Aisaia 15:3 - Nobonob Baibel

³ Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Aisaia 15:3 ပူးပေါင်းရင်းမြစ်များ

2 Samuel 3:31

Anam daye amu, Dawit nug Joap, danab ah nug ele daappig ele amu, nug ag oh amelagppa aum. “Ag lamen ahilag patiɗna, lamen heɗiag ele takkeg! Ig Apner boumkkunignu gotata, ag mahidnana anuqna ukkeg!” awa aum. Dawit nug anam a, ag anam heegeg, King Dawit nug qaɗaqaɗ, ag amuppa Apner gaɗa maoppig amu, nug qaɗaqaɗ amu dimugppa oiyom.

2 King 6:30

Ah nug nai amu mattie, king nug ahnu nai amu doya, aria nug lamen elab nuhig aɗa patiɗom. Nug aɗ attannu ii neum, aɗ attan oiyeye, danab ah oh ag nug anttegeg, nuhig lamen elab patiɗom. Nug nuhig lamen elab patiɗom, amu lamen amu waappa nug lamen heɗiag ele beɗu qaɗeppa takka oiyeye anidppig.

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Aisaia 22:1

Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?

Aisaia 22:4

⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Jeremaia 48:37

Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Duteronomi 22:8

Amu haen na lag bau henana, na at, lag koɗokko uɗem ukkak taliliattak hekkutoitte. Anam hak dayeb, laa nug na qa mauhkku dayeb amu, amuam na, na baenadppa ele, am ag beɗulagppa iitta. Ag amunu oolagppa aab iitta daaglag.

Jems 5:1

Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!

1 Samuel 5:12

Kuɗum ag mauhadna malappig, amge laa ag ii mauhppig amu, Kayak Nug he, mamattin nau ag beɗulagppa beum amunu, ag eheɗ gaappig. Ag gaaegeg, gayak amuam habppa teum.