Aisaia 16:8 - Nobonob Baibel

⁸ Aɗinu? Grep dad aab okkai Hesbon guguittak daatteb oh qaɗaiettaglag. Grep dad aab okkai Sibma guguittak daatteb, amu ele oh qaɗaiettaglag. Grep dad anukka niie ukka, aab okkai Jaser bata, ukka atu taɗaknu tomppanu ukka, yuppa noak niiom, amge danab okkai wan laalanu, ag uɗin, dad amu oh heppeg nauhkku.

Aisaia 16:8 ပူးပေါင်းရင်းမြစ်များ

2 Samuel 1:21

Gu, baito ele Gilboa wanppan qaukoppa aib neum. Ao, ee aegnu ofanu keeke ele wan amuppa aib ba, meu oum. Aɗinu? Aben amuppa kekeɗ ag heeg, danab okkai, ɠagattag ele, nuhig guppiɗ am dubuttid tak ele dayom. Ao, gemu amu, laa nug Saulnu guppiɗ goɗenppa ii bappaidtte.

Aisaia 10:7

Amge dahil dabmak amu, Asiria kingnu dabmak ele laippu ii daama. Nuhig dabmak am laa daakku. Aɗinu? Nuhig dabmak am nug wan imuppan wan kuɗum heeb nauhna, iitta mekkulagnu daakku. Nuhig dabmak am anam daakku.

Aisaia 15:4

Moap danab ah aab okkai Hesbon daatteb, laa Eleale aab okkaippa daatteb ele amu, ag baalag okkaippa enan qanappeg, Moap danab ah Jahas aab okkaippa daatteb, ag dooglag. Ag anam qanaglag amunu, Moap ban danab ag ebeppeg, ebehilag ele bodoedakku.

Aisaia 16:9

Anam amunu, da grep dad Sibma aab okkainu nauheb, da Jaser danab ah qanaglag bia qanattem. O aab Hesbon, O aab Eleale, da ahilahnu qanattem; amel leb amu na, ahilah danab ah oh layadkkunu elele. Aɗinu? Anukka, haen ahilah danab ah ag grep meu, meu laa ele aonna, ag amunu gamalag huan ahe eppig, amge ewak amu oh iitta mekku.

Aisaia 24:7

Grep meu guɗ oh qaɗaiedappeg, muɗi grep ele bunaɗkku. Am danab ah ag wain, grep lebuppan hak, ag amu lakkulagnu gamalag ahatte, danab ah amu ag amunu oolag doyeb, gaan oiglag.

Jeremaia 48:32

O Sibma danab ah, ag am grep dad meu huanak otte bia. Grep muɗi amuam ebekkud elab elab. Eppeg laa ukka, Le Mauhak amuppa batom. Laa am ukka, Jaser aabppa batom. Anam dayom, amge he nauhak laa am heeb, keeke amu oh nauheb, Jaser danab ah ag amunu gaaglag, amubia da ag Sibma danab ah, ag nauhppeg, da ahilagnu gaakkul.

Namba 21:32

Aria, Moses nug lokkumakppa atu italak danab maatte gona, Jaser italeg, dimppa Israel ag aab okkai amu, nuhig talilittak aab naunau daappig ele ohppa, ag Amo danab ah appa daappig amu lamadppig.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Josua 13:19

Kiriataim, Sibma, Seretsahar ele. Seretsahar amu qauko nakok, oolnu noak daugppa, qauko nakok amuppa dayom.

Josua 13:25

Nug wan onig Jaser, amu Gileat ⌊maha yau uɗitteppanu daatte, am amunu⌋ aab oh, amu wan maha laih Amon dilag ele mattom. Aab onig Aroer am aakku Amon dilag wan tom dayom. Aroer amu Raba guguittak.