Aisaia 13:5 - Nobonob Baibel

⁵ Ban danab huu amu ag miagnu ii uɗitteb. Iitta! Ag wan laa umanabnu uɗitteb. Yawe Nug ag onilagppa eum; ag nuhig lat, lat doɗo keeke bia daatteb. Nug Babilonnu oppoɗi bak nau doya, Nug ban danab huu umanabnu amu ag Yawe, nuhig oppoɗi baknu nob nau mettak ⌊Babilon⌋ medappeg, geha ⌊Babilon⌋ eheɗ nau aokkunu onilagppa eum. ⌊Yawe Nug ag onilagppa e, ag uɗitteb, amu oqotti okkai doyak diig am aakku.⌋” Nug anam awa akku.

Aisaia 13:5 ပူးပေါင်းရင်းမြစ်များ

2 Samuel 1:27

O gadonnab gadon. Ban danab ɠagattag ag nena qeppig niitteb. Ag qep elab keeke, ag amuppa ban heppig ele amu, keeke amu oh aakku iitta meum.” Dawit nug Saul, Jonatan ele dilahnu mahiak nai amu mattiom.

Aisaia 10:5

Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!

Aisaia 30:27

Yawe Nug umanunab uɗitte. Nug oo nauhak huanak aab ewewe, aab kah tette, amubia dootte. Yawe Nug nai uug naunab, oppoɗi bak ele maditte. Ao, Nug lemaɗu am aab aɗu, keeke oh ewadtte, amubia daatte.

Aisaia 34:2

Aɗinu? Yawe Nug wanppan wan anen anen ohnu oo nauhak dootte. Ao, wan ohnu dilag daup dilagnu amu, Nug oppoɗi ba autanab awom. Nug heeb, ag nuhignuib, nuhig pelemppa daaglag. Ao, Nug ib oo ii nekku amunu, laa ag ag aqappeg mauhadkkulag.

Aisaia 48:14

Amu ag Israel danab ah ag gukkuiɗna uɗin, nai dahil doyeg! Kayak hambuppuak laa nug aha, keeke bekkun daatte a dooppigte? Iitta! Amge da Yawe, da attem. Danab laa, ⌊Sairus⌋ da nug tituanmi ele amu, nug dahil dabmak Babilon dilagnu heeb bekku. Ao, nug aha, Babilon ele ban hekku.

Aisaia 5:26

Amu Yawe Nug geha wanppanu wan laala umanu ⌊ban danab⌋ ag uɗin, ⌊nuhikkud danab ah eheɗ hattaglagnu⌋ Nug at laa qappeb daakku. Ao, Nug wanppanu wan laala umanabnu dilag ⌊ban danab⌋ ag uɗin, ⌊nuhikkud danab ah eheɗ hattaglagnu⌋ hiwalakppa ag onilagppa ekku. Nug anam heeb, geha ⌊ban danab⌋ ag qaiqaɗ paha uɗiglag.

Aisaia 66:14

Yawe Nug ahilagnu keeke oh hekku amu, ag anidna, ag oolag gamag eheɗnab ahakku. Ag am enanag, gikkiɗah ena bia, daaglag. Danab ag amu anidna inam dooglag; Yawe Nug laa ag Nug dim lamidtteb ele, ag am nuhikkud maɗi nid maɗi ah amu, Nug ag ehanadtte, amge Nug kekeɗ nuhikkud dilag amu oppoɗi bette.

Aisaia 7:18

Aria, haen amuppa am inam bekku. Yawe Nug geha Isip onilagppa hiwalakppa heeb, Isip ban danab Isip ohppanu ahan, qabuttid ameg naɗi uɗiak bia uɗiglag. Uɗippeg, Yawe Nug Asiria onilagppa hiwalakppa heeb, Asiria ag am geha uppuh ameg naɗi uɗiak bia uɗiglag.

Jeremaia 50:25

Da, Naɗi Yawe Dakka Ɠagattag Oh Ele da Babilon wanppa bu mettak uɗat laa hekkulnu daattem amunu, da kekeɗ ag uɗin, Babilon ele ban hekkulagnu, da dahil bu mattaknu keeke babaitte, kekeɗ eppelagppa memi daatte.

Jeremaia 50:3

Wanppan wan laa, yawalti uɗitteppanu daatteb, ag banelag uɗin, Babilon ele ban hekkulag. Ag heppeg, Babilon wan am nauhakib daakku. Laa appa ii daama. Danab, doɗ ele ag oolna gokkulag,’ aon aig!”

Jeremaia 50:9

Aɗinu ag oolkkulag? Da heppi, huu okkainab, ɠagattag ele laala yawalti uɗitteppanu daatteb, ag ahan qagmena, ag Babilon ele ban hekkulagnu uɗiglag. Ag yawalti uɗitteppanu uɗin, Babilon ele ban hekkulagnu aben aon, keeke bappaidna, ag Babilon eɗidkkulag. Ag lat doɗo ekkulag amu, lat doɗo amu oh daup dabmak enanag ele bia daaglag. Laippu laa hamu ii goma. Iitta. Oh am Babilon daup aqaglag.

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Jeremaia 8:19

Da ele tiinig laippu ag wan laa, umanab daatte, ag appa gaanna daatteb. Ag gaanna, “Yawe Nug Sion appa ii daattete? Ao, ahilag King, Yawe, Nug gemu appa ii daattete?” atteb, amge Yawe Nug nob ma atte. “Ag kayak hambuppuak dottolkad noolagppa dup nona binalag meppig amunu, da oppoɗil beum. Ao, ag dottolkad wan laih laihnu, ag ehanadkkulagnu elele iitta, ag amu noolagppa dup nona binalag meppig amunu, da oppoɗil beum. Ag anam aakku heeg, bu anam aakku aoppig. Ag aɗinu anam heppig?” awa atte.

Esekiel 22:31

Da laa ii anidmi, da ahilag eheɗ haknu oppoɗi bak huanak doottem amunu, da eheɗ nau madakkul. Ao, da ahilag hipunin hak amunu ool eheɗ nauhtte amunu, da eheɗ hadappi, ag padal mekkulag. Da amu heppi, ahilagppa bekku, amge amunu diig am ag beɗulagppa.” Naɗi Yawe Nug anam atte.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.