Aisaia 19:9 - Nobonob Baibel

⁹ Danab ag keeke laa onig plaks aon, linen muɗi hetteb ele, ag uug naunab doon, “Ig ib iitta, attem hekkunig,” akkulag. Ge! Danab ag muɗi linen aon, linen lamen hakkab agatteb ele, ag uug okkainab doon, ag ele, “Ig ib iitta, attem hekkunig,” akkulag.

Aisaia 19:9 ပူးပေါင်းရင်းမြစ်များ

1 King 10:28

Hos Solomon diiom ele amu, nug Isipnu, Kuenu ele diiom. Kue appanu King Solomonnu keeke laihnu awa dadennu mak danab ag hos men doɗo ganeppa awaknu ɗo dayom bia, ag hos daden amuppa aodppig.

1 King 7:41

Keeke nug hattom am inam: biidod okkai aɗit; biidod aɗit ikkiltinu ikki tonaknu keeke tappiɗ bia aɗit; ikki tonaknu keeke tappiɗ bia aɗitnu sen lo akkak bia aɗit;

1 Stori 4:21

Aria, Juda bekka Sela buɗub am Er, nug aab Leka kalom, Lada, nug aab Maresa kalom, danab ag Betasbea appa aab ikki anen anen daan, linen lamen akkak hetteb ele, aria Jokim, aab Koseba danab, Joas, Sarap ele. Joas, Sarap ele aa Moap ah diiatya, Betlehem guguittak uɗiya, appa daapiɗ. Anam, amu kaya amuam anukkanu uɗiak.

Prowerb 7:16

Da linen lamen kaala iɗu iɗu ele, Isip heppig amu, da amu niiak aben dahilppa duqadmi daatteb.

Esekiel 27:7

Ag hewona, ag linen lamen hakkab, Isip appa hena, kobol kobol koitak ele amu, ag lamen amu aon, ag nahip ulah awak lamen heppig; nahip pilak ele lamen amuppa dayom. Danab ah aam aqamanu lamen attan duqappig amu, laa am lamen ed, aria laa am perpel. Lamen amuam Elisa appa heppig.