Aisaia 19:3 - Nobonob Baibel

³ Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Aisaia 19:3 ပူးပေါင်းရင်းမြစ်များ

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

Sam 107:27

Ahilag uub am ta nak huananab he, uubnu uɗat nid ag tutukku ii oippig. Ag danab ag le nau lawona, qiia ona, qiia doak tappan oitteb bia oippig. Ag ahilag dabmak eɗatte, ag aɗi hekkulagnu oolag ii maittom.

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Sam 76:12

Nug he, ikki danab ag Nug waappa daatteb. Ao, king wanppanu ag nuhignu ebehilag oh bodoetta le mette.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 14:27

⌊Yawe Nug amu genab hekku.⌋ Aɗinu? Yawe Nukka Ɠagattag Oh Ele, Nug keeke hekkunu maittak awa, ɠagattag qettom dayeb amu, aun nug heeb, geha Nug keeke hekkunu dabmette amu ii bema? Ao, Nug eppeg bahiom daatte dayeb amu, aun nug heeb, Nug eppeg eɗua aokku?

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 47:12

Anam bekku amunu, ag digmena huu daappig haenppa, ag haen amuppa digmena, baɗ digdig, emaɗ hak digdig ɠagattag aoglagnu henana oippig amu, ag amu hekkulagnu aib uuppig! Ag tuɗidna hekkulag amu, ag ehanittak nakok aoglagtai. Ag amu tuɗidna hekkulag amu, ag heppeg, laa ag eheɗ nau baɗadkkulagtai. ⌊Iitta. Da aɗi heppi bekku am bekku!⌋

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Jeremaia 46:15

Ag amu hekkulag, amge ag kekeɗ ii eɗadmana. Aɗinu? Yawe Nug heeb, ag Isip, ahilkad daup ag nena qena wanppa niiglag.

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Esekiel 22:14

Da Yawe, da ag bu madakkul, amu deɗ laa da amu hekkul amu, ag oolagppa ɠagattag qettak daaglagte? Ag ɠagattag daaglagte? Iitta! Amu da Yawe, da aakku amu hekkulnu ain malami amunu, da anamnab aakku hekkul.

Daniel 1:20

Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Daniel 2:2

King Nebukatnesar nug niikkunu elele iitta daye, nug baɗ mak danab digdig, emaɗ danab, doyak danab ele ag nug aɗi tul niiakppa anttom, ag amu appeg dookkunu onilagppa eum. Nug ag onilagppa e, ag uɗin, nug noobppa daappig.

Daniel 5:7

King nug beɗu anam he, king nug emaɗ danab, doyak danab, eman danab ele ag uɗiglagnu onilagppa baag okkaippa e doeg, king nug aum. “Aun nug nai eppeg laa ba yom umu ebqa, nuhig meu ele ab dookkul amu, da lamen perpel ele metten, baagppan sen golppa hak ele metten, da heppi, nug Babilon gabman ooppa okkainab, da, laippu laa ele, nug i waantippaib daakku. Laa oh ag nug waappa daaglag,” awa aum.

1 Samuel 25:37

Abigel nug Nabal amegppa nai ii mattiom ukke, wagɗe buttua Nabal nug eɗua dabmak awe, haen amuppa Abigel nug keeke beum amu, nug amu oh Nabal amegppa aum. Nug Nabal amegppa amu mattie, Nabal gamagppan uttu taub aakku nauha, uɗat ena ii he, amuppa Nabal nug aakku men laa bia dayom.