2 Stori 13:2 - Nobonob Baibel

² Abaiya nug king ba, nug maɗ ewam Jerusalem appa king dayom. Nug anig am Mikaiah. Mikaiah am Gibea ted Uriel aɗeg. Amu Abaiya nug king dayeye, Juda, Israel ele aa ban hepiɗ.

2 Stori 13:2 ပူးပေါင်းရင်းမြစ်များ

1 King 14:19

Amu keeke kuɗum laa ele King Jeroboam heum, kaya amuam ag buk laappa, buk amu onig am, Israel Dilag Kingnu Kaya, buk amuppa yaappig daatte. Yaak amuppa Jeroboam nug kekeɗ ele ban heppig, amu wan gumaknu kobol laala nug heum, kaya amu ele buk amuppa daatte.

1 King 14:20

Jeroboam nug maɗ 22 king dayom. Dayaya, nug mauhe, nug bekka Nadap nug mameg abenabppa king ba dayom.

1 King 15:2

Abaiya nug king ba, nug maɗ ewam Jerusalem appa king dayom. Abaiya anig am Apsalom aɗeg Makah.

2 Stori 11:20

Amu dimppa amu, Rehoboam nug Apsalom aɗeg Makah awom. Nug awe, aa nid danab waɗele menuadpiɗ: Abaiya, Atai, Sisa am Selomit.

2 Stori 12:15

Amu Rehoboam nug king dayaya, digmakppan ukke batakppa ele aɗi aɗi heum amu, kaya amuam buk laa propet Semaia yom, buk laa propet Ido yom amu, kaya amu buk aɗit amuppa daatte. Buk aɗit amuppa amu aa king anilkad, mamelkad, dokkialkad, memetalkad uma ukkak ele, nai aakku yaapiɗ. Amu Rehoboam nug king dayeye, Juda, Israel ele ag hanhan ban hedappig.

2 Stori 13:3

Amu Abaiya, nuhikkud daup ele ban heppig amu, daup nuhikkud, ahilag ebqak am 400,000. Jeroboam nuhikkud daup ele ban heppig amu, daup nuhikkud, ahilag ebqak am 800,000. Abaiya, Jeroboam ele, ahilti daup amu oh ag am ban haknu elelenab daappig.

Josua 18:28

Sela, Haelep, Jebus, onig laa am Jerusalem, Gibea, Kiriat Jearim ele madappig. Aab amu oh ebqak amu 14. Aab naunau laala aab amu taliliattak daappig amu, ag amu ele ag madappig. Wan imu aakku, ag aulag daakkunu, Josua, nuhig ehanittak ele, ag Israel dilag huu okkai Benyamin baelkadppa madappig.

Ikki Danab 19:14

Nug anam a, ag tuɗidna goppig. Ag ukkaegeg, aam noono, ag Gibea gukkuidna wappig. Gibea am Benyamin dilag wanppan aab laa.

Ikki Danab 19:16

Anam dayom, amge haen nakokib ukke, dimppa danab kaino laa nug nuhig dad okkai uɗatppanu laugppa uɗiom. Nug Epraim wanppa, qauko qauko daattebppan danab, amge nug ukka, Gibea, Benyamin danab ag appa daappig amu, nug appa dayom.

1 Samuel 10:26

Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.