Aisaia 10:12 - Nobonob Baibel

¹² Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 10:12 ပူးပေါင်းရင်းမြစ်များ

2 King 19:31

Keeke amuam anamnab aakku bekku. Aɗinu? Oɗo yaak danab ag Jerusalem appa bau daaglag. Ao, qauko Sion appanu danab ah laippu laippu, ag ii mauhmana; ag bau daaglag. Yawe Nukka Ɠagattag Oh Ele, Nug amu bekkunu yag-nab-bak dootte amunu, Nug heeb bekku.

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Sam 21:10

Na heppe, ag buɗulkad laa wanppa ii daama. Yo, na heppe ag buɗulkad laippu laa danab ah oolagppa ii daama.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Sam 76:5

Na kekeɗ ihinkad, ag am ban danab ɠagattagnab, na ahilag ɠagattag amu eɗidna, ahilkad keeke aome. Ag ig noonigppa mauhna niitteb. Laippu laa eppeg huma, ig oigkkunu elele ii daatte.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 27:7

Amu Yawe Nug Israel dilag kekeɗ bu madakku, amubia Nug Israel bu amubia madakkute? Nug laa Israel danab aqappeg mauhkkulag aqeb mauhkkulag, amubia Nug Israel aqeb mauhkkulagte? Iitta. Nug heeb, Israel dilag kekeɗ ag nauhna autnanab aoglag, amge

Aisaia 27:9

Yawe Nug anam hekku amunu, amu beeb, Israel wanppa kayak hambuppuak qaɗab laa ena ii daama. Iitta. Oh nauhadna autnanab aon, gappud bia daaglag. Israel wanppa kayak hambuppuak Aserah dabmekkulagnu biidod laa qappak ii daama. Amu qaɗab laa, qaɗab amuppa danab ag kalu danab ile muttuɗig enanag bette ele manatteb amu, kayak hambuppuak dilag qaɗab laa amu ele ii daama. Iitta! ⌊Amu beeb, Israel ag ele oolagppa keeke amu uuppeg amu, Yawe Nug⌋ ib amuppa, Nug Jakop buɗub dilag eheɗ haknu nob nau nuhig ɠagattag naɗippa heeb, iitta mekku. Ao, ag hipuninnu nob nau aolob, amge ag ii aomna.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 37:29

Ao, na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. O da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Aisaia 5:15

⌊Haen amuppa amu, Yawe Nug heeb,⌋ wanppan danab ah, ag gomelkkulag. Ao, ag onilag qe nak ele oiglag. Amu beɗuppa tak danab ah ag beɗuppa tak danab dilag neekkak bia ii neegmana. Iitta. Ag onilag qe nak ele oiglag.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Aisaia 65:7

Da ahilag hipunin, ag mamelkad aɗi ag hipunin amu heegeg, ag tuɗidna heegeg uɗie, gemu ele hetteb amu, da amu ohnu nob nau elele ag madakkul. Da ag doɗ main, kayak hambuppuak qaukoppa mattanna, ag qauko nakokppa dahil nai tappaeg neene, ⌊appa ele ag doɗ main, kayak hambuppuak madappig⌋ amunu, da bu eheɗ ahilag hak eleleppa ag madakkul.” Yawe Nug anam atte.

Aisaia 9:9

Amu Naɗi Nug anam heeb, geha Israel danab ah oh, amuam Israel, Samaria danab ah oh, ⌊ag geha “Kayak Nug nukka he, uug imu beum,”⌋ dooglag. Danab amu, ag dada danab. Ag beɗuppa tak danab. Amu ⌊ag uug amu beeb, ag⌋ inam akkulag.

Jeremaia 25:29

Antteg! Da aab okkai da onil aguppa daatte, da amuppa digmein, ag bu madattem amunu, ag laa ag bu iite aoglag. Iitta! Ag aoglag. Ag bu ii eɗidmana. Aɗinu? ⌊Wan atu ohppan danab ah ag eheɗ hetteb amunu,⌋ da wan atu ohppan danab ah banppa bu madakkul.” ’ ” Yawe Nukka Ɠagattag Oh Ele, Nug anam aakku atte.

Jeremaia 50:18

Anam amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Da Babilon dilag king, nuhig wan ele bu medakkul. Da Asiria dilag king bu mettami, amubia da Babilon dilag king bu medakkul.

Jeremaia 50:32

Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Esekiel 31:10

Anam amunu, Naɗi Yawe Nug inam atte. “Ad amuam elabnab ta, ad laa oh eɗatta ta, dada ha, ‘Da laa oh eɗadttem,’ dabmeum,

Esekiel 31:14

Ad laa amu anam heum amunu, da, Yawe, da ad laa baula anam ii hemanu attem. Ad amuam le guguittak dayaya, ad laa oh eɗata ta, dada ha, ‘Da laa oh eɗattak,’ aum amu, ad laa amubia ii hemanu attem. Ge, da Yawe, da ad laa le guguittak anam dayaya, elabnab amubia ii temanu attem. Aɗinu? Ag oh bunaɗkkulag, danab ag mauhtteb, moɗppa gona, mauhak daattebppa daatteb, amubia bunaɗkkulag,” awa atte.

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Matyu 12:33

Ana amu Nug baula aum. “Ad ena nug meu ena otte, amu ad nau nug meu nau otte. Danab ag nuhig meuppa ad anidna dootteb.

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Duteronomi 32:27

Amge da anam heppi, ahilkad kekeɗ ag da kalemlem iuglag amu da doomi. Ao, da amu heppi amu, ahilkad kekeɗ ag inam akkulag. ‘Ig ag eɗadmut. Yawe Nug ii heum!’ ” Yawe Nug anam aum.

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.