2 Stori 19:9 - Nobonob Baibel

⁹ Jehosapat nug danab amu tituanatta, nug ag amelagppa inam haknunab aum. “Ag ebehilag oh Yawenu bodoetta le meebeb, ag ahilag uɗatppa oo metta ii uuak kobol dim lamidna hanhan pehettak, meulag ohppa ele heig!

2 Stori 19:9 ပူးပေါင်းရင်းမြစ်များ

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

2 Stori 19:10

Ag lailkad, Juda danab ah, ag aab okkai anen anenppa daan, uug digdig ag epeɗiak danab, ag bappaidkkulagnu aon uɗiglag. Uug amuam ɗo digdig oolagppan laa tippalaktai, o haknunab anak tippalaktai, o ɗo mak nai laa tippalaktai, o layag qe mauhaktai, uug amu oh ag aon, ag bappaidkkulagnu uɗiglag. Ag nai amu aon uɗippeg, ag epeɗiak danab tituanak daatteb ele, ag danab amu ag Yawe, nuhigppa hipunin hemananu, ag nau aomnanu nai ag amelagppa mattieg! Ag amu ii hekkulag dayeb amu bu nau, Yawe eppegppanu, bu amu ag, amu ag lailkad ele ag tonadkku. Ag epeɗiak danab ag uɗat amu pehettak hekkulag amu, ag hipunin ii hemana.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

2 Stori 19:8

Jehosapat nug anam ha, nug Jerusalem appa Lewi buɗubppan mana mettak danab iitta, ag oolagppanu laala, aria mana mettak danab laala, amu Israel baelkadppan dilag ikki laala ele ag Yawenu ɗo tippalaknu, danab ah dilag nai haknu ele epeɗiadkkulagnu tituanattom. Nug ag tituanatte, ag Jerusalem daappig.

Aisaia 32:1

Antteg! Qinob king laa nug kobol genab tutukku dim lamittatta, danab ah gumadkku. Ao, danab ah dilag okkai ag nai doya mala hettoɗia epeɗia elele mettak kobol dim lamidnana, ag danab ah gumadkkulag.