Aisaia 2:11 - Nobonob Baibel

¹¹ Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:11 ပူးပေါင်းရင်းမြစ်များ

2 Samuel 22:28

Na danab ag akka ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗittaknu dabmak aotteb amu, na heppe, ag nena qekkulagnu neekkadttem.

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

Sam 20:8

Aabaab amu ag gatelag qaun ona daan, ag geha nena qena autnanab aoglag, amge ig am ahat, alet anam hippaitta daagnig.” Laa nug anam aum.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 94:2

O laa, na wan oh epeɗiadttem ele amu, na ahakkutnu oɗ medattem. Ao, dada hak danab ag bu aoglagnu daatteb amunu, na ahilag hak nau eleleppa bu madakkutnu unuqidttem.

Prowerb 16:5

Yawe Nug dada hak danab dilagnu ooppa uuaknab dootte. Genab, na imu ootppa genab doye! Nug genab ag bu madakku.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 14:15

⌊Na anam ame⌋, amge laa nug he, na mauhak danab appalagppa uɗime. Na uɗina amu, na mauhak danab dilag aab batakppanab daattem.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 23:9

Yawe Nukka Ɠagattag Oh Ele, Nug nauhak amu bekkunu maittak awom. Maittak awom am, Taia danab dilagnu, danab ah laa ag ahilagnu, “Ag binag amahlak oppiaawak ele,” dootteb amu, Nug ag nena qeppeg, laa ag ahilagnu, ag am keeke hamu, dooglagnu heum. Ao, Nug huu laa, Taia, danab ah ahilagnu, ag onilag ele dootteb amu, Nug ag uɗa nak doon oiglagnu heum.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Aisaia 26:1

Geha dimppa haen laa uɗieb, danab ah Juda wanppa daatteb, ag geha ahi imu ettaglag: Ig am aab okkai ɠagattagnab ele. Yawe Nug he, Padal ii maknu ehanittak nuhig am aab amunu aɗ, wan buue te aɗ itak ele daatte.

Aisaia 28:5

Amu haen amuppa amu, Israel danab ah oɗo yaak daaglag. Daanna oippeppeg, Yawe Nukka Ɠagattag Oh Ele, Nug king haɗ enanagnab bia ahilagnu dayaya, ahilag king daakku.

Aisaia 29:18

Haen amuppa ⌊Yawe Nug heeb,⌋ danab daulag ituak ele, ag danab laa buk itoɗiak ebqeebeb dooglag. Danab amelag gaɗuak ele ag, ag baula gatatu ooppa ii daamna. Iitta! Ag neegkkulag.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 4:1

Haen amuppa geha ah eblaih aɗit ele ag danab laippu laa aɗaglag. Ag aɗan, ag inam amegppa akkulag. “⌊Ig igakka nug gumat daagnignu elele.⌋ Ig igakka, anen anen ee ihinig latata, amu ig igakka anen anen lamen ihinig ele takkagnig. Amge ig am danab laa ii aomut amunu, ig uɗa nak nau guittak ele doottem. Anam amunu, uɗa nak nau guittak ele amu iitta mekkunu amu, na ig gamunig daakkutnu oɗ medattem,” aon akkulag.

Aisaia 40:23

Kayak Nug he, wan imuppan king buɗuppud ag danab hamunab daatteb. Ao, Nug he, wan imuppan okkai ag iitta metteb.

Aisaia 52:6

Anam amunu da heppi, danab ah dahilad ag ⌊oolag eɗueb, ag da dim lamiɗna,⌋ da onil doon, ⌊ɠagattag daappeg, wanppan danab oh ag amu anidkkulag⌋. Ao, anam amunu da heppi, danab ah dahilad ag ⌊oolag eɗueb, ag da dim lamiɗna,⌋ ag daib, ‘Da iikku daattem,’ attem doon, ag ⌊ɠagattag daappeg, wanppan danab oh ag amu anidkkulag⌋,” awa atte. Yawe Nug anam awa atte.

Jeremaia 12:9

Ai laa doɗ qe mauhe latte, o doɗ laa onig haaina, nug ele anamib hette amu, dahilad danab ah ag amubia daanna, eheɗ heiɗtteb, amge wan kuɗum, ag ai nau bia, ag ag taliliadna daatteb amunu, wan laappan danab ag ⌊ai amu, o⌋ doɗ dakkuɗ qagmena, ahan uɗin, dahilad danab ah ele ban hena eɗadna heppeg, padal meig!

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Esekiel 38:14

Yawe Nug anam ana, Nug tuɗitta aum. “Anam amunu, danab bekka, na dimppa aɗi bekkunu nai Gog amegppa inam appe doyaɗ! ‘Naɗi Yawe Nug inam atte. Deɗ amuppa, dahilad danab ah, Israel, ag baɗak iittappa anam daappeg, na amu iite dabmekkut?

Esekiel 38:19

Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.

Esekiel 39:11

Amu Naɗi Yawe Nug atte. “Amu haen amuppa da heppi, Gog, am nuhikkud ele dilag boumak aben am Israel wanppa daakku. Ag danab huanaknab amu mauhadppeg, oolnu noak laappa boumadkkulag. Oolnu noak amuam Mauhak Le heqo laih qaban uɗitteppanu daatte. Danab nug qaban uɗitteppanu uɗia, Mauhak Leppa gokkunu haaha, nug oolnu noak amu leta gokkunu daatte, amge boumak aben amuam okkainab amunu, ib amuppa gotte ele am keldoak daakku. Danab aun laa nug oolnu noak amu leta, laih gokkunu hekku am elele iitta. Gog, am nuhikkud ehanittak huanaknab ag aguppa boumadkkulag amunu, ib am keldoak daakku. Ag aguppa boumadkkulag amunu, oolnu noak amu onig Hamon Gog ataɗkkulag.

Esekiel 39:22

Da anam heppi, Israel danab ah ag dooglag, da am Yawe, ahilag Kayak. Haen amuppa ag amu doon, haen amu dimppa ele amuib hanhan dooglag.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Hosea 2:16

Amu deɗ laa uɗieb, nug geha dahilnu, ‘Gumitta danab uɗat ɠagattag meɗatte,’ anak uua, nug dahilnu, ‘Da gamul’, akku.

Hosea 2:18

Amu Yawe Nug atte. “Haen amuppa amu, da geha doɗ dakkuɗ, ai, amu doɗ laa ag oolag wan qeeqe oitteb ele amu, da doɗ amu oh ele ag dahilad danab ah eheɗ ii hattamananu nug tituanta nai qakkagnig. Geha da heppi, dahilad danab ah ag wanelagppa qep elab, lat, amu ban hak ele ii anidmana. Da heppi, ag baɗak iittappa daan, tuqan niiak abenppa niiglag.

Hosea 2:21

Amu Yawe Nug atte. “Deɗ amuppa, geha da heppi, gu neebeb, wan bauɗkku.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Obadaia 1:8

Haen amuppa da, Yawe, da heppi, kekeɗ ag danab doyak dabmak ena ele oh ag Edom wanppa daatteb aqappeg mauhkkulag. Ao, da heppi, ag danab oh ag diignu doyak tutukku ele Edom wanppa daatteb, ag Esau buɗub amu, ag mauhna, iitta mekkulag.

Maika 2:3

Ag amu hetteb amunu, Yawe Nug inam atte. “Da heppi, ag amu hetteb ele, ahilagppa uug naunab ag qaɗelagppa nekkunu, da dabmettem. Uug amu ag eɗidkkulagnu ib iinab anidmana; iitta. Uug amuam keeke oh he nauhaknu uug amunu, uug amu beeb, ag danab ah amu hetteb ele, ag baula dada danab ah daanna, ii oimna.

Maika 4:6

Yawe Nug atte. “Dimppa, deɗ laappa da danab bu mattami, ag danab autaut oitte bia, da ag qagmatten ⌊heppi, ag eɗun ahilag wanppa daaglag⌋. Ao, da danab ah kekeɗ ag diin gona, wan laappa diia ukka laih me dayak danab ah daaglagnu maatteg daatteb amu, da ag qagmaatten heppi, ag uɗin daaglag. Ge, da danab ah uug mattami ele, da ag qagmaadppi, ⌊ag eɗun wanelagppa daaglag⌋.

Maika 5:10

⌊Israel ag oɗo yaak danab ah daatteb amu, ag anam hekkulag, amge tatam ahilagnu⌋ amu, Yawe Nug atte. “Deɗ amuppa amu, da ahilkad hos banppanu amu, da heppi mauhkkulag, Ao, da bannu karis ele heppi nauhna autna aoglag.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Sepanaia 3:16

Haen amu uɗieb laa ag, ag Israel ahilagnu ag inam akkulag. “O Israel danab ah, ag aib baɗappig. Ao, ag oolag uug ele doonna, hamu aib daappig.

Sekaraia 9:16

Deɗ amu uɗieb amu, Yawe, ahilag Kayak, Nug nuhikkud danab ah ehanatteb, ag ii mauhmana. Sipsip gumak danab nug doɗ nau laa nuhikkud sipsip heeb nauhmananu sipsip nuhikkud atognoadtte bia, Yawe Nug nuhikkud danab ah atognoadkku amunu, haen amuppa Israel danab ah ag Yawenu wanppa men daden nob okkainab ele king haɗppa amemɗiag aotte, amubia ag nuhig wanppa anam daaglag.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

2 Korint 10:17

Amge Kayak nai ele binag maknu nai laa ippunigtte. Nai am inam. “Laa nug onig humak hekkunu oo daatte amu, nug Naɗi onig aakkuib humaɗ!”

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

2 Tesalonaika 1:10

Deɗ amuppa amu, Naɗi Nug uɗieb, nuhikkud danab ah oppiaawak ele ag Nug binag amahalak oppiaawak ele mettaglag. Ge, danab ag oolagppa genab dootteb ele, ag nuhignu enanagnab dooglag. Ag Tesalonaika daatteb, ag ele huu amuppa daaglag. Aɗinu? Ag ihinig nai Jesusnu mattimut amu, ag amu oolagppa genab dooppig.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”