Aisaia 20:2 - Nobonob Baibel

² ⌊Asiria ag Pilistia dilag aab okkai amu aoppig, amge keeke amu ii bak, bekkunu maɗ ewam daye,⌋ haen amuppa Yawe Nug Amos bekka Aisaia amegppa aum. “Na lamen heɗiag ele meme amu uɗona, na baen gaɗa baenppan ele uɗakkut,” awa aum. Nug anam a, Aisaia nug anam haaha, nug qaɗeppan lamen ele iitta, baeg gaɗa ele iitta, anam hamu oiyom. Am Aisaia nug Yawenu nai doya, nug Yawe aum bia anam heum.

Aisaia 20:2 ပူးပေါင်းရင်းမြစ်များ

2 Samuel 15:30

Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

2 King 1:8

King oɗ matte, ag eɗun nob mena appig. “Danab amu nug lamen nuhig beɗuppa meum ele, amuam doɗ uɗigppa heppig, imuagppa matagiɗ takkom, amuam doɗ gaɗappa heppig takkom ele,” aon appig. Ag aeg, king nug doya, nug amelagppa aum. “Nug am propet Elaiya, nug am Tisbe ted,” awa aum.

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Eksodas 3:5

Awa a amu, Kayak Nug aum. “Na tuɗidna, aib gukkuiɗna dome,” awa aum. Nug anam anana, Nug nai tuɗitta aum. “Wan na hippaidna daattemppa, amuam dahilnu tituanak daatte amunu, na baen gaɗa meme ele amu, na uɗe!” awa aum.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 37:2

Amu nug Eliakim, nug kingnu lag enanagnab gumom, Sepna, nug am nai yaak danab, amu mana mettak danab anuqak ele ag oh lamen heɗiag ele maadna, ag ahan, Amos bekka, Aisaia toppa gokkulagnu a, ag goppig. Aisaia nug am propet.

Jeremaia 48:37

Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Esekiel 24:17

Nug mauheb amu, na nuhignu qinonob baatppaib aiqakkak he! Nuhignu aib mahime. Na igippan lamen aib uɗame, baeg gaɗa ele aib uɗame. Na laa ag laa mauhomnu mahiak hekkulagnu iɗulag laih akkabɗulag ukka amelag batak haut-tteb amu, na amubia aib heme. Danab ag laa mauhomnu ee latteb amu, na ee amu aib lame,” awa aum.

Esekiel 24:23

Ag igippan lamen ii uɗamna, baeg gaɗa ele ii uɗamna. Ag mahiak, gayak ele ii hemana. Ag amu oh ii hemana, amge ag hipunin heppig amunu, ag ebehilag teeb, ag baalagppaib qinonob aiqakkak hekkulag.’ ” Yawe Nug anam aum.

Esekiel 4:1

Amu Yawe Nug Esekiel amegppa aum. “Danab bekka, na yaaknu uɗug, wanppa babaittak aon, na noomppa mena, aab okkai Jerusalem dottog amuppa hoiye!

Esekiel 4:5

Da na deɗ 390, na anam niikkutnu tituanmi. Deɗ ebqak anam am, Israel danab ah ag maɗ gane hipuninnu nob maon oiglag, am amu ele ebqak laippu; am 390 amunu, na deɗ 390 Israel dilag hipuninnu nob maon, anam niikkut.

Maika 1:11

Danab ah Sapir daatteb ele ag amu, ag lamen iitta, uɗa nak ele wan laappa ⌊appa diia ukka laih me dayak danab ah daaglagnu⌋ ukkeg! Danab ah Sanan daatteb ele amu, ag ⌊lailkad ehanadkkulagnu⌋ aab dimittim uɗiglagnu elele ii doon, aab ooppaib daatteb. Danab ah Betesel daatteb ele, kekeɗ ag heeg, ahilag aab am nauha autanab awom amunu, ag uug naunab nau aon, gaanna daatteb.

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Sekaraia 13:4

Haen amuppa danab nug, ‘Da propet, da tulegleg laa anidmi’ akkunu uɗanak dookku. Danab laippu laa nug danab ah buppualattebeb, ag nuhignu, nug am propet, dabmekkulagnu nug propet dilag lamen ii takkama.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 3:4

Amu Jon nug lamen kamel uɗigppa hak ma, nug imuagppa matagiɗ doɗ gaɗappa hak ele tagattom. Nuhig ee am atuppanu uppuh leppu, tap-lokus ele.

Jon 21:7

Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.

Aposel 19:16

Ouɗi nau amu anam awa oɗ matte amu, danab ouɗi nau nug beɗuppa dayom ele amu, nug aha oola qaɗelagppa ta, eɗatta, eheɗ makkuɗatta, beɗulag he nauha auta awe, ahilag lamen ele pattiɗe ne, ag lag amuppanu beɗulag miag dayeye, tiilag neene, ahan oolna goppig.

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

Josua 5:15

Josua nug Yawenu ban daup ikki amu anam oɗ mette, ban daup ikki nug nob ma aum. “Aben na hippaidme daattem ele, amuam Kayaknu tituanak daatte amunu, na baen gaɗa uɗe!” awa aum. Nug anam a amu, Josua nug anam aakku heum.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

1 Samuel 19:24

Saul nug anam haaha ukka, Naiot ta, nug lamen elab amu uɗa awa, nug lamen elab, lamen amu iitta ele dayom. Nug ele Samuel amegppa propet nai mehuqom. Nug anam ha, dimppa nug lamen elab ele uɗak, lamen laa aakkuib beɗu hautak dayeye, deɗ amuppa nug amun, tuqan ele wanppa niiom. Nug anam niieye, danab ah ag diig amunu, “Saul nug ele propet ele qagmeppigte?” aon adappig.