Aisaia 21:3 - Nobonob Baibel

³ Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Aisaia 21:3 ပူးပေါင်းရင်းမြစ်များ

Sam 48:6

Appa ag Kayak Nug aab amu atognotte anidna, ag huanaknab baɗappig. Ao, ag anidna baɗan, ag ⌊ahilag dabmak aab amunu dim lamidkkulagnu elele iitta doon,⌋ ag ah nid aokkun haaha, nug guittak naunab doyaya, beɗu aab qette, ag amubia guittak ⌊oolagppa⌋ dooppig.

Aisaia 13:8

Baɗak okkai, eheɗ naunab tonatteb, geha guittak okkai dooglag. Ag geha ah nid aokkunu guitte, beɗu itoɗia akkoniaya bia hekkulag. Ag akka akka nug iɗu neekkidna, iɗulagppa haen naunab aakku beum anidkkulag. Ag geha anam anidna ag geha nau, eheɗnab baɗaglag.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 16:11

Anam amunu, da oolppa Moap wannu da uug eheɗ naunab doottem. Ao, da oolppanab da Kirheresnu anam doottem.

Aisaia 16:9

Anam amunu, da grep dad Sibma aab okkainu nauheb, da Jaser danab ah qanaglag bia qanattem. O aab Hesbon, O aab Eleale, da ahilahnu qanattem; amel leb amu na, ahilah danab ah oh layadkkunu elele. Aɗinu? Anukka, haen ahilah danab ah ag grep meu, meu laa ele aonna, ag amunu gamalag huan ahe eppig, amge ewak amu oh iitta mekku.

Aisaia 26:17

⌊Na noomppa ig eheɗ heut,⌋ na bu mekkame ⌊amunu,⌋ ig ah nid aokkunu guitte, beɗu itoɗia akkoniaya, gayaya hette bia na noomppa hetat daamut. O Yawe, ig guittak okkai nau aota, ig dabmak ihinigppa, “Keeke ena laa geha bekku,” doomut, amge iitta. Ig ehanitteb padal ii maknu uɗat laa wanppa heut ii beum. Ig kekeɗ tappaladpput noppeg, ig hepput, ihinig dayak ena bekkunu amu, ig ii heut beum.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 48:41

Kekeɗ ag uɗin, Keriot eɗadna, wan amuppan aab aɗ ɠagattagnab ele aoppeg, Keriot danab ah ag eppelagppa daaglag. Amu beeb, deɗ amuppa Moapnu daup ag ah nid aokkunu hette bia daaglag.

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 50:43

Babilon dilag king nug daup amunu nai dookku amu, nug aɗi keeke hekkunu laa iitta, nug gai-iitta daakku. Nug ooppa guittak naɗi dookku; ah nid aokkun haaha, guittak dootte, guittak amubia nug ooppa dookku.

Jeremaia 6:24

⌊O gadon, ig Juda⌋ ig daup amunu nai doot malamut, amu ig gai-iitta daattem. Ig eppenig am hamu daatte, danab eppeg laih laih oh mauhom, amubia. Ig doot, ig dabmakppa guittak okkainab doottem. Ao, ig ah nid aokkunu haaha, guittak okkainab dootte, amubia ig guittak okkainab oonigppa doottem.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Jon 16:21

Ah nug nid menukkunu haen male, nug guittak dootte, amge nug nid menuowa, nug baula guittak ii dabmette. Aɗinu? Nug nid menue doum amunu, nug maɗoɗppan gamag ahak dootte.

Duteronomi 28:67

Buttua amu, ag akkulag. “Paha uudokku am ena!” Tueb amu, ag akkulag. “Paha wakkaɗkku am ena!” Ag anam akkulag diig am, ag keeke nau digdig ahilagppa bekkulag amu anadna, eheɗ nau baɗan, anam akkulag.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.