2 Stori 20:9 - Nobonob Baibel

⁹ ‘Uug digdig, amuam kekeɗ ag uɗin, qep elabppa bu mekkaglagtai, o oɗe nau danab kuɗum aqe mauhtteb ele iqakkutai, o enug iqakkutai, uug amu laa ihinigppa beeb, ig uug nau amu dootta, ig mettid lag na onin daatteppa imu noobppa, appa na noomppa daat unuqidpput, na ihinig unuqittak doon ehanigppe, ig padal ii memata,’ aon appig.

2 Stori 20:9 ပူးပေါင်းရင်းမြစ်များ

1 King 8:30

O Kayak, nahip dayak aben am hab aab, amu na appa daanna, haen da, nahip maɗi nid, amu Israel ele, ig am nahipad danab ah, haen ig neegta, lag imu anidtata, na unuqidpput doona, na ihinig hipunin uhuqna megakkutnu oɗ medattem.

1 King 8:33

Amu ig Israel, ig am nahipad danab ah, ig nahip-ppa hipunin hekkunig dayeb, diig amunu na uuigppe, ihinig kekeɗ ag ban hak haenppa eɗigkkulag dayeb, amu dimppa ig Israel ig oonig eɗueb, ig na, na onin am Yawe, ig na tutukku dabmeta, ig nahip mettid lag imuppa uɗit, na noomppa ihinig hipunin uhuqna megakkutnu unuqidta oɗ mettagnig dayeb amu,

1 King 8:37

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

2 Stori 20:8

Ig mamenkad aɗi ag wan imuppa daan, ag nahip mettid lag imu, na onin iguppa daakkunu hena, ag appig.

2 Stori 6:20

Amu na mettid lag imu, na, ‘Da heppi, da onil am lag amuppa daakku,’ ame amu, na deɗ oh na amen am tuqan, amun ele uɗiebeb, lag imu anidkkutnu da ool daatte. Amu haen da, nahip maɗi nid, da na unuqidkkulnu hein, da neegppi, lag imuppa uɗieb unuqidppi, geha na dahil unuqittak dookkutnu ele ool daatte.

2 Stori 6:5

Nug da mamel Dawit amegppa inam aum. ‘Haen da dahilad danab ah Israel, ag Isipnu diie uɗimi, haen amuppanu uɗie, gemu batak, da Israel dilag huu okkai oh oolagppa aab okkai laa, amuppa ag mettid lag laa, da onil amuppa daakkunu hekkulagnu amu laa ii tituanmi. Ele amu, da danab laa nug dahilad danab ah Israel dilag okkai daakkunu ii tituanmi.

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:3

Aɗinu? Yawe Nug nahip guppiɗ dayeb amu, Nug pelem mak ohppanu, amu oɗe nau digdigppan ele ehanitteb, amuppa na padal ii memana.

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Eksodas 23:21

Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.