Aisaia 10:8 - Nobonob Baibel

⁸ Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

Aisaia 10:8 ပူးပေါင်းရင်းမြစ်များ

2 King 18:24

Ag am elele iitta. Ag Isip ag daup bannu karis attan daan ban hetteb, daup ag hos attan daan ban hetteb ele maadppeg uɗin, ehanittak mattaglagnu dabmetteb, amge amuppa ag ehanittak ii aomna amunu, ag Asiria dilag ban daup ikki laa, nug Asiria dilag ban daup ikki oolagppa nakok daatte amu, ag nug eɗidkkulagnu amu, ag attem hena eɗidkkulag? Iitta.

2 King 19:10

“Ag Juda dilag king Hesekaia amegppa inam aig! ‘Na Kayak laa, na nuhigppanu ehanittak aon, ena daakkutnu dabmettem amu, na Kayak amu buppuidmanu dabme! Kayak amu Nug na amenppa, “Da ehanidppi, Asiria ag Jerusalem ii eɗidmana. Ag Jerusalem ag Asiria eppelagppa ii daamna,” atte, amge amuam genab iitta.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.

Aisaia 10:7

Amge dahil dabmak amu, Asiria kingnu dabmak ele laippu ii daama. Nuhig dabmak am laa daakku. Aɗinu? Nuhig dabmak am nug wan imuppan wan kuɗum heeb nauhna, iitta mekkulagnu daakku. Nuhig dabmak am anam daakku.

Aisaia 10:9

Wan da eɗatten, aab okkai ahilag aomi ele, aab okkai amuam Karkemis, Kalno, Arpat, Hamat, Damaskus, am Samaria ele. Ag oolagppanu laa nug da eɗilkkunu elele iitta. Iitta! Da laa dilagppa hemi bia laa ohppa anamib hemi.

Aisaia 36:8

⌊Asiria dilag ban daup ikki banppa o ban guguittakppa daatte nug anam anana, nug tuɗitta, Juda awa awa aqatta, inam aum.⌋ “Ahappeg! Ag dahil naɗi, Asiria dilag king, ag nug ele nai qakkeg! Ag amu hekkulag dayeb amu, da hos 2,000 ag madakkul, amge ag Juda ag danab 2,000 hos amu attan daan gona, ban hekkulagnu anadkkulagnu elelete?

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Esekiel 26:7

Anam amunu, Naɗi Yawe Nug inam atte. “Da heppi, danab laa, nug appag diig am Jerusalemnu yawalti uɗitteppanu daatte, danab amuam Babilon dilag king onig Nebukatnesar, nug nuhikkud daup ele ag Tair ele ban hekkulagnu uɗiglag. Nebukatnesar nug king laa oh eɗattak daatte. Da heppi, nug daup baelagppa oitteb kuɗum huanaknab, daup laa hos attan daan ban hetteb, laa bannu karisppa ele oinna ban hetteb ele oh uɗiglag.

Esekiel 31:5

Le kuɗum ad amu ehanidppig, diig amunu ad amuam okkainab ma, ad laa oh eɗatta teum. Ao, le kuɗum ehanidppig amunu, nug ebekkud kuɗum benana, elab ele meppig.

Daniel 2:37

O king, na am wanppan king laa oh eɗattak daattem. Kayak, hab attan daatte, Nug na king daakkutnu tituanitta, Nug ɠagattag, ebehi okkai, binag amahlak oppiaawak ele na metta,

Hosea 8:10

Israel danab ah ag ehanittak aoglagnu wanppan wan laalappa goppig, diig amunu haen elab iitta da ag diie, king ɠagattag okkainab ele amu, da ag nug waappa maadkkul. Nug geha eheɗ hattebeb, ag digmena, kuɗum gemu daatteb bia ii daamna.