2 Stori 10:4 - Nobonob Baibel

⁴ “Na mamen Solomon nug, nug ig uɗatnu uug okkai, ɠagattagnab mekkom. Anam amunu, gemu na ihinignu bodoettak hena, ihinig uug heppe, nakok iitta mekkunu oɗ medattem. Na anam heppe amu, ig geha na waatppa daat, nahip maɗi nid daagnig,” aon appig.

2 Stori 10:4 ပူးပေါင်းရင်းမြစ်များ

1 King 12:4

“Na mamen Solomon nug, nug ig uɗatnu uug okkai, ɠagattagnab mekkom. Anam amunu, gemu na ihinignu bodoettak hena, ihinig uug heppe, nakok iitta mekkunu oɗ medattem. Na anam heppe amu, ig geha na waatppa daat, nahip maɗi nid daagnig,” aon appig.

1 King 4:20

Juda, Israel ele ag am appatna, danab ah huanak, kuɗumnab daappig. Ebqak ahilag am kuɗumnab, am abuɗ yu ihippa daatte, amubia. Ag ee, le ele, elele lanana, gamag ahak ele ena daappig.

1 King 4:25

Haen Solomon nug king dayeye amu, Juda danab ah, am Israel danab ah ele, aab onig Dan, appanu ukka ukka, Berseba aabppa batak, ag oh baɗak iittappa daappig. Amunu danab oh anen anen ag ahilag ad fig, amu muɗi grep ele waappa daanna, ag gumappig. Haen amuppa keeke eheɗ laa ahilagppa ii beum. Iitta.

1 King 5:13

King Solomon nug Israel danab 30,000, danab amu ag ɗo waappa kingnu uɗat haknuib daappig amu, ag Saidon danab ehanadppeg, ag ad awaknu uɗat hekkulagnu diiom.

1 King 5:15

Laa amu, Solomon nug danab 80,000 laa diiom, ag am atu qaukoppa gona, men otaɗadkkulagnu diiom. Aria, nug danab 70,000 laa ag men amu mawadkkulagnu diiom.

1 King 9:22

Amge Solomon nug he, Israel nid laa nug begbeg maɗi nid dayaya, uɗat ii heum. Iitta. Nug Israel amu he, laa ag nuhikkud ban danab daappig, laa ag nuhikkud ehanittak anuqak danab daappig, laa ag ban daup ikki digdig daappig, amu laa ag daup ag bannu karis attan daan, ban heppig, daup ag hos attan daan, ban heppig ele, ag amu dilag ikki danab ele daappig.

2 Stori 10:3

Nug Isipnu uɗiom amunu, Israel danab ag Jeroboam onigppa eeg do, nug Israel oh ele ag Rehoboam gumidna gona, amegppa inam appig.

2 Stori 10:5

Ag anam aeg amu, King Rehoboam nug ag amelagppa aum. “Deɗ ewam uueb ag eɗun, da gumiɗna uɗippeg, da oɗmak amunu nob ag amelagppa appi dooglag,” awa aum. Nug anam a amu, ag eɗun goppig.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Aisaia 47:6

Da dahilad danab ah, ag hipunin heppig amunu, da ahilagnu ool nauhe, da hei, Babilon ag wana, ahilag wan aon, ahilag daakkunu aɗappig. Da hei, Israel danab ah ag, ag Babilon eppelagppa daappig, amge ag Babilon ag Israel dilagnu oo gai-iitta doya oo metta ehanittak laa iinab heppig. Iitta. Ag nid bau dilag eheɗ hadappig, amge amuib iitta. Iitta. Ag ele ahilag eheɗ hak tuɗidna, wagai mena, ag Israel danab ah kaino dilag eheɗ hattanna, uɗat nau, uug ele ag madappig.

Matyu 23:4

Ag keeke uug ele itan, danab gukkalkadppa mattaeg maotteb, amge ag akka ag eppelag doɗo laa uug amu maoglagnu nakok ii meeg otte.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.