Aisaia 10:5 - Nobonob Baibel5 Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem. အခန်းကိုကြည့်ပါ။ |
Aisaia 10:5
31 ပူးပေါင်းရင်းမြစ်များ
O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.
Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.
Ban danab huu amu ag miagnu ii uɗitteb. Iitta! Ag wan laa umanabnu uɗitteb. Yawe Nug ag onilagppa eum; ag nuhig lat, lat doɗo keeke bia daatteb. Nug Babilonnu oppoɗi bak nau doya, Nug ban danab huu umanabnu amu ag Yawe, nuhig oppoɗi baknu nob nau mettak ⌊Babilon⌋ medappeg, geha ⌊Babilon⌋ eheɗ nau aokkunu onilagppa eum. ⌊Yawe Nug ag onilagppa e, ag uɗitteb, amu oqotti okkai doyak diig am aakku.⌋” Nug anam awa akku.
Da Yawe Dakka Ɠagattag Oh Ele, da geha heppi, Asiria ag uɗin, wan dahilppa daatteb, geha ag eheɗ naunab aoglag. Dahil qaukoppa, da ag tappaladppi nokkulag. Da heppi, geha danab ah dahilad, ag Asiria huu ehanadkkulagnu uɗat ɠagattag, guittak ele iinab hemana. Ao, ag Asiria dilag keeke uug okkai ele baula iinab maomna. Iitta!
⌊O Ponisia danab ah, ag Yawe Nug aɗi bekkunu maittak aotte ele amu, keeke amu bette anidkkulagnu⌋ ag neegna, Babilon dilag wan antteg! Appa danab ah qainqainib oitteb. ⌊Aɗinu? Yawe dabmeum bia⌋ Asiria ag ahan heeg, Kaldia wan am nauhakib daatte. Am ai nau, doɗ nau ele dilag aben aakku daatte. Asiria ag Kaldia dilag aab laala aɗ ele, ag aab amu eɗadkkulagnu ag aɗ dimittim lag attan ta ukkak hattana, appanu eɗadppig. Asiria anam heeg ukke, ag Kaldia dilag king laug, danab okkai laulkad ena ena ele, ag lag amu ohppanu keeke oh akkan goppig. Ag wan amu aakku heeg nauhom daatte.
Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.
Anam bekku, amge ⌊ag oolag ii eɗutte amunu,⌋ geha Yawe Nug heeb, haen nau nahip-ppa, am nahipad danab ah dilagppa, am na baenadppa dilagppa ele uɗikku. Uug bekkunu daatte ele, amuam naunab, anukka uug beppig eɗattak, uug amu bekku. Haen Israel ag oppatna, Juda uun goppig ele, haen amuppa digmak uɗie, gemu batak uug nau bekkunu daatte amubia laa ii beum. Uug nau bekkunu amuam iikku. Yawe Nug geha Asiria dilag king awa uɗieb, ⌊Juda aqa oɗoɗadkku⌋,” awa aum.
amunu, genabnab da Naɗi, da geha Asiria dilag king awe uɗikkulnu heppi, nug nuhig ɠagattag amuppa ag oɗoɗadkku. Am Asiria dilag king nug nuhikkud ban danab ele, ahilag ɠagattag am Yupretisnu le uinu ɠagattag, ebehi ele na, le titiɗa, atu oh tona gotte, ag amubia hena uɗiglag. Ag uɗin, Yupretis le nug ui wa, le ihi daug laih laih oh tonatte, amubia ag uɗin, Juda wan oh bia tonaglag. Amge ag wan amu ohnab ii aomna. Ge, Asiria ag wan amu ohnab ii aomna, amge oh bia aon tonan, elele mettan daaglag,” awa aum. O Imanuel, ⌊na ig ehanigkkutnu oɗ medattem⌋!
Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.
⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.
ကြော်ငြာတွေ