2 Stori 32:4 - Nobonob Baibel

⁴ Ag nai amu ɠagattag qena heeg, danab kuɗum ag uɗin, aab dimittim wan maha okkaippa ag le qeppuɗin beppig oh keldoeg, le nakok daya, wan gamagppa ukkom amu, am le amu aakku ele le iitta ele dayom. Ag amu hekkulagnu diig am, ag amunu inam appig. “Aɗinu Asiria dilag king, nuhikkud daup ele ag uɗin, le kuɗum anidna itan lakkulag?” Ag anam anan, dabmak aon, le amu oh heeg, le iitta meum.

2 Stori 32:4 ပူးပေါင်းရင်းမြစ်များ

1 King 19:21

Elaiya nug anam a, Elisa nug eɗua, uɗat heumppa ukka, nug makau aɗit nuhikuɗ diiata, baalah otaɗata, plau eeɗaknu ad, nug amu awa, ad amuppa aab ila, teppulah battiowa, appan danab ah matte, ag ee amu lappig. Elisa nug amu ha malowa, nug aha, Elaiya dim lamitta, nug ehanittom.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

2 King 18:13

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

2 King 18:9

Hesekaia nug Juda dilag king dayaya, nuhig king dayaknu maɗ waɗeleppa, haen amuppa Ela bekka Hosia nug Israel dilag king dayaya, nuhig king dayaknu maɗ eblaih aɗitppa amu, maɗ amuppa Asiria dilag king Salmaneser, nuhikkud ban danab ele ag Israel wanppa banelag uɗin, ag gona, Samaria aab okkaippa tena, aab amu oo mattan aqaknu maadna daappig.

2 King 19:17

O Yawe, Asiria dilag king ag wan amu oh heeg nauhaknab daaeg, appa danab ele hatteg nauhppig amu, nai nuhig amuam genab.

2 King 20:20

Amu keeke kuɗum laa ele King Hesekaia heum, amuam uɗat ɠagattag oh Hesekaia heum, le ippu elab wan ooppa he uɗie, le Jerusalem uɗitte, aria laa am nug le moɗ le ukka amuppa noa daakkunu heum amu, kaya amuam ag buk laappa, buk amu onig am, Juda Dilag Kingnu Kaya, ag buk amuppa yaappig daatte.

2 Stori 30:14

Ag uɗin daan, ag Jerusalem appa kayak hambuppuaknu qaɗab, laala ag doɗ manadna, kayak hambuppuak mattaknu, laa am kalu danab ile muttuɗig enanag bettenu, ag qaɗab amu loppaɗna, ag keeke amu oh aon gona, oolnu noak onig Kidron, ag appa buɗiatteg goppig.

2 Stori 32:1

Hesekaia nug uɗat amu oh tutukku, elele ha male, amu dimppa Asiria dilag king Senakerip nug nuhikkud daup ele ag ahan, Juda banelag uɗippig. Senakerip nug nuhig dabmakppa, “Da Juda dilalkad aab okkai ɠagattag aɗ ele eɗatten, dahil daaglagnu aokkulnu hettem,” dabmaama, nug nuhikkud daup ele aab amu oo mattan aqaknu maadna daappig.

2 Stori 32:3

nug nuhikkud ehanittak anuqak danab, daup dilag okkai ele onilagppa e doeg, nug le qeppuɗia bak, aab okkai dimittim appa beum heppeg, appa ii bemanu, nug ag dabmak amunu ulum mettaglagnu ag amelagppa aum. Nug amunu ag amelagppa a amu, danab okkai amu ag kingnu dabmak amunu ena doon, ehanidppig.

2 Stori 32:30

Aria, Jerusalem aabnu aɗ dimittim le qeppuɗia bak laa onig Gihon dayom. Le amu, laa iitta, Hesekaia nug le amu oɗe qelakka he, le amu aab ooppa noa ukkom. Le am ukka, Dawitnu Aab ooppa laih qaban uɗitteppa, appa le moɗppa waum. Hesekaia nug aɗi hekkunu eppeg bahia aɗa he, uɗat amu elele mettom.

Aisaia 10:8

Anam amu, diig amunu nug ⌊beɗu akoniaya⌋, ‘Dahil ban danab ikkilkad ag anen anen ag king bia iite daatteb?

Aisaia 22:9

Ag anam dabmenana, ag Jerusalem aab okkainu aɗ am aben laala kuɗum nauhna daappeg anidkkulag amunu, ag Jerusalem, aab okkai amuam King Dawitnu amu, ag Jerusalemnu lag am oh ebqekkulag. Ag ebqewona, ag lag laala loppaɗna, lag amunu men akkan, aab okkainu aɗ eɗun bappaidkkulag. Amu ag le aoglagnu, ag le, le moɗ laa onig Honapnu Le Moɗ, ag le moɗ amuppanu heppeg, le ukka, moɗ okkai laa, ag moɗ okkai amu aɗ aɗit aab okkai talilidttep gamalahppa buuglag amu, le amu, moɗ alag amuppanu am uɗia, moɗ bau amuppa nokku. Ag keeke amu oh hattaglag, amge ag Kayak, Nug am Jerusalem aab kalak mameg amu, ag nuhignu nakok iinab dabmemana. Ao, ag Nug, Nug anukka keeke amu ohnu maittak awom ele amu, ag nuhignu dabmak iinab aomna.

Nahum 3:14

⌊O gadon, Niniwe danab ah, kekeɗ ag uɗin, oo mattan aqaknu maadna daaglag amunu,⌋ ag haen amunu le huanak itan, aon uɗieg! Ag waa haknu wan aon, brik haknu babaitteg! Ag aɗ bappaidkkulagnu brik heig!