2 Stori 25:3 - Nobonob Baibel

³ Amasaia nug king ba daye ukke, king dayaknu ɠagattag nug eppegppa daye amu, nug kingnu ehanittak anuqak danab aɗit, aa nug mameg qeeh mauhom ele, nug aa aqate mauhpiɗ.

2 Stori 25:3 ပူးပေါင်းရင်းမြစ်များ

2 Stori 21:4

Amu Jehoram nug mameg king abenabppa king ba daye ukke, nug he, Juda dilag king daakkunu ɠagattag nug eppegppa daya, nug amakkud oh qep elabppa aqe mauheg, nug Israel dilag okkai laala ele anam aqe mauhppig.

2 Stori 25:4

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

2 Stori 33:25

Ag anam heeg, aria dimppa Juda danab ah ag kingnu ehanittak anuqak danab ag King Amon qeeg mauhom ele, ag ag ele aqaeg mauheg, ag Amon bekka Josaia tituanna aon meeg, nug mameg abenabppa ahilag king ba dayom.

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!