Aisaia 10:9 - Nobonob Baibel

⁹ Wan da eɗatten, aab okkai ahilag aomi ele, aab okkai amuam Karkemis, Kalno, Arpat, Hamat, Damaskus, am Samaria ele. Ag oolagppanu laa nug da eɗilkkunu elele iitta. Iitta! Da laa dilagppa hemi bia laa ohppa anamib hemi.

Aisaia 10:9 ပူးပေါင်းရင်းမြစ်များ

Genesis 10:10

Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

2 Samuel 8:9

Amu Hamat dilag king Toi nug Dawit, Hadateser, nuhikkud daup oh ele eɗattom doyom.

2 King 16:9

Aakku Asiria dilag king Tiklat Pileser nug King Ahas nai me ukkom amu doya, nug nuhikkud ban danab diie gona, Damaskus aab okkaippa ban hena, aab okkai amu aoppig. Tiklat Pileser nug King Resin qe mauhe, nug Damaskus danab ah amu diia ukka, Kir aab okkaippa daaglagnu maattom.

2 King 17:24

Israel ag anam gona daaegeg amu, Asiria dilag king nug danab ah Babilonnu, Kutanu, Awanu, Hamatnu, am Separwaimnu ele diia ukka, Israelnu aab anen anenppa maatte, Israel oulag daaglagnu daappig. Danab ah amu ag Israel wan ahilag daakkunu aon, ag Israelnu aab anen anenppa aakku daappig.

2 King 18:34

Danab ah Hamat, Arpat ele daappig amu, ahilag kayak gemu adeppa daatteb? Danab ah ag Separwaim, Hena, am Iwa ele daappig amu, ahilag kayak ele adeppa daatteb? Amu Samarianu danab ah ele, ahilag kayak ag da wan amuppan danab eɗadkkulnu elele iitta daakkulnu ehanatteg, qagaiettakppa ii daappigte? Iitta!

2 Stori 32:14

Da mamelad aɗi ag wan laala eɗadna heeg nauhppig ele, wan amu dilag kayak laa nug nuhikkud danab ah ehanatteb, da ag ii eɗadpanu elele ii dayom. Iitta amunu, ag Juda, ahilag Kayak Nug ele ag da eppelppa ii daamnanu ehanadkkunu elele iitta.

2 Stori 35:20

Amu dimppa, Josaia nug mettid lagnu keeke oh babaitta male, Isip dilag king Neko nug nuhikkud daup ele ag ahan, Yupretis le guguittak, aab onig Karkemis, appa ⌊Asiria dilag daup ehanadna,⌋ ban hekkulagnu goppig. Ag ahan ukkaegeg, Josaia nug nuhikkud daup noolag awe, nug ag Isip ele ban hekkulagnu ag uɗalag tekkulagnu goppig.

Aisaia 10:8

Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 17:3

Geha aab ɠagattag aɗ ele Israel wanppa appa iitta mekkulag; Aram huu ag baula wan ahilag ii gumamna. Amu Israel danab ah ag binalag iitta mekku, amubia Aram danab ah oɗo yaak daaglag, ag binalag iitta ele daaglag.” Yawe Nukka Ɠagattag Oh Ele, Nug anam atte.

Aisaia 33:8

Ibppa danab laa ii oitteb. Ao, ibppa danab ah laa ii oitteb. Danab ag lailkad ele maɗoɗ daaglagnu nug tituanna nai qagatteb amu, ag nai amu tappaeg ne, hamu bia dootteb. Laa ag nai amu ɠagattag qettaglagnu daappig ele amu, laa ag amu dilagnu ena iinab dootteb. Laa nug layagnu, “Danab ena elele,” ii dootte.

Aisaia 36:19

Danab ah Hamat, Arpat ele daappig amu, ahilag kayak gemu adeppa daatteb? Danab ah ag Separwaim daappig amu, ahilag kayak ele adeppa daatteb? Amu Samarianu danab ah ele, ahilag kayak ag da wan amuppan danab eɗadkkulnu elele iitta daakkulnu ehanatteg, qagaiettakppa ii daappigte? Iitta!

Aisaia 37:11

Na ig, Asiria dilag king, na ig wan laa ohppanu danab ah eɗadtata, heut nauhna autnanab aoppig doon malame. Amu Kayak nahip Nug na ehanitteb, ig nahipnu ele anam iite hekkunig?

Aisaia 37:13

Ge, Hamat dilag king, o Arpat dilag king, o aab okkai Separwaim dilag king, o Hena dilag king, o Iwa dilag king, king amu oh gemu adeppa daatteb?’ ” Asiria dilag king nug nai amu Hesekaia dookkunu me ukkom.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Jeremaia 46:2

Josaia bekka Jehoiakim, Juda dilag king, nug king abenab awa, nuhig king dayaknu maɗ waɗeleppa, haen amuppa Babilon dilag king Nebukatnesar, nuhikkud daup ele ag Isip dilag okkai, Paro Neko, nuhikkud daup ele Yupretis le guguittak, Karkemis appa ban hena, Nebukatnesar nug Paro eɗittom. Amge nug ii eɗittom haenppa Yawe he, Jeremaia nug Isipnu nai doyom amu, nai amuam inam.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Esekiel 47:16

Appanu tom amuam ugakka, Beota, Sibraim ele tekku. Aab Sibraim am Damaskus, Hamat ele dilah tomppa daatte. Aria, appanu tom amuam ukka, Haser Hatikon tekku. Aab amuam Hauran tomppa daatte.

Habakuk 1:10

Ag laa dilag king aon aon aqadtteb. Ao, ag wan laihnu danab okkai dilagnu, ‘Keeke hamunab,’ dootteb. Ag aab ɠagattag aɗ ele, ag aab amu ohnu imak dootteb. Ag wan buun aon uɗin, gokkaɗeg noa taata, aɗ elele te wana, aab amu dilag daup eɗadna, aab amu aotteb.

Namba 34:8

Hor qaukoppanu am ukka, Lebo Hamat ta, appanu am ukka, Sedat wakku.