Aisaia 20:3 - Nobonob Baibel

³ Amu haen Asiria ag aab okkai Asdot aoeg dimppa, Yawe Nug inam aum. “Maɗ ewam imu oh Aisaia, maɗi nid dahil, nug lamen heɗiag ele meum amu uɗowa, baeg gaɗa ele uɗa, aakku qaɗeppan lamen iitta, baeg gaɗa ele iitta, hamu oiyom. Anam oiyomnu diig am, geha keeke uug nau Isip, Kus ele dilagppa bekku, Aisaia heum am, amunu doyaknu at aakku ippunattom.

Aisaia 20:3 ပူးပေါင်းရင်းမြစ်များ

Aisaia 19:4

Da geha heppi, Isip ag king nau laa, nug laa guittak mettaknu uug laa ii dootte, ag nug eppegppa gona, nug waappa daaglag. Ao, da geha heppi, king nau, nug danab ɠagattagnab, nug ag gumadkku.” Naɗi, Yawe Nukka Ɠagattag Oh Ele, Nug anam aakku atte.

Aisaia 37:9

Amu Isip dilag king onig Tiraka, nug Kus danab, nug Asiria ele ban hekkulagnu dabma uɗieye, Asiria dilag king Senakerip nug amu doya, nug nai laa Hesekaia dookkunu, nug nuhig maɗi oiyak danab laala Hesekaia toppa gona, nai amu mettaglagnu maatte goppig. Nai ag Hesekaia mettaglag, nai amuam inam.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Aisaia 8:18

Aria da, amu nid naunau, Kayak Nug da meɗom ele amu, da ag ele ig iikku daattem. Am Yawe Nukka Ɠagattag Oh Ele, Sion qaukoppa daatte ele, Nug am Yawe, Nug ig otikka, Nug keeke oh Israel danab ah dilagppa hekkunu aum amu, ig amunu at, amunu epponak keeke bia daagnignu meikke daattem,” awa aum.

Jeremaia 13:1

Amu Yawe Nug da Jeremaia, Nug da amelppa aum. “Na ahan gona, matagiɗ linenppa heppig ele daden mena, na imuanppa tagakkut, amge na leppu qemanu na dabmena autna awe!” awa aum.

Esekiel 12:6

Laa ag neekkidna daappeg, ⌊na ippu hak imu hena,⌋ na keeke aon gokkut ele amu, na amu gukkanppa maon, gatatu neebeb gokkut. Da hei, na uug naunab Israel danab ah dilagppa bekkun daattenu at daattem amunu, na gonana, na wan uuttem ele, na amu anidmananu na iɗun hautte!” Yawe Nug da amelppa anam aum.

Esekiel 30:4

Kekeɗ ag uɗin, ag Isip danab ah qep elabppa aqaglag. Ao, ag uɗin heppeg, Kus danab ag uug naunab dooglag. Kekeɗ ag uɗin ag aqona amu, ag Isip dilag en ele aon gokkulag. Ag anam henana, ag Isipnu keeke oh heppeg nauhna autna aoglag.

Esekiel 30:6

Amu Yawe Nug inam atte. “Danab ag Isip ehanadtteb ele, ag mauhkkulag. Mauhppeppeg, Isip nug gai-iitta daakku. Isip wanppa Mikdolnu ukka Aswan batak amu, kekeɗ ag danab qep-ppa aqappeg mauhkkulag.” Naɗi Yawe Nug anam atte.

Esekiel 4:1

Amu Yawe Nug Esekiel amegppa aum. “Danab bekka, na yaaknu uɗug, wanppa babaittak aon, na noomppa mena, aab okkai Jerusalem dottog amuppa hoiye!

Esekiel 4:3

Na amu hewona, na tappiɗ aenppa hak aon, aab dottog amu daugppa mena, na heqo laih daakkut; amuam aennu aɗ bia aab okkai, na ele gamalahppa daakku. Na amu oh heppe, aen tappiɗ amu na noomppa dayebeb, na anam daanna, na kekeɗ ag aab amu eɗidkkulagnu oo mattan aqaglagnu maadna daaglag, ag daaglag bia na daakkut. Na daanna, anam hebeppe, Israel buɗub ag amu anidna, ahilagppa aɗi kobol bekkun daatte anidkkulag. Na hettem, amuam kobol bekkun daatte, amunu at daakku.

Sepanaia 2:12

Yawe Nug atte. “Ag Kus daatteb amu, da ag dahil qep elabppa bu madakkul,” awa atte.

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Namba 14:34

Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’