2 Samuel 9:13 - Nobonob Baibel

¹³ Mepiboset nug hanhan King Dawitnu balalppa ee lattom amunu, nug Jerusalem dayom. Nug baekuɗ oh kaliak ele.

2 Samuel 9:13 ပူးပေါင်းရင်းမြစ်များ

2 Samuel 19:27

Nug anam he, nug na, na am dahil naɗi, dahil king, nug na amenppa da bael qeum. O dahil naɗi, dahil king, nug anam heum, amge na am Kayaknu engel bia daattem amunu, na attem dahilppa hekkutnu ena doottem amu, anamib he!

2 Samuel 4:4

Amu Saul buɗub laa, am Jonatan bekka onig Mepiboset. Nug baekuɗ am kaliak ele. Uug amu nuhigppa beumnu diig am, haen Pilistia ag Israel eɗadna heeg, Saul, Jonatan ele mauhpiɗ, haen amuppa nid amu nug maɗ tanig ele, amu haen amuppa ele laa Jesrilnu uɗia, mauhpiɗnu a, ah nug nid amu gumom ele nug nai amu doya, oola gokkunu nid amu huma awa, qaiqaɗ ugakka, nid paɗe na qa, guittak awe, baekuɗ kaliak daapiɗ.

2 Samuel 9:12

Mepiboset nug bekka, nid nakok am onig Mika. Amu Dawit nug he, Siba, nug baekkudppa ele oh ag Mepibosetnu maɗi nid daappig.

2 Samuel 9:3

Siba anam amegppa a amu, King Dawit nug oɗ mettom. “Saul buɗub laa appan daattete? Laa daatte dayeb amu, da Kayak Nug oo mauhaknab kobol ihinignu doya dim lamidtte, amubia da danab amunu dabmekkulnu ool daatte,” awa aum. Nug anam a, Siba nug king amegppa aum. “Jonatan bekka laa appan daatte. Nug am baekuɗ oh kaliak ele,” awa aum.

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

Jeremaia 52:33

Nug anam heum amunu, Jehoiakin nug baula maniguittak lamen ii takkom. Iitta. Nug lamen hamu maatta, hanhan nug King Ewil Merodaknu balalppa ee lattom. Nug anam ee laawo ukke ukke, nug mauhom.