Aisaia 10:4 - Nobonob Baibel

⁴ Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 10:4 ပူးပေါင်းရင်းမြစ်များ

Aisaia 22:2

Ag Jerusalem danab ah, ag muttub qenana hetteb. Ao, ag amu henana, ag gamag ahak nau huanaknab hetteb. ⌊Amge aɗinu ag anam hetteb? Ag ahilkad daup, ahilkad okkai ele ag pehettak atognoadppigte? Iitta!⌋ Ahilkad danab mauhppig amu, ag ban henan qep elabppa ii mauhppig. Ge, ag ban henana, kekeɗ eppelagppa ii mauhppig.

Aisaia 24:22

Yawe Nug geha wanppan king aɗi oh qagmaatta, maniguittakppa maniguadkku. Ag danab maniguittak nau gatatu eleppa daatte, amubia maatteb daaglag. Ao, ag maniguittak anam daappeg, haen nakok elab ukkeb, ahilag nob awak haen ana beeb, nob nau madakku.

Aisaia 34:3

Ag mauhadna, ag beɗulkad am miag, boumak iitta daaglag. Ao, ag anam daappeg, uɗig wak eheɗ nau ahakku. Ge, ag huanaknab mauhadna, ag tiilag am le bia qauko attannu amba nekku.

Aisaia 5:25

Diig amunu amu, Yawe Nug nuhikkud danab ah dilagnu oo nauhak naɗi dootte. Ge! Nug eppeg humom dayeye, Nug makkuɗadtte. Nug eppeg e, qauko oh uɗaltteb. Nug eppeg e, kuɗum mauheg, ag gaɗalkad aab okkainu ibppa kinipan bia niitteb. Anam, amge amuppa Nug nuhig oo nauhak amu iinab bodoettom. Iitta. Nug ⌊bu tuɗitta madakkunu⌋ eppeg humom daatte.

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Aisaia 9:11

Anam amunu, Yawe Nug ⌊Israel dilagnu oo nauheb⌋ heeb, kekeɗ ag Israel aqaglagnu uɗiglag. Nug heeb, ahilag kekeɗ ag ahan uɗiglag.

Aisaia 9:12

Nug heeb, aam nodeppanu danab Pilistianu, ag ahappeg, amu aam bedeppan daup Aramnu, ag ele ahappeg, ag oh Israel aqaglagnu uɗin, ag Israel qena, tabappeg nokku. Anam, amge amuppa Yawe Nug nuhig oo nauhak am iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Aisaia 9:16

Ikki danab ag ib ena, ib tutukku, amu kobol ena ele danab ah ii ippuanatteb, amuppa danab ah ag ib ena apiɗidna ⌊ag padal metteb⌋.

Aisaia 9:17

⌊Ikki danab aɗi ag anam hetteb,⌋ diig amunu ⌊Israel danab ah oh⌋ ag Kayaknu, nuhig haknu ele uuak doon, ag nau hak kobol henana, nai uɗig wak ele oɗelagppa anan oitteb. Anam amunu, Naɗi Nug Israel dilag nid bau dilagnu gamag ahak laa ii dootte. Diig amunu Nug ah qab, amu nid ag mamelkad mauhppig ele, Nug amu dilagnu ele oo ii madatte. Anam, amge Naɗi Nug nuhig oo nauhak amu iinab bodoettama. Iitta! Nug ⌊bu tuɗitta madakkunu⌋ eppeg huma daakku.

Aisaia 9:20

Danab ah oh anen anen ag henana, mudippan lailkad heqo laih daatteb amu, ag amu dilag keeke aɗualadkkulag, amge ag enug qak doon oiglag. Ag mudippan lailkad laih laa daatteb amu, ag amu dilag keeke aɗadna lakkulag, amge ag oolag iinab aɗama. Ag anam henana, ag anen anen oh ag bekkalkad aɗelkad aɗi aakku lattaglag.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Jeremaia 15:2

Na amu heppe, ag inamtai oɗ mettaglag. ‘Ig adeppa gokkunig?’ aon oɗ mettaglag. Ag anam oɗ mettaglag dayeb, na inam appe doyeg! ‘Yawe Nug inam atte. “Ag laa ag oɗe nau aon mauhkkulagnu daatteb amu, ag gona, oɗe nauppa mauhkkulag. Laa ag qep elabppa mauhkkulagnu daatteb amu, ag gona, qep elabppa mauhkkulag. Laa ag enugppa mauhkkulagnu daatteb amu, ag gona, enugppa mauhkkulag. Aria, laa ag diia ukka, laih me dayak danab ah wan laappa gona daaglagnu daatteb amu, ag gona anam aakku daaglag,” ’ ” awa atte.

Jeremaia 37:10

Ag Juda, ag imu ii hemana, amge Babilon daup ag aab imuppan danab aqaglagnu ban hetteb amu, ag Juda ag ahan, ag eɗadna, kuɗumnab aqappeg mauhlob, laib laib guittak okkai eleib ahilkad peh lagppa daalob, laib laib anam ag appan ahan uɗin, ag Juda eɗadna, aab okkai imu manappeg eolo.” Yawe Nug anam atte.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.