2 Samuel 9:1 - Nobonob Baibel

¹ Am deɗ laa Dawit nug nuhikkud ehanittak laala oɗ matta aum. “Da Jonatannu dabmein, nuhignu dabmak anuqak awen, Saul baekkudppan laa, nuhignu oo mauhaknab kobol doye dim lamitten hekkulnu ool daatte, amge Saul buɗub laa gemu daattete o iittate?” awa oɗ mattom.

2 Samuel 9:1 ပူးပေါင်းရင်းမြစ်များ

2 Samuel 1:26

O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

2 Samuel 21:7

Dawit anam aum, amge nug anukka Saul bekka Jonatan amegppa nuhig nai Yawe noobppa ɠagattag qetta, layam hanhan daaglahnu aum amunu, nug Jonatan bekka Mepiboset Gibeon danab eppelagppa ii meum.

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

1 King 2:7

Na Joapnu anam hekkut, amge na Gileat danab Barsilai, na nug bekkod dilagppa na oo mauhaknab kobol doon dim lamidna, na appe, ag nahip balalppa ele daanna, ee lakkulag. Aɗinu? Haen na awan Apsalom he, da oole ukkai, ag dahilppa kobol ena hena, ɠagattag iuppig.

Prowerb 27:10

Na layap aib daut atiom, na mamen layag ele aib daut atiom. Ao, uug naunab nahip-ppa beeb, na layap mudippan laippu, nug eheɗ doomanu na nug uun, na awan o amap uma daatte, na nug laugppa aib gome. Mudippan laippu miag daatte nug na ehanidkkunu elele; nug na baenadppa uma daatteb eɗattak ehanidkku.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Mak 9:41

Da genab ag amelagppa attem. Aun nug ag anatta, ag am dahilad amunu nug da onilppa ag ehanatta, le ougib kap-ppa madatte amu, Kayak Nug danab amu nob ena medakku, Nug daug iinab atima.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Samuel 20:42

Aa gaaya maloya, Jonatan nug Dawit amegppa aum. “Na ena, oot maɗoɗ ele ukke! Aɗinu? I Yawe onigppa nug ehanittak hekkunihnu nai ɠagattag qeɗa amuɗ, amu Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku,” awa aum. Jonatan nug anam a, Dawit aha ugekke, Jonatan eɗua, aab okkaippa ukkom.