2 Stori 32:1 - Nobonob Baibel

¹ Hesekaia nug uɗat amu oh tutukku, elele ha male, amu dimppa Asiria dilag king Senakerip nug nuhikkud daup ele ag ahan, Juda banelag uɗippig. Senakerip nug nuhig dabmakppa, “Da Juda dilalkad aab okkai ɠagattag aɗ ele eɗatten, dahil daaglagnu aokkulnu hettem,” dabmaama, nug nuhikkud daup ele aab amu oo mattan aqaknu maadna daappig.

2 Stori 32:1 ပူးပေါင်းရင်းမြစ်များ

2 King 15:19

Haen Menahem nug king dayeye, Asiria dilag king Tiklat Pileser, nug nuhig ban danab diie, banelag uɗin, Israel ele ban hekkulagnu uɗippig. ⌊Tiklat Pileser onig laa am Pul.⌋ Anam heehe, Menahem nug Tiklat Pileser nug Israel dilagppa ban hak uua, geha nug Menahem ehanitteb, king ɠagattag Israel wanppa daakkunu ha, nug 3,000 kilogram silwa awa, Tiklat Pileser mettom.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 18:11

Asiria dilag king nug Israel diia, Asiria ukka, nug Israel laala aab Hala maattowa, laala amu diia ukka, Gosan aab nuhig wan ele, appa le Habor guguittak ele maattowa, Midia wanppan aab laalappa ele maattom.

2 King 19:19

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

2 Stori 32:2

Amu Senakerip nug uɗia, anam he, haen Hesekaia nug amu antta, nug Senakerip Jerusalem ele banelag uɗikkunu dabmeum antta,

2 Stori 35:20

Amu dimppa, Josaia nug mettid lagnu keeke oh babaitta male, Isip dilag king Neko nug nuhikkud daup ele ag ahan, Yupretis le guguittak, aab onig Karkemis, appa ⌊Asiria dilag daup ehanadna,⌋ ban hekkulagnu goppig. Ag ahan ukkaegeg, Josaia nug nuhikkud daup noolag awe, nug ag Isip ele ban hekkulagnu ag uɗalag tekkulagnu goppig.

Aisaia 10:32

Ag oolna gobeppeg, deɗ amuppa kekeɗ ag gona, Nop aabppa tekkulagnu tekkulag. Ag appa tena, ag appaib daaglag, tuɗidna ii gomana. Ag daanna amu, ag eppelag bitakkan human epponna, neegppeg Sion qaukoppa gokku. Ao, ag tena, eppelag bitakkan human epponna, neegppeg aab okkai Jerusalem gokku.

Aisaia 36:1

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

Aisaia 37:37

Anam amu, Asiria dilag king Senakerip nug he, nuhikkud daup ii mauhppig ele ag ahan, eɗun ag wanelagppa goppig. Ag gona, Senakerip nug nug wanebppa aab okkai Niniwe, nug appa dayom.

Hosea 11:5

Amge dahilad danab ah ag oolag eɗueb, da dim lamiɗkkulagnu uuppig amunu, ag eɗun, Isip waalagppa daappig bia, laa waalagppa daaglag. Ao, ag Asiria waappa daaglag.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.