Aisaia 17:12 - Nobonob Baibel

¹² O gadonnab gadon! Wan laala ohppan ban hak danab ag ⌊ig iqaglagnu⌋ uɗippeppeg, oqotti naɗi okku. Oqotti amuam yu duban huanaknab oqotti otte, amubia daakku. Ao, O gadonnab gadon. Danab wan laala ohnu uɗippeppeg, oqotti huanaknab ahakku. Oqotti amuam le okkai okkainab oqotti ahatte, oqotti am amubia daakku.

Aisaia 17:12 ပူးပေါင်းရင်းမြစ်များ

Sam 18:4

Mauhaknu muɗi da qakkiɗe, da mauhkkulnu hemi. Yo, da amu, da danab nug le ui naɗippa mauhkkunu malom daatte, da amubia daami.

Sam 29:3

Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Sam 83:2

Aɗinu? Nahipad kekeɗ ag ahatteb. Ao, nahipad kekeɗ ag ban hekkulagnu ahatteb.

Aisaia 13:4

“Ag toettan daanna, keeke imu anidna doyeg! Qauko laappa oqotti naɗinab daatte. Oqotti amuam danab ah kuɗum huanak qagmena, muttub qena, oqotti okkai hetteb, amubia daatte. Ao, ag toettan daan, keeke doyeg! Oqotti okkainab wan atu oh oolagppa daatte. Oqotti amuam ban danab kuɗum huanak ban hekkulagnu uɗin qagmetteb, amubia daatte. Yawe Nukka Ɠagattag Oh Ele, Nug nuhikkud ban danab ag ban hekkulagnu qagmaadtte.

Aisaia 28:17

Da amu hekkulnu amu da nai doya mala hettoɗia epeɗia elele mettak kobolib dim lamidkkul. Ao, da genab tutukku hak kobol dim lamitten hekkul. Ag kayak hambuppuak dilagnu, ‘Ag am padal mak eɗitteb ena dayaknu ehanittak ihinig daatteb’ atteb, amge gu, ulah huana ele uɗiya heeh, keeke nauhtte, amubia dabmak hambuppuak amuam iitta mekku. Ao, ag kayak hambuppuak dilagnu, ‘Ag am ihinig lokkumak aben daatteb’ atteb, amge le ui naɗi keeke oh ihe gotte bia, dabmak hambuppuak amuam nauhkku.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Jeremaia 6:23

Daup amu ag lat, ban ele aɗatteb. Ag laa dilagnu oo gai-iitta doya oo metta ehanittak ii dootteb. Ag laa guittak mattaglagnu uug ii doon oitteb. Ag hos attan ban hekkulagnu oiyegeg, oqotti huana, yu koɗkoɗ eheɗ nau qette, oqotti amubia otte. O Sion danab ah, daup amu ag ahilag kobolppa huu mena, anam daanna, ag banelag uɗiglagnu daatteb.” Yawe Nug anam awa atte.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Daniel 7:2

Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.

Luk 21:25

Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.

Revelesen 17:1

Amu dimppa engel eblaih aɗit ele ag tappiɗ eblaih aɗit ele, amunu oolagppa laippu laa nug doa, da amelppa inam aum. “Na inam doppe, da gappai ah onig ele, nug le kuɗum qaɗelagppa daatte ele, nuhig nob nau mak ippunidkkul.

Revelesen 17:15

Nug anam awowa, engel amu nug baula da amelppa aum. “Na le kuɗum, gappai ah nug amu qaɗelagppa dayeye anidme ele amu, le amuam danab ah beɗulag iɗu iɗu ohppanu, huu ohppanu, wanppan wan ohppanu, amu nai ohppanu ele ippunigtte.