2 Stori 1:2 - Nobonob Baibel

² Amu Solomon nug Israel dilag ban daup 1,000 dilag ikkilkad, ban daup 100 dilag ikkilkad, epeɗiak danab, Israel dilag ikki danab laa, amu Israelnu baelkadppan ikki danab ele, ⌊danab amu ag Israel oolagppanu Israel danab oh oulag daappig amu,⌋ nug ag oh onilagppa e uɗieg, nug ag amelagppa a,

2 Stori 1:2 ပူးပေါင်းရင်းမြစ်များ

1 King 3:4

Gibeon, aab amuppa amu, aabppanu mettid lag nakok anuqak aguppa dayom amunu, deɗ laa Solomon nug mana mettak hekkunu Gibeon ukkom. Ukka, nug doɗ 1,000 aqa, qaɗabppa manaknu ofa haaha manatta, Yawe mettom.

1 Stori 13:1

Amu dimppa Dawit nug nuhikkud ban daup 1,000 dilag ikkilkad, laa ag ban daup 100 dilag ikkilkad ele, nug ag onilagppa e uɗieg, nug ele nai madippig.

1 Stori 15:12

Ag nug gumidna ukkaeg, nug ag amelagppa aum. “Lewi buɗub oolagppanu amu, ag, ag baelkadppa dilag okkai daatteb. Ag anam daatteb amunu, ag, ag lailkad ele, ag oh Lewi buɗub amu, ag anen anen, ag hena, ag Yawenu tituana mettak daanna, ag Yawe, Nug Israel dilag Kayak, ag nuhig Tituanak Nainu Kunup aon, da aben kunup amunu bappaidmi, ag aguppa mekkulag.

1 Stori 15:3

Dawit nug anam ana he, Israel oh ag Yawenu Tituanak Nainu Kunup aon, Tituanak Nainu Kunup amu daakkun aben Dawit babaittomppa mekkulagnu Jerusalem uɗippig.

1 Stori 24:31

Ag danab amu, ag huu ahilkad ele ag aɗi aɗi uɗat hekkulagnu tituanadkkulagnu om ena yaappig. Ag mana mettak danab dilag heppig bia, ag imu dilagnu ele anam heppig. Ag King Dawit, Sadok, Ahimelek, mana mettak danab baelkadppan okkai, Lewi buɗubppan mana mettak danab iitta baelkadppan okkai ele noolagppa om ena yaan, uɗat attem attem hekkulagnu tituanadppig. Awag amag daappig ele, awalkad dilagppa kobol laa hena, amalkad dilagppa kobol laa ii heppig. Iitta. Ag amu dilag kobol laippuib dim lamidna, uɗat otiadppig.

1 Stori 24:4

Eleasar buɗub oolagppa, ag baelkadppan danab okkai kuɗum daappig. Itamar buɗub oolagppa, ag baelkadppan danab okkai kuɗumnab anam ii daappig amunu, Eleasar buɗubnu obatak am 16 daappig. Itamar buɗubnu am eblaih ewam daappig.

1 Stori 27:1

Kalam anen anen danab 24,000 ag uɗin, king ehanidnana, ban daup dilag uɗat aakku henan daappig. Kalam laa 24,000 uɗin heppig. Kalam laa 24,000 laa uɗin heppig. Ag anam heegeg ukke, maɗ laippu uue, ag baula haen ahilagppa uɗippig. Laa ag kalam anen anen uɗin, ban daup daappig, ahilkad ikki am Israelnu baelkadppan okkai, ban daup 1,000 dilag ikkilkad, ban daup 100 dilag ikkilkad, amu ban daup ikki laa ele. Danab amu ag daup kalam anen anenppa uɗin daappig, ag ag gumadppig; amu ag onilag am inam.

1 Stori 28:1

Amu deɗ laa Dawit nug Israel dilag danab okkai oh ag Jerusalem uɗin qagmekkulagnu onilagppa eum. Nug ameg ameg imu onilagppa eum; Israel dilag huu okkai dilag okkai, danab ag king ehanidppig dilag okkai, ban daup 1,000 dilag ikkilkad, ban daup 100 dilag ikkilkad, laa ag king, nug bekkod ele dilag en, doɗ gumak uɗat gumappig ele, ahilag ikki danab, danab ag Dawitnu lag enanagnab gumak uɗat heppig ele, ahilag ikki danab, ban danab ɠagattag, amu daup oh ag oolagppa ɠagattag doyak ele.

1 Stori 29:1

Amu King Dawit nug danab oh qagmen daappig amelagppa aum. “Da bekkal Solomon, Kayak Nug nug da abenal awa, king daakkunu tituanom amu, nug nid bau daatte. Nug deɗ laa uɗat laa imubia laa ii heum, amge uɗat nug hekkun daatte am uɗat naɗinab. Aɗinu? Lag enanagnab imuam danab laanu iitta. Mettid lag imuam Yawe Kayaknu lag.

2 Stori 1:3

Solomon nug danab qagmeppig ele oh ag ahan, aabppanu mettid lag nakok Gibeon appa daatte, ag appa goppig. Ag appa goppignu diig am, Kayaknu mettid haknu peh lag danab ah appa qagmetteb ele, peh lag amu appa dayom. Yawenu maɗi nid Moses nug atu taɗakppa lag amu babaittom.

2 Stori 29:20

Lewi buɗub, ag King Hesekaia amegppa anam aeg, deɗ amu uue, wagɗe buttuanab Hesekaia nug Jerusalemnu danab okkai onilagppa e doeg, ag oh Yawenu mettid lakka teppig.

2 Stori 30:2

King Hesekaia, nuhikkud ehanittak anuqak danab, danab ah Jerusalem daappig ele, ag kalam aɗitppa Pasowanu Hobul hekkulagnu maittak aoppig.