Aisaia 2:6 - Nobonob Baibel

⁶ ⌊O Yawe,⌋ na nahipad danab ah, ag Jakop buɗub amu, na ag uuadna dimattame. Aɗinu? Nahipad danab ah ag danab ah aam bedeppanu dilag dabmak hambuppuak aoeg, ahilagppa ambeum. Ao, danab ah nahipad ag Pilistia danab ah dilag eman hak kobol aon, ag amu hetteb. Ag danab ah Yawe ii dim lamidtteb ele laippu oinna hetteb.

Aisaia 2:6 ပူးပေါင်းရင်းမြစ်များ

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

2 King 17:20

Anam amunu aakku, Yawe Nug Israel buɗub oh geɗattom. Nug eheɗ matta he, kekeɗ ag uɗin, Israel dilag keeke yab akkan goppig. Amge Israel ag kobol nau hak ii uuppig amunu, Yawe Nug he, ag gona, Nug noobppa ii daappig.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

2 Stori 24:20

Anam amu, haen laa Kayak Ouɗi Nug mana mettak danab Jehoiada bekka Sekaraia, nuhigppa uɗia, nug danab ah noolagppa hibaitta, inam aum. “Kayak Nug inam atte. ‘Aɗinu ag Yawenu haknunab nai ii dim lamidtteb? Ag anam henana, ag ena ii daamna. Ag Yawe uun oitteb amunu, Nug ele ag uuatta oitte,’ ” awa aum.

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

Sam 106:35

Ag anam ii heppig. Iitta! Ag danab ah Kayak ii dim lamidtteb ele, ag amu dilag ele ewau matulak awak hena, ag digmena, danab ah amu dilag kobol nau amu heppig.

Eksodas 22:18

Ah nug eman kobol hette ele, ag nug qeppeg mauhaɗ!

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Prowerb 6:1

O da bekkal, na nahip mudippan laa nug lon awewe, na nug lon aokkunu nahip keeke lonnu onig awak daakkunu nahip nai ɠagattag qettan mattime dayeb, ge, danab laa nug lon awewe, dimppa nug eɗua lon mameg men doɗo amu medakkunu elele iitta daakku dayeb, na medakkutnu genab hekkutnu mattime dayeb,

Aisaia 14:29

“O ag Pilistia danab ah oh, king laa nug uug matte, ag uug maoppig amu, nug aakku iitta meum, amge diig amunu ag Pilistia ag amunu aib gamalag ahom. Aɗinu? King amu buɗub, nug mameg nau ahilagppa heum amu, buɗub amu nug nau hak amu eɗittak, naunab hadakku. King mauhom ele nug am mat nau, danab emaleb mauhkku, o iitta ehanittak awa, ii mauhma, bau daakku bia dayom, amge nug buɗub am mat nau, danab emaleb, laippun, pahanab mauhkku aakkuib, amubia daakku.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Jeremaia 10:2

Yawe Nug inam awa atte. “Ag wan laala dilag kobol aib anidna dim lamidppig. At habppa beegeg, wan laappan danab ah ag anidna, eheɗ nau baɗatteb amu, ag Israel, ag amubia aib heppig.

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Lewitikas 19:31

Ag mauhak ele gamag danab, mauhak ele mattiak danab ele gumadna goppeg, ag heppeg, dahil neekkakppa ag oolagppa dubuttid tak ele daaglag amunu, ag aib gumadna goppig. Da am Yawe, ahilag Kayak.

Lewitikas 20:6

Am aun nug danab ah oolagppa, dahilnu ooppa genab ii doya, nug mauhak ele gamag danab, mauhak ele mattiak danab ele dabmadatta dim lamadkkunu gumatta gokku, nug amu dilag kobol digdig ele dim lamidkku dayeb amu, da geha danab amu eheɗ hedakkulnu doyeye dayen, da heppi, nug Israel oolagppanu geɗittak daakku.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.

Maika 5:12

Da heppi, emaɗ hak maɗi ahilagppa iinab daama. Ao, da heppi, ag baula danab laa emaɗ hak kobolppa heppeg ii nauhma.

Sepanaia 1:8

Yawe Nug atte. “Deɗ da mana mettaknu hobul hekkul amu, deɗ amuppa da kingnu ehanittak anuqak danab, king bekkod, amu laa oh wan laappan danab ah ag eheɗ hetteb bia eheɗ hetteb ele, da danab ah amu oh bu madakkul.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

1 Samuel 6:2

Nug anam kalam eblaih aɗit ele dayeye, Pilistia danab ag ahilkad mana mettak danab, amu ahilkad eman danab ele, ag ag onilagppa eeg, ag uɗieg, Pilistia danab ag appig. “Yawenu Tituanak Nainu Kunup amu, ig Tituanak Nainu Kunup amunu attem hekkunig? Ig aɗi keeke Tituanak Nainu Kunup amu ele mepput, nug eɗua, nuhig abenppa gokku?” aon appig.