2 Stori 21:2 - Nobonob Baibel

² Jehoram nug am Jehosapat bekka laa, amu Jehosapat bekkod laa am Asaria, Jehiel, Sekaraia, Asariahu, Maikel, am Sepatia. Ag, Jehoram ele oh ag Jehosapat bekkod. Jehosapat nug nuhig haenppa Juda dilag king dayom.

2 Stori 21:2 ပူးပေါင်းရင်းမြစ်များ

2 Stori 24:5

Nug dabmak amu awa, nug mana mettak danab, amu Lewi buɗubppan mana mettak danab iitta, nug ag ele onilagppa e uɗieg, nug ag amelagppa aum. “Ag ahan, Juda aabaabppa gona, Israel danab oh ag maɗ anen anen men doɗo Yawe mettaglagnu daatte amu, ag men doɗo amu, ig amuppa Kayak, ag Nug waappa daan, Nug oɗe dim lamidtteb amu, ig nug laug bappaidkkunignu, ag men doɗo amu aweg! Ag paha amu heig!” awa aum. Nug anam aum, amge Lewi buɗub ag paha ii heppig.

2 Stori 23:2

Amu danab tanig ele amu ag Jehoiada ele nai qakkan, danab tanig ele amu ag ahan, Juda wan ohppa oinna heeg, Lewi buɗub, Israelnu baelkadppan danab okkai ele ag aab anen anen ohppan ahan, Jerusalem uɗippig.

2 Stori 12:6

Semaia nug Yawe oɗe anam ag amelagppa a, King Rehoboam, Juda dilag ikki danab ele ag akka ag onilag qeeg ne, ag, “Yawe Nug hette imu amu, Nug genab nai doya mala hettoɗia epeɗia elele mettak kobol dim lamitta hette,” aon appig.

2 Stori 35:18

Josaia he, Israel ag Pasowanu Hobul gamag ahak ele heppig amu, propet Samuel dayom haenppa Israel ag anam heppig, amge nuhig haen dimppa ag anamnab ii heppig. Israel dilag king laa oh ag heeg, Israel danab ah ag Josaia he heppig bia ii heppig. Josaia he, Lewi buɗubppan mana mettak danab, Lewi buɗubppan mana mettak danab iitta, Juda danab ah oh, Israel danab ah oh ele ag Jerusalem appa daan, Pasowanu Hobul gamag ahak ele heppig. King laa nug anam ii heum.

2 Stori 33:18

Amu Manase nug king dayaya, aɗi keeke laala heum, nug Kayak unuqittom, unuqittak amu, amu propet danab ag aɗi nai Yawe, Israel dilag Kayak, ag aɗi nai nuhigppa aon, Manase amegppa appig ele amu, ag kaya amu oh buk laappa, buk amu onig am, Israel Dilag Kingnu Kaya, ag buk amuppa yaappig daatte.

2 Stori 28:27

Amu Ahas nug mauhe, ag Jerusalem appa boumppig, amge ag Israel dilag kingnu boumak moɗppa ii meppig. Iitta. Ag aben laappa nug boumppig. Ahas nug mauhe, nug bekka Hesekaia nug mameg abenabppa king ba dayom.

2 Stori 28:23

Amu Aram ag uɗin, Ahas eɗitteg, Ahas nug inam dabmeum. “Aram danab ag kayak laa noolagppa dup nona binalag metteb. Kayak amu ag Aram dilag king ehanatteg, Aram ag da eɗilppig amunu, da doɗ manen, kayak amu madappi, ag da ehaniɗkkulag,” dabmeum. Ahas nug anam dabma, nug doɗ manatta, Aram danab dilag kayak mattom. Ahas nug ib amuppa ehanittak awaknu dabmeum, amge iitta. Kobol nug heum, kobol amuppa nug, Israel laa oh ele ag nena qeppig.

2 Stori 28:19

Amge kobol amu oh Juda dilagppa hamu ii beum. Iitta. Juda dilag King Ahas nug Yawe ippunittomnu oo metta ii uuak kobol ii dim lamitta auta autanab awa, hipunin huanak haaha, Juda danab ah ele ag nau hekkulagnu he heppig amunu, Yawe Nug Juda danab ah bu aakku mattom.

2 Stori 24:16

Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.

2 Stori 21:4

Amu Jehoram nug mameg king abenabppa king ba daye ukke, nug he, Juda dilag king daakkunu ɠagattag nug eppegppa daya, nug amakkud oh qep elabppa aqe mauheg, nug Israel dilag okkai laala ele anam aqe mauhppig.