Aisaia 13:6 - Nobonob Baibel

⁶ ⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Aisaia 13:6 ပူးပေါင်းရင်းမြစ်များ

Job 31:23

Amge da eheɗ amu ii hemi. Aɗinu? Da Kayak heiɗeb nauhpanu baɗami. Ao, Kayak Nug dagom onig ɠagattag ele amunu, da keeke amu hekkulnu elele iittanab doomi.

Aisaia 10:25

Aɗinu ⌊ag ii baɗamna⌋? Da ag Israel, da ahilagnu oo nauhak doomi amunu, Asiria ag gemu ag anam eheɗ hadatteb, amge dahil oppoɗi bak ahilagnu daatte iitta mekkunu am haen elab ii daatte; haen tutu daatte. Haen amu maleb, dimppa da geha eɗue awe, Asiria eheɗ madakkul,” awa atte.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Aisaia 13:9

Antteg! Yawenu deɗ naɗi aakku uɗitte. Deɗ amuam deɗ naunab nau laa. Deɗ amuppa Yawenu oppoɗi bak, nuhig oo nauhak huanaknab ele am geha miag beeb anidkkulag. Deɗ amuam wan atu oh am hele-ettak daaglagnu, hipunin danab am heeb iitta mekkulagnu uɗitte.

Aisaia 14:23

Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Aisaia 14:31

O ag Pilistia huu aab okkainu aɗnu od ooppa daatteb, ag qaneg! Ao, ag Pilistia danab ah aab okkaippa daatteb, ag laa mauhe, danab ah qanatteb bia heig! Ge, ag Pilistia huu aab okkai adeppa adeppa daatteb, ag huanaknab baɗeg! Aɗinu? Laih yawalti uɗitteppanu ban danab huu buttuɗai bia uɗitteb, amu oolagppa laippu laa ɠagattag iitta laa iitta. Iitta. Anen anen oh ag danab ɠagattagib.” Yawe Nug anam atte.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Aisaia 34:2

Aɗinu? Yawe Nug wanppan wan anen anen ohnu oo nauhak dootte. Ao, wan ohnu dilag daup dilagnu amu, Nug oppoɗi ba autanab awom. Nug heeb, ag nuhignuib, nuhig pelemppa daaglag. Ao, Nug ib oo ii nekku amunu, laa ag ag aqappeg mauhadkkulag.

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Aisaia 52:5

Ag anam daaeg uɗie, gemu attemnab iikku beum daatte? Aɗi beum daatte amunu, wan laappan daup ag ele uɗin, ag dahilad danab ah hamu diin goppig? Ag diin gona heeg, dahilad danab ah ag gumak ahilag waappa daaeg, danab amu ag dahilad danab ah aon aon aqatteg, danab ah kuɗum ag deɗ oh amun tuqan ele dahilnu dabittak nai maditteb.

Aisaia 63:4

Aɗinu da anam hemi? Danab aun aɗi ag eheɗ heppig ele amu, ahilag nob tutukku mattaknu deɗ uɗia malom. Ao, da danab ah ⌊dahilad⌋ qagaiettakppanu eɗua uhuqak hein madakkulnu haen aakku ba malom.

Aisaia 65:14

Dahilad danab ah ag oolagppa oo gamag ahak ele doon, ag ahi ettaglag, amge ag nau hetteb ele, ag oolagppa guittak nau doon, ag eheɗ gaaglag. Ag eheɗ nau doon, ag mahiak okkainab hekkulag.

Jeremaia 25:34

Ag gumak danab, ag danab sipsip gumadtte bia ag gumak danab daanna, danab ah gumadtteb, ag eheɗ gaanna, mahieg! Ao, ag gumak danab, ag danab sipsip gumadtte bia daan, ag danab ah gumadtteb amu, ag gappudppa niin, beɗulag itoɗinna dayeg! Aɗinu? Danab ag doɗ kuɗum aqaeg mauhtteb bia, kekeɗ ag banppa ag aqappeg mauhkkulagnu haen aakku beum daatte. Ao, ag aakku hinai enanag na qa aoɗtte, ag amubia daaglag.

Jeremaia 49:3

Amu Yawe Nug atte. “O Hesbon danab ah, kekeɗ ag aab Ai heppeg nauha auta autanab aokku amunu, ag huana gayeg! Ag laih gokkulagnu hena, eɗun laih gokkulagnu hekkulag, amge iitta. Ib ahilkad oh am keldoak daaglag. Ag danab ah Raba daatteb, ag huana eig! Ag lamen heɗiag ele takkana, ag mahiak heig! Kekeɗ ag ahilag kayak Molek, nuhig mana mettak danab, nuhig ehanittak anuqak danab ele diin, wan laappa diia ukka laih me dayak danab daaglagnu gokkulag amunu, ag Raba danab ah ag aab okkainu aɗ ooppa oolna, laih wana, eɗun laih uɗieg!

Jeremaia 51:8

Amge Babilon na qa, aoɗa nauhkku. Babilon guittak amu aokku amunu, ag Babilonnu mahieg! Ag marasin laa awa, guittak okkai doomanu metteg! Nug eɗua ena daakkutai.

Esekiel 13:5

Ag Israel dilag propet, ag ahilag uɗat pehettak ii hetteb. Ag ⌊am propet hambuppuak,⌋ ag danab nug aabnu aɗ bappaidkkunu tituanak daatte, amge nug ii he, ban miag do, ban haen amuppa aabnu aɗppa aben laala nauha daatte, ag amubia henan daatteb. Ag propet hambuppuak, ag Israel danab ah ag Yawenu deɗ naɗippa ban daakku, ag ban amuppa ɠagattag daaglagnu, ag Israel dilag propet, ag ahilag uɗat pehettak ii heegeg, gemu ele ii hetteb.

Esekiel 21:12

Qep elab amuam danab ah dahilad aqeb mauhppeg, Israel dilag okkai ele aqeb mauhkkulag. Anam daatte amunu, danab bekka, na gaye! Na mahie! Israel dilag anuqak danab, dahilad danab ah ele ag qep elabppa mauhkkulag amunu, na momon qeute!

Daniel 5:26

Nai amunu nai onig anen anennu meu am iikku. Menenu meu am, ebqak. Kayak Nug na Babilon gumakkutnu haen ebqa male, iitta meum.

Daniel 5:9

Doyak danab ag amu hekkulagnu elele iitta amunu, King Belsasar eheɗ nau baɗe, iɗu hakkabnab eppe, nuhikkud danab okkai ag dabmak huanak aoppig.

Joel 1:11

Amu ag ee eppak danab, ag dabmak kuɗum aon, ag, “Ig eɗut ena daagnig,” aib dabmeppig! Ao, muɗi grep gumak danab, ag gayeg! Dad okkainu ee oh nauhppig amunu, ag wit, bali ele nauhpiɗnu gayeg!

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Joel 1:15

Yawenu deɗ naɗinu am gadonnab gadon. Aɗinu? Deɗ am miag uɗiom daatte. Deɗ amuam Laa Nukka Ɠagattag Oh Ele Nug he, nauhak okkai naunab daatte, am deɗ amubia.

Joel 1:5

⌊Uug naunab amunu amu,⌋ ag danab, ag wain lanan, kaaka aqatte ele, ag gayeg! Ao, ag wain lanak danab, ag mahieg! Aɗinu? Tap-lokus ag uɗin, ag oɗelagppanu wain bau aɗadppig amunu, ag wain laa ii lamana.

Joel 2:1

⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.

Sepanaia 1:14

Amu Yawenu deɗ naɗi okkai amuam miag uɗiom daatte. Ge, deɗ amuam paha neeb anidkkulagnu miagib daatte Deɗ amuppa, deɗ amuam Yawenu deɗ naɗi aakku, deɗ amuppa danab ah ag eheɗ gaaglag. Ao, ban deɗ amuppa daakku, amu ban danab ag ekkulag.

Sepanaia 1:7

Ag Naɗi Yawe noobppa toettan dayeg! Aɗinu? Yawenu deɗ naɗi miag uɗiom daatte. Laa amu, danab nug mana mettak hewowa, doɗ amu teppu nuhignu daatteppa hobul hekkunu bappaidtte, amubia Yawe Nug hobul babaittom. Nug he, laa hobul amuppa daaglagnu ag nuhikkud daaglagnu tituanattak daatteb.

Sekaraia 14:1

Yawenu deɗ naɗi aakku uɗitte. Deɗ amuppa kekeɗ ag uɗippeg, Israel ag neegna daappeg, kekeɗ ag keeke ahilkad akkan gokkulag.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Jems 5:1

Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!

Revelesen 18:10

Ag piɗe daanna, nuhig guittak amunu baɗana akkulag. ‘O gadonnab gadon; gadonnab gadon Babilon! Na aab okkai, na ɠagattag okkai ele, amge aua laippuppaib nahip hipuninnu nob nau aakku neum,’ aon akkulag.