Aisaia 21:4 - Nobonob Baibel

⁴ Da keeke Yawe tulelegppa ippuniɗe anidmi am he, da dabmak iwe, amel qittinene, beɗul baɗeɗe ottaittem. Da aam paha paha noa tuebnab ma, uudoa, ⌊maɗoɗ daakkulnu⌋ ool huan hanhan dayom, amge iitta, da Yawe ippuniɗom am he, da amel iɗuak doottem.

Aisaia 21:4 ပူးပေါင်းရင်းမြစ်များ

1 King 1:49

Am danab Adonaiya ele daanna ee lappig ele amu, ag Jonatan nai amu a doon, ag baɗan, ag paha ahan, Adonaiya uuidna, matatun goppig.

Esta 5:12

Haman nug amu ohnu mattia mala, nug tuɗitta aum. “Amuib iitta! Kuin Esta nug da, king ele i iya aakkuib ee ihinihnu babaitta, amu lakkunihnu oninihppa eum. Nug anam ha, nug da, king ele butti baula nug ele ee lakkunignu oninihppa eum!” awa aum.

Sam 55:5

Da baɗe, hahaɗttem. Ao, da uug amu oh antten, ameg iɗuak dooi, toniɗom daatte.

Sam 55:6

Da ami. “Oh, da am uppuɗil beɗulag nakok laa bia haul ele daappilob. Ao, da anam bia daalomlob, da hagagɗe ukken, hik awe daalom.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 51:39

Babilon ag laion enug qe hette bia daatteb amunu, ag anam aakku daappeg, da ee naɗi ahilagnu babaitten madappi, ag lanana, le ele huana lappeg, kaaka aqeb, eheɗ imanna, ag niinna, baula ii ahamna. Ag anam niiakib niiglag. Danab nug sipsip nag, o nug sipsip dawai okkai, o meeme diia, aqak abenppa gotte, amubia da Babilon danab ah diikkul.” Yawe Nug anam atte.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Daniel 5:1

⌊Nebukatnesar mauhe ukke, dimppa⌋ Babilon dilag king onig Belsasar nug danab okkai nuhikkud 1,000 dilag hobul naɗi he daan, ee laegeg, Belsasar nug ag ele wain lappig.

Daniel 5:30

Anam, amge tuqan amuppanab Midia, Persia ele dilag daup ag aab naɗi Babilon amu aon, ag Babilon dilag king Belsasar qeeg mauhom.

Daniel 5:5

Ag amu henan daaegeg, pahanab kingnu lag enanagnab simen gilil aɗak, amuppa lam maknu balal guguittak, appa danab eppeg tula ba, eppeg amu gilil amuppa nai yom. Eppeg nai amu yeeye, king nug anttom.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Duteronomi 28:67

Buttua amu, ag akkulag. “Paha uudokku am ena!” Tueb amu, ag akkulag. “Paha wakkaɗkku am ena!” Ag anam akkulag diig am, ag keeke nau digdig ahilagppa bekkulag amu anadna, eheɗ nau baɗan, anam akkulag.

Duteronomi 32:11

Yawe Nug am ai igel laa, nag hagagaɗkkunu ippunidtte, amubia heum. Igal nug haen oh nag naqekkunu heebeb aɗa awa, haugppa mekkunu babaitta daatte bia, Yawe Nug Israel danab ah ehanatta, aakku ahilagnu anam heum.