Aisaia 2:12 - Nobonob Baibel

¹² Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 2:12 ပူးပေါင်းရင်းမြစ်များ

2 Samuel 22:28

Na danab ag akka ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗittaknu dabmak aotteb amu, na heppe, ag nena qekkulagnu neekkadttem.

Job 24:1

Am aɗinu Laa Nukka Ɠagattag Oh Ele Nug haen ganeb hettoɗiak abenppa daakkunu a, ig ii doottem? Ao, laa ag Nug dootteb ele, ag Nug hettoɗiak abenppa anidkkulagnu dabmetteb ele amu, aɗinu ag amu hekkulagnu ib oo nak daatte?

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

Sam 94:2

O laa, na wan oh epeɗiadttem ele amu, na ahakkutnu oɗ medattem. Ao, dada hak danab ag bu aoglagnu daatteb amunu, na ahilag hak nau eleleppa bu madakkutnu unuqidttem.

Prowerb 16:5

Yawe Nug dada hak danab dilagnu ooppa uuaknab dootte. Genab, na imu ootppa genab doye! Nug genab ag bu madakku.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 10:33

Amge Asiria daup, ag dabmeig! Naɗi, Nug Yawe Nukka Ɠagattag Oh Ele, Nug geha nuhig ɠagattag okkai naɗi ele, Nug amuppa oɗoɗadkku. Nug geha ahilkad danab okkai oh, danab onilag ele oh ele tabatteb nokkulag. Gemu amu, ag ad elab daatteb, ag amubia teppig daanna hetteb, amge geha Nug ag oatteb, qiin gona wanppa qekkulag, ad qiia ukka, wanppa qette, ag amubia hekkulag.

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 13:9

Antteg! Yawenu deɗ naɗi aakku uɗitte. Deɗ amuam deɗ naunab nau laa. Deɗ amuppa Yawenu oppoɗi bak, nuhig oo nauhak huanaknab ele am geha miag beeb anidkkulag. Deɗ amuam wan atu oh am hele-ettak daaglagnu, hipunin danab am heeb iitta mekkulagnu uɗitte.

Aisaia 14:15

⌊Na anam ame⌋, amge laa nug he, na mauhak danab appalagppa uɗime. Na uɗina amu, na mauhak danab dilag aab batakppanab daattem.

Aisaia 23:9

Yawe Nukka Ɠagattag Oh Ele, Nug nauhak amu bekkunu maittak awom. Maittak awom am, Taia danab dilagnu, danab ah laa ag ahilagnu, “Ag binag amahlak oppiaawak ele,” dootteb amu, Nug ag nena qeppeg, laa ag ahilagnu, ag am keeke hamu, dooglagnu heum. Ao, Nug huu laa, Taia, danab ah ahilagnu, ag onilag ele dootteb amu, Nug ag uɗa nak doon oiglagnu heum.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 24:4

Wan nug qaɗaietta nauhkku. Ao, wan nug hamu daya nauhkku. Ge, wanppan danab okkai okkai, ag padal mekkulag.

Aisaia 40:23

Kayak Nug he, wan imuppan king buɗuppud ag danab hamunab daatteb. Ao, Nug he, wan imuppan okkai ag iitta metteb.

Aisaia 42:15

⌊Da ag anam ehanadkkulnu hein, danab layag ehanidkkunu keeke kuɗum he nauhakib daatte, amubia⌋ da qauko okkai, amu qauko nakok ele hadappi, ag nauhaknab bena daaglag. Da heppi, ad keeke, ag qaukoppa daatteb amu, ag qaɗaiettaglag. Amu ele da heppi, le, amu le ameg ele ag qaɗaiettaglag.

Aisaia 5:15

⌊Haen amuppa amu, Yawe Nug heeb,⌋ wanppan danab ah, ag gomelkkulag. Ao, ag onilag qe nak ele oiglag. Amu beɗuppa tak danab ah ag beɗuppa tak danab dilag neekkak bia ii neegmana. Iitta. Ag onilag qe nak ele oiglag.

Jeremaia 12:9

Ai laa doɗ qe mauhe latte, o doɗ laa onig haaina, nug ele anamib hette amu, dahilad danab ah ag amubia daanna, eheɗ heiɗtteb, amge wan kuɗum, ag ai nau bia, ag ag taliliadna daatteb amunu, wan laappan danab ag ⌊ai amu, o⌋ doɗ dakkuɗ qagmena, ahan uɗin, dahilad danab ah ele ban hena eɗadna heppeg, padal meig!

Jeremaia 13:9

“Da, Yawe, da inam attem. ‘Danab ah Jerusalem daatteb, ag am dada danab ah nau, amu Juda danab ah laa oh ele, ag ele am dada danab ah. Ag anam daatteb amu, matagiɗ nauhom, amubia da heppi, dada hak kobol ahilag am nauhkku.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Jeremaia 46:10

Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.

Jeremaia 50:31

Yawe, Nug Yawe Nukka Ɠagattag Oh Ele, Nug atte. “Babilon, ag am beɗuppa tak danab, amge da ahilag hak amunu eheɗ doyeye ool ii madattem. Aɗinu? Ahilag bu awak haen aakku uɗiom daatte.

Esekiel 13:5

Ag Israel dilag propet, ag ahilag uɗat pehettak ii hetteb. Ag ⌊am propet hambuppuak,⌋ ag danab nug aabnu aɗ bappaidkkunu tituanak daatte, amge nug ii he, ban miag do, ban haen amuppa aabnu aɗppa aben laala nauha daatte, ag amubia henan daatteb. Ag propet hambuppuak, ag Israel danab ah ag Yawenu deɗ naɗippa ban daakku, ag ban amuppa ɠagattag daaglagnu, ag Israel dilag propet, ag ahilag uɗat pehettak ii heegeg, gemu ele ii hetteb.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.

Maika 2:3

Ag amu hetteb amunu, Yawe Nug inam atte. “Da heppi, ag amu hetteb ele, ahilagppa uug naunab ag qaɗelagppa nekkunu, da dabmettem. Uug amu ag eɗidkkulagnu ib iinab anidmana; iitta. Uug amuam keeke oh he nauhaknu uug amunu, uug amu beeb, ag danab ah amu hetteb ele, ag baula dada danab ah daanna, ii oimna.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.

Sepanaia 1:16

Deɗ amuppa ban daakku. Danab ban hekkulagnu trampet iwalppeppeg, ban haknu ewak ele ekkulag. Ao, ag aab okkai ɠagattag aɗ ele, aria aabnu aɗ daug daugppa ban haknu lag attan ta ukkak menppa hak, ag amu ele aoglagnu ban hekkulag.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Matyu 23:12

Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

1 Korint 5:5

aria danab amu nug beɗu nauhkkunu, amge nug ouɗi Naɗi Jesusnu deɗppa Padal ii maknu ehanittak aokkunu, ag danab amu aon, Satan eppegppa meig!

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”