2 Stori 7:3 - Nobonob Baibel3 Haen Israel danab ah ag aab aɗu hab attannu neene anidna, ag Yawenu binag amahlak oppiaawak ele, ag amu ele Yawenu mettid lag attan anidna, ag gatelag qaun ona, gomelna, ag iɗulag wanppa mena, ag Yawe noobppa dup nona binag mena, ag Nug amegppa, “Ena heme,” ele appig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol am hanhan alet daatte. အခန်းကိုကြည့်ပါ။ |
Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.
Jehosapat nug anam a, nug danab ah ele nai mattin, nug danab laa ag Yawenu ahi, ag ahi amu ettaladnana, ag Yawe, Nug dagom onig ɠagattag ele, Nug oppiaawak ele, ag amunu Nug binag okkainab menana, ag daup noolag aon gonana, ag ahi inam ettaglagnu tituanattom. Ag Yawe amegppa, “Ena heme,” aon aig! Aɗinu? Nuhig oo mauhaknab kobol hanhan alet daatte.
Laa ahi edappig, laa trampet iwalak heppig amu, ag baag laippu hak bia henana, ag Yawe binag mekkulagnu, ag Nug amegppa, “Ena heme,” akkulagnu, ag ahi ettanna, trampet iwalppig. Danab ag trampet laa iwalppig, laa simbal heppig, laa ag musik haknu keeke laala heppig ele amu, ag oh laippu hena, ag baalag okkaippa Yawe binag meppig. Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte. Ag anam heeg, lombig na he, Yawenu mettid lag ambak dayom.
Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.
Yawe Nug am ihinig Kayak amunu, doppeg ig Nug noobppa dup nota binag metu! Ao, ig laa Nug ig heikkom ele, ig Nug noobppa gota, gatenig qaun okkunig. Nug danab ag sipsip elelenab gumadtteb, amubia Nug ig danab ah gumigtte. Ao, ig sipsip gikkiɗah aon latteb, amubia ig ee keeke aottem amu, Nugib ig megatte. Ag gemu Kayak Nug nai inam atte amu, ag daulag human doyeg!
Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.
ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.