu, Babilon dilag daup ag lag amu ele maippeg eokku.

Jeremaia 32:32

Da heppi, aab amu nauhkku diig am, Israel danab ah, Juda danab ah ele ag eheɗ hak digdig heegeg uɗie, gemu ele heeg, da oppoɗil beum daatte. Ge, ahilag king, king dilag ehanittak anuqak danab, ahilkad mana mettak danab, propet danab amu, Jerusalem danab ah, Juda danab ah laa oh ele, ag oh anamib heegeg uɗie, gemu ele hetteb.

Jeremaia 48:38

Lag oh attan, koɗokko uɗem ukkakppa, aab haɗap ohppa ele Moap danab ah ag eheɗib gaaglag. Amu Yawe Nug atte. “Oo doyak okkai amu daakkunu diig am, da heppi, Moap nauhkku. Waa ena iitta laa, danab laa waa amunu oo ii hette, laa nug waa amu o aoɗtte, amubia da heppi, Moap nauhkku.” Yawe Nug anam awa atte.

Joel 3:12

Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Joel 3:14

Danab huanaknab, ao, danab huanaknab ag aben oolnu noak onig, “Yawe Nug Danab Ah Epeɗiadkku,” ag appa ana daatteb. Aɗinu ag appa daatteb? Aben amuppa, onig am Yawe Nug Danab Ah Epeɗiadkku amu, Yawenu deɗ naɗi paha miag dotte.

Maika 3:6

Ag eheɗ amu hetteb amunu, ag tuqannu gatatu ooppa daan, buttinu keeke dooglagnu ag tul niiak nakok laa ii anidmana. Ao, gatatu ag tonatteb, emanppa ag dimppa aɗi keeke bekkun daatte doon mattiglagnu ehanittak ii aomna. Aam am propet hambuppuak ag amahlak ii mattama. Ao, propet hambuppuak ag amunppa ele gatatuppaib daaglag.

Sepanaia 1:5

Da heppi, laa ag laulkad koɗokko uɗem ukkakppa tena, appa ag aam, kalam, hoɗoppai ele dilagnu, ‘Umu ag am kayak laa,’ anana, ag amu noolagppa dup nona binalag metteb ele amu, ag oh nauhkkulag. Ao, da heppi, laa ag da, Yawe, ag da dim lamiɗtteb anan, ag da onilppa ele ahilag nai ɠagattag qettan atteb, amge ag kayak hambuppuak Molek onigppa ele ahilag nai ɠagattag qettan atteb amu, ag nauhkkulag.

Matyu 10:27

Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg!

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Duteronomi 22:8

Amu haen na lag bau henana, na at, lag koɗokko uɗem ukkak taliliattak hekkutoitte. Anam hak dayeb, laa nug na qa mauhkku dayeb amu, amuam na, na baenadppa ele, am ag beɗulagppa iitta. Ag amunu oolagppa aab iitta daaglag.

Ikki Danab 18:23

Ag gona gukkualadnana amu, ag gonana, enan wappig. Ag anam heegeg, Dan danab ag eɗun aon, Maika amegppa appig. “Na aɗinu oot daatte amunu, na danab imu oh onilagppa e ukkan qagmena, ahan ig dim lamigna banenig uɗippig?” aon appig.

1 Samuel 11:5

Ag mattieg, ag gaaegeg, haen amuppanab Saul nug dattanu makau dim lamatta uɗia doya, nug oɗ matta aum. “Eheɗ attem beum? Attem beum amunu, danab ah gaatteb?” awa oɗ mattom. Nug anam a amu, ag Jabes danab aɗi aɗi appig, ag amu oh aeg doyom.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.