Aisaia 2:16 - Nobonob Baibel

¹⁶ Am Tarsisnu uub okkai okkai oɗiaknu en maotteb ohnu epeɗiaknu haen, Uub ena ena oh elenu epeɗiaknu haen ele.

Aisaia 2:16 ပူးပေါင်းရင်းမြစ်များ

1 King 10:22

Aɗinu? King Solomon nug ele am uub laala, ag Hiramnu uub amu ele aben laalappa gona oinna, keeke daden maknu amu mawadppig. Uub ag haen oh gonana, aben laalappa maɗ ewam anam oinna, eɗun uɗidppig. Ag gol, silwa, elepan aeg, monki, amu ai onig pikak ele, ag amu oh mawadna eɗun uɗidppig.

Sam 47:7

Kayak Nug wan atu ohnu king daatte. Nug am wan atu ohnu king amunu, ag ahi laa Nug humittaknab nuhignu etteg!

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Aisaia 23:14

Danab ag Tarsis dilag uubnu uɗat nid, boskru aɗi, ag oolag doyeb gayeg! Aɗinu? Aab aɗ ɠagattagnab ele ahilag amu, nug nauha autanab awom.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Esekiel 27:25

Aria, O Aab Tair, danab ag anam anam uɗin, nahip keeke aoglagnu keeke amuppa daden meppig, gemu ele hetteb, amge na ele nahip keeke laala uubppa mee, aon laih laih goppig, gemu ele hetteb. Uub amuam Tarsisnu. O Aab Tair, na am uub laa, yu gamagppa ugekke, nuhigppa keeke oh ambakib daatte amu, na amubia daattem.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Revelesen 18:11

Keeke laihnu awa dadennu mak danab ag ele nuhignu dabmak aonna, oolag uug ele daanna gaaglag. Aɗinu? Aab amuppan danab ag ahilag keeke ele baula daden ii memana.

Revelesen 8:9

Keeke oh yuppa bau daatteb ele amu, ameg laippuppa amu mauhppig; ameg aɗitppa amu bau daappig. Yuppan uub oh ameg laippuppa nauhppig; ameg aɗitppa am ena daappig.