2 Stori 17:1 - Nobonob Baibel

¹ Amu Asa nug mauhe, nug bekka Jehosapat nug king abenabppa ta, Juda dilag king dayom. Nug king dayaya, nug Israel, Juda eɗadmananu nug ban haknu kobol keeke ele, am ɠagattag daakkun ɠagattag qettom.

2 Stori 17:1 ပူးပေါင်းရင်းမြစ်များ

1 King 15:24

Dimppa Asa nug mauhe amu, ag nug Dawitnu Aab, appa nug mamekuɗ aɗi boumadppigppa boumppig. Nug mauhe, nug bekka Jehosapat nug mameg abenabppa king ba dayom.

1 King 22:41

Amu Ahap nug Israel dilag king dayaya, nuhig king dayaknu maɗ waɗeleppa amu, Asa bekka Jehosapat nug Juda dilag king ba dayom.

2 King 1:17

Aakku, Ahasia nug mauhe amu, Yawe Nug Elaiya oɗeppa nai mattiom amu, nai amu aakku elele mettom. Ahasia nug nid danab iitta amunu, nug amag Joram nug abenabppa king ba dayom. Jehosapat bekka Jehoram nug Juda dilag king dayaya, nuhig king dayaknu maɗ aɗitppa amu, Joram nug Israel dilag king ba dayom.

1 Stori 11:10

Yawe Nug Dawit, Israel wan oh dilag king daakkunu Dawit amegppa nai anan qakkom amu, Nug aum bia Israel danab oh, ban danab ɠagattag ele ag Dawit ehanitteg, nug Israel wan oh dilag king ba dayeye, nuhig gumak ii uɗalom. Amu ban danab ɠagattag dilag nai am inam.

2 Stori 12:1

Amu Rehoboam nug Juda dilag king ba daye ukke, haen king daakkunu ɠagattag nug eppegppa dayeye, laa nug abenab aokkunu ii heehe, Rehoboam nug ɠagattag dayaya, nug Juda danab ah oh ele ag Yawenu ɗo dim lamidkkulagnu uun, Yawe ii dim lamidppig.

2 Stori 17:2

Juda wanppa aab laala ag aab okkai ɠagattag aɗ ele, nug he, daup ag aab amu ohppa daaegeg, daup laa ag Juda wanppa aab laalappa ele daappig. Aria, nug mameg Asa, nug Epraim wanppa aab laala eɗatta awom amu, nug daup appa daaglagnu ele maattom.

2 Stori 26:8

Amon danab ele ag hanhan maɗ anen anenppa en takis bia, aon uɗin, Usia medappig. Amu Usia nug king daye, nuhig ɠagattag am okkai ele amunu, danab Isip ooppa ele, ag nuhignu nai dooppig.

2 Stori 32:5

Ag amu heeg, Hesekaia nug Jerusalemnu aɗ aben laala nauhak dayom amu, nug babaitta, ⌊ban haknu⌋ lag attan ta ukkak menppa hak ele aɗppa hattom. Nug ele aɗ laa, aɗ tatam dayom, aɗ amu dimittim heum. Amu aben ag wan itan meeg, elele beum, aben amu ele nug ɠagattag qettom. Hesekaia nug amu haaha, nug ban, lat keeke, kuɗum hatta, nug guppiɗ ele kuɗum hattom.

Esekiel 7:27

Israel dilag king ele, nug oo uug naunab doya, mahikku. Anuqak danab ag ele uug nau doon, ‘Dimppa haen laappa ig eɗut ena daagnig,’ iinab dabmemana. Israel wanppan danab laa oh ag baɗan, hahaɗkkulag. Ag eheɗ heppig amu, da amunu nob eleleppa madakkul. Ag heppig, melemel amuppa da bu madakkul. Da anam heppi, ag da am Yawe dooglag.” Yawe Nug anam awa aum.

Matyu 1:8

Asa bekka am Jehosapat. Jehosapat bekka am Jehoram. Aria, Jehoram bekka am Usia.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

1 Samuel 23:16

Dawit nug Hores dayeye, Saul bekka Jonatan nug Dawit gumitta ukka, ɠagattag qetta, Kayaknu ooppa genab doyak nuhig paɗamanu anana, Nug nai tuɗitta Dawit amegppa aum.