Aisaia 2:22 - Nobonob Baibel

²² Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Aisaia 2:22 ပူးပေါင်းရင်းမြစ်များ

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Genesis 7:22

Genab, keeke bau wanppa oippig amu, ag oh mauhadppig.

Job 27:3

Kayak nug anam genab bau daatte, genab amubia da bau daattem haenppa, da oɗelppa nau laa ii madipa. Ao, genab amubia Kayak ehanikkekke, ulah da noolppa daatte haenppa, da ham-laa-ii-bubupa.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Aisaia 40:15

Yawenu neekkakppa amu, wan atu oh am keeke nakoknab, le ataɗa nak laippu giɗo nakokppa nette, amubia. Ao, Yawenu neekkakppa wan atu oh am keeke nakoknab, gappud teppu iittanab, skelppa daatte, amubia. Nug nud oh uugnu amu Nug gappud teppu iittanab skelppa daatte, Nug nud oh dilag uugnu anamib dootte.

Aisaia 40:17

Yawe noobppa amu, wan atu oh am keeke ii daatte, amubia daatteb. Ao, Nug noobppa wan atu oh am keeke iitta, hamunab, uɗat mettaknu elele iitta, amubia daatteb. Nuhig neekkakppa wan atu oh am keeke nagnagnag, anttaknu elele iitta bia daatteb.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Jeremaia 17:5

Yawe inam atte. “Laa nug danab dilag ooppa genab dootte, nug ɠagattag, danab dilagppa aokkunu dabmette, nug da, Yawe, nug da dimeɗa ii dim lamiɗtte amu, nug aakku eheɗ laa awaknu anak waappa daatte.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.