2 Stori 17:12 - Nobonob Baibel

¹² Amu Jehosapat nug nuhig ɠagattag okkai meeme ukke, nug aab aɗ ɠagattag ele, keeke maatte dayaknu aab okkai ele Juda wanppa kalattom.

2 Stori 17:12 ပူးပေါင်းရင်းမြစ်များ

1 Stori 29:25

Solomon king abenabppa ba daye, Yawe he, Israel danab ah oh ag Solomon binag okkainab medappig. Israel dilag king laa Solomon ii nak haenppa nug binag okkai amubia laa iitta.

2 Stori 17:11

Pilistia danab laa ag ⌊maɗ maɗppa⌋ silwa, en laala ele aon, takis bia Jehosapat mettaegeg, Arebia danab ag sipsip dawai 7,700, meeme dawai 7,700 ele aon uɗin, nug medappig.

2 Stori 17:13

Nug aab amu kalatta, nug ee keeke huanak appa, Judanu aab laalappa ele meum. Jehosapat nug anam ha, nug he, ban hak danab ag ban anidna malappig amu, ag Jerusalem daappig.

2 Stori 18:1

Amu Jehosapat nug anam he ukke, nug en okkainab, binag ele okkainab ele dayom. Nug anam daya he, nug bekka laa Israel dilag king Ahap aɗeg awom amunu, Juda, Israel ele ag layam batappig.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

2 Stori 27:4

Laa amu, Jotam nug Juda wanppa qauko nakok daattebppa aab kalatta, aab aɗ ɠagattagnab ele, ⌊ban haknu⌋ lag attan ta ukkak menppa hak ele Juda wanppa atu daatteppa hattom.

2 Stori 32:5

Ag amu heeg, Hesekaia nug Jerusalemnu aɗ aben laala nauhak dayom amu, nug babaitta, ⌊ban haknu⌋ lag attan ta ukkak menppa hak ele aɗppa hattom. Nug ele aɗ laa, aɗ tatam dayom, aɗ amu dimittim heum. Amu aben ag wan itan meeg, elele beum, aben amu ele nug ɠagattag qettom. Hesekaia nug amu haaha, nug ban, lat keeke, kuɗum hatta, nug guppiɗ ele kuɗum hattom.

Eksodas 1:11

Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.