Aisaia 13:1 - Nobonob Baibel

¹ Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 13:1 ပူးပေါင်းရင်းမြစ်များ

2 King 9:25

Aria, Jehu nug Bitkar, Bitkar nug ban daup ikki laa, nug Jehunu bannu karis lamittom amu, nug nug amegppa aum. “Joram gaɗa amu aon buɗippe, Jesril danab Nabotnu wanppa ukkaɗ! Yawe Nug anukka nug Joram mameg, King Ahapnu nai aum amu, na nai amu dautppa dottete? Ii ihinih bannu karisppa Ahap dim lamidɗa ukkauɗuɗ Yawe Nug Ahap amegppa inam aum.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 13:19

Wanppan wan oh oolagppa, danab ah ag Babilon am attannab dabmetteb. Babilon danab ah ag dada hak kobol henana, Babilonnu, ‘Am binag amahlak oppiaawak ele,’ dootteb. Ag anam dootteb, amge Kayak Nug heeb, Babilon am Sodom, Gomora ele nauhpiɗ, amubia nauhkku.

Aisaia 14:28

Amu maɗ King Ahas nug mauhom, maɗ amuppa Yawe he, Aisaia nug nai meunab ele doyom. Nai amuam iikku.

Aisaia 15:1

Nai meunab ele Moap wanppanu Yawe he, Aisaia doyom ele am iikku. Tuqan laippuppa kekeɗ ag uɗin, Moap wanppa aab okkai Ar oh heppeg nauheb, Moap aakku na qekku amunu, ⌊da mahittem⌋. Ge, tuqan laippuppa kekeɗ ag uɗin, Moap wanppa aab okkai Kir oh heppeg nauheb, Moap aakku na qekku amunu, ⌊da mahiak hettem⌋.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 20:2

⌊Asiria ag Pilistia dilag aab okkai amu aoppig, amge keeke amu ii bak, bekkunu maɗ ewam daye,⌋ haen amuppa Yawe Nug Amos bekka Aisaia amegppa aum. “Na lamen heɗiag ele meme amu uɗona, na baen gaɗa baenppan ele uɗakkut,” awa aum. Nug anam a, Aisaia nug anam haaha, nug qaɗeppan lamen ele iitta, baeg gaɗa ele iitta, anam hamu oiyom. Am Aisaia nug Yawenu nai doya, nug Yawe aum bia anam heum.

Aisaia 21:13

Nai meunab ele Arebia wanppanu Yawe he, Aisaia doyom ele am iikku. Arebia danab ag ⌊kekeɗ aqadmananu,⌋ ag oolna gona, atu taɗakppa haen tutuib dayaknu aab kalan daaglag amunu, ag Dedan danab, ag aben ohppa oiyak danab, ag oinna, keeke daden mena, eɗun meeg, laa ag daden mattegeg, ag men doɗo tuɗidna aotteb amu, ag Arebia dilag, atu taɗakppa baalag qaɗaiettom ele le matteg! Ao, ag Tema wanppan danab ah, ag amu, ag ee aon gona, Arebianu oola ukka laih dayaknu danab amu, ag danab amu gumadna gona matteg!

Aisaia 22:1

Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?

Aisaia 22:25

Haen amuppa pin elab tatam ɠagattag dayom amu, geha uhuqa auta, na qekku. Ag nuhigppa aihna uug medappig, ag geha nauhkkulag. Yawe Nukka Ɠagattag Oh Ele, Nug anam mattiom daatte amunu, am anam bekku.” Aisaia nug Kayak oɗe Sepna amegppa anam aum.

Aisaia 43:14

Yawe, Nug ag Juda, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Ag Juda, ag Babilon appa diia ukka laih me dayak danab ah daaglag amunu, da ahilagnu dabmak anuqak awewe, da heppi, ban danab laa ag Babilon gona, ban heppeg, Babilon nauhkku. Da heppi, laihnu ban danab ag Babilon eɗadna, ag Babilon danab ah kuɗum aɗualadna heppeg, ag laih gonana, ag gaanna gokkulag.

Jeremaia 24:1

Babilon dilag king Nebukatnesar nug uɗie, nug Jehoiakim bekka Jehoiakin, Juda dilag king, aria nuhikkud ehanittak anuqak, Judanu danab uɗat laala haknu doyak okkai ele, nug ag ele Jerusalemnu diia ukka he, ag Babilon appa diia ukka laih me dayak danab daappig. Nebukatnesar nug anam heum, dimppa Yawe Nug da Jeremaia, Nug da kaleg aɗit ad fig meu inak ele Yawenu mettid lag noobppa daaeheh ippuniɗom.

Jeremaia 28:8

Anukkanunab haen uɗiak, aria na anin, amu da anil ele ii menuitpiɗ, haen amu ohppa ele propet ag dimppa aɗi bekkunu nai madippig. Ag geha ban daakku, haen naunab daakku, amu oɗe nau danab kuɗum aqe mauhtteb, ag keeke ewam amu oh wan atu kuɗumppa bekkulagnu, amu ɗo maɗoɗ ɠagattag, amuppa ele bekkulagnu madippig.

Jeremaia 50:1

Yawe Nug Babilon danab ah dilagnu, ahilag wannu ele aɗi bekkunu dayom propet Jeremaia amegppa a doya, laa amelagppa aum amu, nai amuam iikku.

Jeremaia 51:51

⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.

Esekiel 12:10

Ag anam oɗ medappig amunu, na inam appe doyeg! Naɗi Yawe Nug inam atte. ‘Nai meunab ele imuam Israel danab dilag okkai Jerusalem daatte, amu Israel danab ah oh Israel wanppa daatteb ele, ag oh ahilag nai.’

Daniel 5:28

Peresnu meu am, obatak. Kayak Nug heeb, nahip ɗo maɗoɗ, na ele gamalahppa obatak dayeb, na okkai ii daappe, Midia danab, Persia danab ele ag aon gumaglag,” awa aum.

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Nahum 1:1

Nai imuam nai meunab ele, Niniwenu. Buk imu amu, Yawe Nug Elkos danab Nahum tuleglegppa ippunittom, am nai amu.

Habakuk 1:1

Nai imuam propet Habakuknu nai meunab ele. Nug tuleglegppa Yawe oɗeppanu awom.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Sekaraia 9:1

Yawe Nug wanppan danab ah oh, Israel danab ah oh ele, neekkadtte amunu, Yawenu nai imuam Aram wan, Aramnu aab okkai Damaskus ele, amu oh dilag bu awaknu nai uug ele.

Malakai 1:1

Nai meunab ele imu, am Israel dilagnu. Yawe Nug propet Malakai mette, nug ag mattom.

Matyu 1:11

Josaia bekkod am Jekonia, nug awag amakkuɗ ele. Ahilag haenppa, ahilag tappe naknu Israel ag diia ukka laih me dayak danab ah Babilon appa gona daappig.

Revelesen 14:8

Anam a amu engel ebqak 2 nug dim lamitta ba aum. “Aab okkai Babilon onig, ɠagattag ele aakku na qeum! Aakku na qeum! Nug he, danab ah wan atu ohppanu ag danab wain laeg kaaka aqe, kobol kobol hetteb, amubia ag nug ele kobol nau digdig ele, ewau pakkua gappai hak kobol bia heppig,” awa aum.