2 Timoti 2:3 - Nobonob Baibel

³ Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

2 Timoti 2:3 ပူးပေါင်းရင်းမြစ်များ

Aposel 23:31

Amu ban daup ag ahilag ban daup ikki anuqak oɗe dim lamidna, ag tuqan Pol aon Antipatris goppig.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

2 Korint 1:6

Am ig uug maottem dayeb amu, uug mawak amunu diig am ag Korint ag ⌊Jesusnu nai doon⌋ ag oo mak aona, padal memananu ehanittak ele aoglagnu aakku daatte. Amge Kayak Nug ig oo mak megakkunu oonig aokku dayeb amu, amunu diig am ag Korint ag amu anidna, ag ele oo mak amu aona, amu ag ele uug ig maottem bia, ag tuɗidna uug doyaya eɗittaknuib dabmak awak kobol dim lamidna maon oiglagnu ɠagattag madatte.

1 Timoti 1:18

O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.

2 Timoti 1:1

Da Pol, da nai imu yaattem. Kayak Nug Kristus Jesusnu uɗatppa ig bauklel megakkunu nai qakka aum amunu, Nug dabmaknab awa tituaniɗa, da Kristus Jesusnu totol danab daattem,

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Pilemon 1:2

Aria, i Kristen tamaniak na lautppa qagmetteb, i appinanih Apia, amu Arkipus, nug i ele uɗat imuppa laippu hettem amu, i ahilag ohnu nai imu yaattep.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Ikki Danab 3:2

Amunu diig nakok laa am, Israel dilag danab ag ban nakok laa ii anidna dooppig ele amu, agib ag ban anidna dooglagnu ele Nug amu heum.