2 Samuel 9:7 - Nobonob Baibel

⁷ Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

2 Samuel 9:7 ပူးပေါင်းရင်းမြစ်များ

Genesis 43:18

Ukke, ag baɗan, akka akka nai madippig. “Anukka ag silwa men doɗo ihinig eɗun, ihinig bekppa inaeg aot gomut, diig amunu ag omaikkeg uɗimut. Ippa ag oigna, donki ihinig aona heppeg, ig begbeg maɗi nid daagnig,” aon appig.

Genesis 43:23

Ag anam aeg amu, Josep laug gumak danab nug aum. “Ag maɗoɗ doonna, aib baɗappig. Kayak ahilag, Nug ag mamelagnu Kayak, Nug ahilagnu nob ena mattom. Da silwa men doɗo ahilag tatam aon uɗippig amu, da aomi,” awa aum. Anam ana amu, nug ukka, Simeon omala uɗie, oh daappig.

2 Samuel 12:8

Saul, nug nahip okkai dayom amu, da nuhikkudppan oh, amu nug wauud, ag na waatad daaglagnu ele da na mettami. Da na Israel dilag king, Juda dilag king ele daakkutnu ehah mettami. Da amu oh mettami, amu na keeke amunu, “Am keeke nakok,” doome dayeb amu, na oɗ meɗalom, da amu tuɗitten, laa okkainab ele mettalom.

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

2 Samuel 19:29

Mepiboset nug anam a, King Dawit nug aum. “Aakku elele. Na Siba ele aa wan da nug eppegppa memi amu, aa oppatya, laih nahip dayeb, laa nuhig dayad!” awa aum.

2 Samuel 19:33

Amu Barsilai nug Dawit gumitta te, nai mattiyya, Dawit nug amegppa aum. “Na da ele, i oh Jodan le mataɗa, i oh Jerusalem teɗa, da na atognoidkkul,” awa aum.

2 Samuel 21:7

Dawit anam aum, amge nug anukka Saul bekka Jonatan amegppa nuhig nai Yawe noobppa ɠagattag qetta, layam hanhan daaglahnu aum amunu, nug Jonatan bekka Mepiboset Gibeon danab eppelagppa ii meum.

2 Samuel 9:1

Am deɗ laa Dawit nug nuhikkud ehanittak laala oɗ matta aum. “Da Jonatannu dabmein, nuhignu dabmak anuqak awen, Saul baekkudppan laa, nuhignu oo mauhaknab kobol doye dim lamitten hekkulnu ool daatte, amge Saul buɗub laa gemu daattete o iittate?” awa oɗ mattom.

2 Samuel 9:10

Da nug mettami amunu, na, na begapad, nahip maɗi nid ele ag wan amuppa ee eppan, meu aonna, Mepiboset baekkudppa laa oh ag keeke ele daaglagnu nug mettaglag, amge nahip okkai alag Mepiboset, nug hanhan balal dahilppa ee lakku,” awa aum. Siba nug bekkod 15, maɗi nid 20 ele.

2 Samuel 9:11

King Dawit nug Siba amegppa anam a, Siba nug aum. “Na am dahil okkai, na king. Da am nahip maɗi nid amunu, na da aɗi hekkulnunab attem amu, da hekkul,” awa aum. Dawit nug anam heum amunu, Mepiboset nug hanhan Dawitnu balalppa, king bekkod hetteb bia, nug appa ee lattom.

2 Samuel 9:13

Mepiboset nug hanhan King Dawitnu balalppa ee lattom amunu, nug Jerusalem dayom. Nug baekuɗ oh kaliak ele.

2 Samuel 9:3

Siba anam amegppa a amu, King Dawit nug oɗ mettom. “Saul buɗub laa appan daattete? Laa daatte dayeb amu, da Kayak Nug oo mauhaknab kobol ihinignu doya dim lamidtte, amubia da danab amunu dabmekkulnu ool daatte,” awa aum. Nug anam a, Siba nug king amegppa aum. “Jonatan bekka laa appan daatte. Nug am baekuɗ oh kaliak ele,” awa aum.

1 King 2:7

Na Joapnu anam hekkut, amge na Gileat danab Barsilai, na nug bekkod dilagppa na oo mauhaknab kobol doon dim lamidna, na appe, ag nahip balalppa ele daanna, ee lakkulag. Aɗinu? Haen na awan Apsalom he, da oole ukkai, ag dahilppa kobol ena hena, ɠagattag iuppig.

2 King 25:29

Nug anam heum amunu, Jehoiakin nug baula maniguittak lamen ii takkom. Iitta. Nug lamen hamu maatta, hanhan nug King Ewil Merodaknu balalppa ee lattom. Nug anam ee laawo ukke ukke, nug mauhom.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Jeremaia 52:33

Nug anam heum amunu, Jehoiakin nug baula maniguittak lamen ii takkom. Iitta. Nug lamen hamu maatta, hanhan nug King Ewil Merodaknu balalppa ee lattom. Nug anam ee laawo ukke ukke, nug mauhom.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Matyu 6:11

Ig ee megattem amu, na gemunu ele megakkutnu na oɗ medattem.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!

1 Samuel 20:15

⌊Amge haen gamag imuppa da mauhppi, dimppa haen na king bewona,⌋ na da baeladppa dilagnu oo mauhaknab doon, aqappe ii mauhmananu oɗ medattem. Ao, Yawe Nug heeb, nahip kekeɗ ohnab ag mauhadna malappeg amu, haen amuppa ele na da baeladppa dilag enaib hekkutnu oɗ medattem,” awa aum.

1 Samuel 22:23

Anam amunu, na da ele daaɗu! Na aib baɗame. Danab nug na nitteb mauhkkutnu hette amu, nug da ele iweb mauhkkulnu hette, amunu, na da ele daagnih, geha na ena daakkut,” awa aum.