2 Timoti 3:3 - Nobonob Baibel

³ Ag tiilag laippu ele dilagnu oo mauhak ii doomna, ag laa dilagnu uhuqa mettak kobol ii hemana. Ag baeg qak nai mattiglag, ag akka ahilag oiyak pehettak atognoak kobol ii hemana, dakkuɗ kobol hena, ag kobol enanu kekeɗ daaglag.

2 Timoti 3:3 ပူးပေါင်းရင်းမြစ်များ

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Sam 22:6

Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Daniel 8:23

Amu ɗo maɗoɗ waɗele amu ag anam daappeg ukkeb, haen danab ag tappe nak naunab nau henan oippeg, haen amuppa king laa nug ahakku. Nug danab nau, neekkak nuhig am ɠagattag. Nug nukka ena, okkai daakkunu hambuppuak kobol digdig hak danab.

Matyu 10:21

Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag.

Matyu 4:1

Haen amuppa Kayak Ouɗi Nug Jesus omala, atu taɗakppa, amuppa Satan nug Jesus eheɗ hekkunu oo eeɗkkunu, nug appa ukkom.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Jon 6:70

A amu Jesus Nug nuhikkud ippunittak awak danab amelagppa aum. “Da ag danab 12 tituanadmi, amge laippu laa ag oolagppanu amu, nug ouɗi nau,” awa aum.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Rom 1:31

Amu ag dabmak pehettak iitta ele. Ag nai qakkan atteb, amge ag ii dim lamidtteb. Ag lailkad dilagnu, ag ahilagppa nug ehanittak kobol ii dim lamidtteb, amu ag oo doyak ii doyaya nau hak kobol ele dim lamidtteb.

1 Korint 7:5

Ag ewau matulak aoppig ele amu, ewau laa ooppa laa nug aib laa guhuɗitta, wagai ma nug beɗu hagakka awom. Amge aa Kayak unuqidkkulahnu heya, oolah laippu meya, haen tutu tituankkulah dayeb, haen amuppa aa nug ii aomya, amuam elele. Amge haen tutu amu maleb, aya aa ahilah oiyak pehettak atognoak kobol dim lamidkkulahnu elele iitta daamyanu, amuppa Satan aa gappai kobol hekkulahnu eeɗatmanu, aa eɗui, nug aoglah.

1 Korint 7:9

Amge ag akka ag ahilag oiyak pehettak atognoak kobol dim lamidkkulagnu elele iitta daatteb dayeb, ag ewau matulak aweg! Aɗinu? Ag ewau matulak aoglag dayeb amuam nau iitta; ag ewau matulak ii aona, gappai hekkulagnu eeɗak nau dooglag dayeb, amuam nau.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

1 Timoti 3:11

Amu ag waalkad ele ag ah danab laa ag ahilagnu ena elele dooglagnu elele daanna, ag baeg qak nai ele aib madippig. Ag tutukku oinna, amu ag hambuppuak kobol laa ele ii hemana.

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

Taitus 2:3

Amu na ah kaino ag ele danab ah oppiaawak doon oiglagnu ib daatte, amubia ag tutukku oinna, ag baeg qak nai ii mattimnanu, ag wain huana ii lamananu, ag kobol enanu ippunittak ah daaglagnu,

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

Revelesen 13:15

Nug anam a, Kayak Nug doɗ dakkuɗ geha ahom, Nug nuhig ib oo ii neum amunu, nug doɗ dakkuɗ dottog amu ouɗi mette, dottog amu nai madikkunu elele dayom. Nug anam he, doɗ dakkuɗ dottog nug haknunab nai ana, nug danab aun nug nug noobppa dup noa binag mekkunu uukku dayeb amu, laa ag danab amu qeppeg mauhkkunu aum.

Revelesen 13:17

Anam dayom, amu aun laa nug epponak keeke doɗ dakkuɗ onig o nug onignu leta ebqak nuhigppa ii dayom amu, danab amu nug danab dilagppa keeke daden mekkunu, nug keeke laa meeb, danab nuhignu daden mekkulagnu am elele iitta.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.