2 Stori 2:3 - Nobonob Baibel

³ Amu Solomon nug anam hewowa, nug nai laa imu me, Tair dilag king Hiram, nuhigppa ukkom. Nug aum. “Anukka da mamel Dawit nug nuhig lag enanagnab, nug aguppa daakkunu bappaidkkunu heehe, na ad sida kuɗum me uɗiom amu, da na ad amubia baula meppe uɗikkunu ool daatte.

2 Stori 2:3 ပူးပေါင်းရင်းမြစ်များ

2 Samuel 5:11

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab heppig.

1 Stori 14:1

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab hekkulagnu goppig.

2 Stori 13:11

Ag deɗ oh hanhan buttua, tueb ele manaknu ofa hena, Yawe mettan, ag kalu danab ile muttuɗig enanag bette ele amotna, Nug medatteb. Ag hanhan bret balal Yawe noobppa oppiaawak daatteppa meeg, ag lam, lam maattaknu balal golppa hak attan daatteb ele hanhan tueb amotadtteb. Aɗinu ig anam hettem? Ig Yawe, ihinig Kayak, Nug attem attem hekkunignu aum amu, ig hettem, amge ag Yawe ii dim lamidtteb. Ag Nug uuppig.

2 Stori 24:14

Danab ag uɗat amu heppig amu, ag uɗat heeg ukke, lag babaittak amu oh hena malaeg, men doɗo iitta ii meum amunu, men doɗo amu ag aon gona, King Joas, Jehoiada ele mataeg, aa heeh, uɗat amu haknu doyak danab ag Lewi buɗub ag Yawenu mettid lag, amuppa maɗi ahilag hekkulagnu keeke heppig. Keeke amuam doɗ mana mettaknu huɗup keeke, tappiɗ, amu keeke laala ele gol, silwappa hak ele. Amu Jehoiada nug bau dayeye, mana mettak danab ag hanhan Yawenu mettid lag, amuppa manaknu ofa hedappig.

2 Stori 4:19

Solomon nug Kayaknu mettid lagnu keeke imu oh ele heum: qaɗab golppa hak; Kayak Nug ina daatte ippuanattaknu bretnu balal golppa hak;

2 Stori 8:13

Moses nug king doɗ gane Sabat deɗ anen anenppa, kalam bau betteppa, Bret Yis Iitta Lanaknu Hobul Nakokppa, Ee Tatam Oɗue Digma Awaknu Hobulppa, Pehppa Dayaknu Hobulppa ele manatta, Yawe medakkunu haknunab aum amu, Solomon nug amubiaib aakku heum.

Esra 6:3

King Sairus nug king dayaya, nuhig king dayaknu maɗ digmakppa nug Kayaknu mettid lag Jerusalem appa daakkunu ɗo laa meum. Nai amuam inam. ‘Jerusalem appa danab ag doɗ main, Kayak mettaglagnu amu, Juda danab ag eɗun, Kayaknu mettid lag eɗua daakkunu, ag lag amu buueg! Ag lag amunu men ukku mewona, ag lag buuglag; lag amunu emaitak am 27 mita, attan tak nuhig ele 27 mita daakku.

Nehemaia 10:34

Ig Lewi buɗubppan mana mettak danab, ig Lewi buɗubppan mana mettak danab iitta, amu ig danab ah laa oh ele, ig Yawe, ihinig Kayak, ig nuhig qaɗabppa aab ilak daakkunu, ig, ig baenkadppa ele, ig maɗ maɗppa ihinig haen adekkuppa aab aot uɗit, Kayaknu mettid lag, amuppa mekkunignu om ena yaat anidmut amunu, ig amu dim lamidkkunig. Qaɗabppa maiglagnu Yawe Nug ig anam hekkunignu ɗo mekke, Moses bukppa yom amu, yaak amu niitte bia, ig aakku hekkunignu bappaidmut.

Eksodas 25:30

Ag amu hena amu, ag bret, bret amuam da Yawe, da ina daattemnu ippuanattaknu bret amu, ag bret amu aon, balal ⌊epeɗiaknab⌋, ag amuppa meig! Bret amuam da noolppa balal amuppa hanhan dayaɗ!

Eksodas 29:38

Am laa amu, ag deɗ anen anen oh ag sipsip gaiɗ maɗ laippu awak ele aɗit diiatna, qaɗabppa main, da meɗeg!

Eksodas 29:39

Sipsip laa amu, ag buttua main, da meɗona, laa am tuebnab ag main, da meɗaglag.

Eksodas 29:41

Aria, tuebnab ag sipsip laa main meɗaglag, amu ag haen amuppa ee aegnu ofa, wain gokkaɗaknu ofa ele buttua heppig bia heig! Mana mettak amuam da, Yawe, da meɗaknu aab aɗunu ofa. Mana mettak amunu muttuɗignu amu, da, Yawe, da oolppa ena doottem.

Eksodas 30:7

Ag anam meppeg, aria deɗ oh buttua, Aron nug geha ukka, lam bappalatta, haen amuppa nug kalu danab ile muttuɗig enanag bette ele qaɗabppa maneb, kahug muttuɗig ena taɗ!

Lewitikas 23:2

“Na Israel danab ah nai imu appe doyeg!” awa aum. ⌊Yawe Nug anam a amu, Moses nug ag amelagppa inam aum.⌋ “Hobul dayaknu haen epeɗiak laala daatteb, amu ⌊mana mettak danab ag appeg,⌋ haen amuppa, ag oh geha Yawe noobppa qagmena, dup nona binag mekkulagoitte.

Lewitikas 9:17

Nug ee aegnu ofa amu ele awa, Yawe toppa ukka, nug plaua eppeg laippuppa appua, qaɗabppa ma, mane ewom. Doɗ manaknu ofa buttua haen oh tuɗid ele hetteb, amuam mana mettak laa. Ag amu hena, ag imu ele heppig.

Namba 28:11

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam anen anen dilag deɗ 1ppa amu, ag makau gaiɗ aɗit, sipsip dawai laippu, sipsip gaiɗ eblaih aɗit ele maɗ laippu awak, ag amu aon, Yawe gumidna wana, manaknu ofa hena, Nug metteg! Doɗ amu oh ag beɗulagppa eheɗ laa iitta.

Namba 28:9

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Ag Sabat, deɗ amuppa amu, ag sipsip gaiɗ aɗit, maɗ laippu awak ele, beɗulahppa eheɗ laa iitta ele, ag amu aon, manan meɗan, doɗ amu, amu ee aegnu ofa ele heig! Ee aegnu ofa amu hekkulagnu amu, ag 2 kilogram plaua enanag, olip goɗen ele kabolin hekkulag. Ag wain gokkaɗaknu ofa ele hekkulag.