Aisaia 15:2 - Nobonob Baibel

² Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Aisaia 15:2 ပူးပေါင်းရင်းမြစ်များ

2 Samuel 10:4

Amon dilag anuqak danab ag anam aeg, Hanun he, laa danab Dawit maatte goppig amu aɗualadna, akkaɗilkad hippelag laihib hoyeg ukke, ahilkad lamen ele gamagppa, ag bitolagppa otaɗadna heeg, ag eɗun goppig.

1 Stori 19:4

Amon dilag anuqak danab ag anam aeg, Hanun he, laa danab Dawit maatte goppig amu aɗualadna, akkaɗilkad hoina, ahilkad lamen ele gamagppa, ag bitolagppa otaɗadna heeg, ag eɗun goppig.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Aisaia 14:31

O ag Pilistia huu aab okkainu aɗnu od ooppa daatteb, ag qaneg! Ao, ag Pilistia danab ah aab okkaippa daatteb, ag laa mauhe, danab ah qanatteb bia heig! Ge, ag Pilistia huu aab okkai adeppa adeppa daatteb, ag huanaknab baɗeg! Aɗinu? Laih yawalti uɗitteppanu ban danab huu buttuɗai bia uɗitteb, amu oolagppa laippu laa ɠagattag iitta laa iitta. Iitta. Anen anen oh ag danab ɠagattagib.” Yawe Nug anam atte.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Aisaia 16:12

⌊Gadon!⌋ Am inam daakku. Moap danab ah ag ahilag kayak hambuppuak dilag mettid lag nakokppa tena, unuqidkkulag, amge ag beɗulag bahiib yaakku. Ao, ag ahilag kayak hambuppuak dilag mettid lag nakokppa unuqidkkulagnu gonana, unuqittak hekkulag, amge amuam keeke hamu, ag ehanittak ii aomna.

Aisaia 16:7

Anam amunu, Moap danab ah, ag Moapnu qanaglag. Ao, ag danab ah oh, ag oɗelag oohob huan qanaglag. Anukka ag ee ena, grep meu qaɗaiettak batappatak, danab ah aab okkai Kirheres babaitteg lappig. ⌊Amu, ee amu iitta meeb⌋, Moap danab ah ag ee amu iittanu eheɗ huan qanaglag!

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Aisaia 3:24

Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.

Jeremaia 3:21

Qauko ikkilkadppa qanak baag laa doyeg! Baag amuam Israel danab ah ag kobol eheɗ dim lamidna, kaliak henana, ag Yawe, ahilag Kayak daulag atiom dootteb amunu, ag gaanna, Nug oo doyakppa unuqidtteb.

Jeremaia 47:2

“Yawe Nug inam atte. ‘Ag neegna, kekeɗ yawalti uɗitteppanu daatteb, ag uɗitteb antteg! Ag le titiɗa, le okkainab daatte bia uɗitteb. Ao, ag le ui oa, keeke kuɗum tonatte bia uɗitteb. Le titiɗa okkainab dayaya, wan oh tonatte, ag uɗin amubia hekkulag. Ao, le titiɗa okkai naɗi, aab keeke tonatte, amubia ag ahilkad aab ele aoglag. Pilistia danab ah ag gaaglag. Ge, laa oh Pilistia wanppa daatteb, ag mahiglag.

Jeremaia 47:5

Uug amu beebeb, danab ah Gasa daatteb doon, ag ikkilag uɗug hoiglag. Ao, danab ah Askelon daatteb, ag oɗelag qamuttak daaglag. O Pilistia oɗo yaak danab, ag uɗem naɗippa daatteb, ag akka ag ⌊ahilag kayak hambuppuak ag ag dabmattaglagnu ag⌋ beɗulag guittak medatteb; amu haen gane laa ele ukkeb, ag amu uuglag?

Jeremaia 48:1

Moapnu amu, Yawe Nukka Ɠagattag Oh Ele, Israel dilag Kayak, Nug inam atte. “Kekeɗ ag aab Nebo heppeg nauhkku amunu, Nebonu am gadonnab gadon. Kekeɗ aab Kiriataim heppeg nauheb, appan danab ah ag uɗa nak nau guittak ele doon, kekeɗ eppelagppa daaglag. Kekeɗ ag aab Misgab ele heppeg nauheb, appan danab ah ag uɗa nak nau guittak ele dooglag.

Jeremaia 48:18

Ag danab ah Dibon daatteb, ag binag amahlak oppiaawak ele, ag binag amu uun, ag nena, wan qaɗaiettaknab, amuppa dayeg! Aɗinu? Laa nug Moap heeb nauhkku amu, nug ahilagppa banelag uɗia, nug ban ha, ahilag aab ɠagattag aɗ ele oh heeb nauhkkulag.

Jeremaia 48:31

O gadon, diig amunu da Moap dilag qanakkul. Moap oh dilag da gaakkul. Da Moap danab Kirheresnu guittak doyeye, aiqagakkul.

Jeremaia 48:35

Moap appa da heppi, laa ag kayak hambuppuak dilag mettid lag nakokppa doɗ main, kayak hambuppuak madatteb, ag kalu danab ile muttuɗig enanag bette ele aon manan, ahilkad kayak madatteb ele amu, ag iitta mekkulag.” Yawe Nug anam awa atte.

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Jeremaia 7:29

Amu Yawe Nug atte. “Ag Juda, ag ikkilag uɗug otaɗna, buɗippeg ukkaɗ! Ag qauko attannab, igippa keeke laa ii daatte, ag amuppa tena, appa ag nai oo doyak ele mattieg! Aɗinu? Da Yawe, da ag gemu daatteb, ag dahil oppoɗi bak waappa daatteb, da ag dimatte, ag geɗadmi,” awa atte.

Esekiel 27:31

Na nauhkkut, am haen amuppa uubppan danab oh na nauhmenu ag uug naunab nau doon, ag ikkilag uɗug hoinna, lamen heɗiag ele takkaglag. Ag oolagppa ninignab doon, ag eheɗ gaanna, huana mahidkkulag.

Esekiel 30:2

“Danab bekka, na dimppa aɗi bekkunu nai anan, na inam a! Naɗi Yawe Nug inam atte. ‘Gayeg! Gadon, deɗ naɗi uɗiom daatte,’ aig! Aɗinu? Dahil deɗ naɗi, deɗ amu aakku miag uɗiom daatte. Deɗ amuppa lombig hinqak ele daakku. Am deɗ amuppa wanppan wan oh ag uug naunab aoglag.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Lewitikas 13:40

Am danab laa nug ikki uɗug tataɗeb ukkeb, bikkab nekku dayeb amu, nug am Kayak ele ouqa dayaknu elele daatte.

Lewitikas 21:5

Haen danab o ah laa nug mauheb amu, mana mettak danab ag ikkilag uɗug ii hoippeg goma, akkaɗilag daug daug ele ii hoimna, o beɗulag ele ii oppatkkulagoitte.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Namba 21:28

Aɗinu? Aab ewak nug atu ewa eotte bia, Hesbonu king nug ukke, Moap ele nug qeppig. Yo, aab dittiak naɗi atu eotte bia, Sihon nug nuhig aab okkai Hesbon uua ukke, Moap ele nug qeppig. Aab ewak nug atu eotte bia, nug Moap aab okkai laa Ar, he nauhom. Ao, nug danab ag Arnon le ihippa, qauko nakokppa daappig ele amu, nug ag hatte nauhppig.

Namba 21:30

Ig ag eɗadmut. Ao, danab ah Hesbon daappig, amu appanu ukka, Dibon batak, ag oh nauhppig. Ig heut, Hesbonnu ukka, Nopa, Medeba guguittak daatte amu, appa batak ig heut nauhppig.” Amo danab ag nai ahi bia anam bappaidppig.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Duteronomi 14:1

Ag am Yawe, ahilag Kayak, ag nuhikkud danab ah daatteb. Am laa nug mauheb amu, ag beɗulag aib otaɗna, o ikkilag uɗug laa hetteb bia laih laih aib hoippig.

Duteronomi 34:1

Moses nug amu mattia mala nug Moap wan uɗem amu uua aha ukka, Nebo qauko ta ukka, qauko igippa, ag Pisga Igippa atteb, appa teum. Aab Jeriko am, Jodan le laih daatte. Nug te, Yawe Nug Kanan wan oh ippunittom. Amuam Gileat wanppa ukka Dan batak ippunitta,