2 Timoti 1:3 - Nobonob Baibel

³ Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

2 Timoti 1:3 ပူးပေါင်းရင်းမြစ်များ

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 23:1

Pol nug noolagppa hibaitta dayaya, hettoɗiak okkai danab daappig amu oh neekkattatta, nug aum. “O lailad, da Kayak noobppa oolppan oiyak ippunittaknu ulum ippuniɗom bia oiiyi uɗie, gemu ele oittem,” awa aum.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Aposel 26:4

Pol nug nai amu ana, nug nai tuɗitta inam aum. “Da nid nakokppan uɗia gemu batak attem attem oimi amu, Juda okkai ag dootteb. Yo, da appal diig domippa amu Jerusalem appa ele, da attem attem oimi amu, ag dootteb.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Rom 9:1

Da Kristusnu dayeye, da nai imu genabib madittem. Da ham-ii-bubuttem. Kayak Ouɗi Nug da oolppan oiyak ippunittaknu ulum gumeme, amuppa ele da ham-ii-bubuttem doottem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Galesia 1:14

Da lailad oolagppa, danab bau kuɗum da ele huu laippu amu da ag eɗatte, da Juda dilag kobolnab dim lamidmi. Da alalad aɗi dilag kobol amu, da amu oh ɠagattagnab dim lamidkkulnu hemi.

Epesus 1:16

da ahilagnu hanhan Kayak amegppa, “Ena heme,” awe attem. Da unuqittitti, ag haen oh daulppa doegeg,

1 Tesalonaika 3:10

Amun tuqan ele Kayak Nug heeb, ig baula ag iɗulag anidta, ahilag ooppa genab doyaknu nai laala ii dooppig ele ippunadta apput dooglagnu oonig unuqagppanu unuqidttem.

1 Timoti 1:19

Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.

2 Timoti 1:5

Nahip ooppa genab doyak am ooppa genab doyak genab da daulppa daatte. Danab laa amelagnuib iitta. Ooppa genab doyak amuam tatam na alan Lois, nuhigppa daye, na anin Yunis, nuhigppa ele dayom. Amu ooppa genab doyak amu nahip-ppa ele daatte amu, da oolppa genab doottem.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.