2 Samuel 8:6 - Nobonob Baibel

⁶ Dawit nug anam ha, nug he, nuhikkud daup laala ag Aram dilag wanppa daaegeg, Aram ag nug waappa daanna, en takis bia, hanhan Dawit medattappig. Aben ohppa Dawit nug appa ukka, ban heum ele amu, Yawe Nug he, Dawit nug nuhikkud kekeɗ eɗattom.

2 Samuel 8:6 ပူးပေါင်းရင်းမြစ်များ

2 Samuel 10:19

Dawit nug Aram dilag daup huanak anam aqe, king laa oh ag Hadateser waappa daan, nug ehanidppig ele, ag amu anidna, ag Israel ele maɗoɗ daaglagnu nai qagappig. Ag nai amu qakkan, ag Israel waappa daappig. Anam amunu, Aram danab ag baula Amon ehanadkkulagnu baɗappig.

2 Samuel 23:14

Dawit nug ban haknu aben ɠagattag amuppa daye, Pilistia ag ahilkad huu laa ag ahan gona, Betlehem aabppa, ag appa daappig.

2 Samuel 3:18

amunu, ag gemu anam aakkude heig! Aɗinu ag anam hekkulag? Yawe Nug inam aum. ‘Da heppi, dahil maɗi nid Dawit nug dahilad danab ah Pilistia danab eppelagppanu, ahilag kekeɗ laa oh ele eppelagppanu eɗua diiattebeb, ag ena daaglag,’ awa aum.” Apner ag amelagppa anam aum.

2 Samuel 5:10

Yawe Kayak Nukka Ɠagattag Oh Ele Nug Dawit ele daapiɗ amunu, Dawit nug king ɠagattag daye, nuhig ɠagattag teete, Dawit nug king ɠagattagnab dayom.

2 Samuel 7:9

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

2 Samuel 8:14

Dawit nug Edom eɗattowa, nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

2 Samuel 8:2

Am Dawit nug Moap dilag daup ele ban ha eɗattom. Nug eɗatta he, Moap ban danab ag wanppa niiegeg, Dawitnu danab aɗit aa muɗi eeɗeh ukke, haen aɗit bataeh, Moap danab ag muɗi eeɗak aɗit amu waappa daappig amu, ag huu laappa daaegeg, danab aɗit aa muɗi amu baula eeɗeh ukke, laippu bataeh am, Moap danab eeɗak amu waappa daappig ag huu laappa daappig. Danab aɗit aa anam heeh ukke, Moap ban danab ag huu amu anen anen daaegeg, Dawit he, nuhikkud ban danab ag huu laa, huu amuppa danab kuɗum daappig amu, ag danab amu aqaeg mauhppig amge Dawit nug he, Moap daup ag huu kuɗum iittappa daappig amu, ag aakku bau daappig. Dawit nug anam he, ⌊Moap ag ban hekkulagnu daup kuɗum iitta daappig⌋ amunu, ag Dawit waappa daan, ag en takis bia, hanhan Dawit medattappig.

2 Samuel 8:7

Amu Hadatesernu ban daup ikki dilag guppiɗ am golppa hak, amu Dawit nug daup amu eɗatta, nug ahilag guppiɗ amu awa, diia Jerusalem ukka, appa meum.

1 King 4:21

Solomon nug ɗo maɗoɗ laala dilag king ele dayom; ɗo maɗoɗ amu gumomnu tom heqo laih aam bedeppanu am, le Yupretis, appa. Aam nodeppa Pilistia dilag wanppa noum. Tom laa yau uɗitteppanu am Isip dilag tom. Wan amu oh en takis bia Solomon mettanna, nug waappa daaegeg ukke, nug mauhe batak.

2 King 1:1

Amu King Ahap mauhe dimppa amu, Moap ag tappenak henana, Israel waalagppa daaglagnu uuppig.

2 King 14:28

Amu keeke kuɗum laa ele King Jeroboam heum, nuhig uɗat ɠagattag laala heum, aria nug Damaskus, Hamat ele eɗua diiatom amu, kaya amuam ag buk laappa, buk amu onig am, Israel Dilag Kingnu Kaya, ag buk amuppa yaappig daatte. Juda ag Hamat anukka gumappig.

2 King 18:7

Amunu Hesekaia nug Yawe ele daayya, Yawe ehanitte, nug keeke heum am oh enaib beum. Hesekaia nug Asiria dilag kingnu nai tappe ne, nug nug waappa dayaya nug oɗe dim lamidkkunu uuom.

2 King 3:4

Amu Moap dilag king Mesa nug sipsip kuɗum bekkadttom. Amu nug Israel dilag king waappa dayom amunu, nug haen oh maɗ ohppa sipsip nakkud 100,000, takis bia, Israel king medatta, amu sipsip dawai 100,000 uɗilag, amu ele medattom.

1 Stori 18:13

Abisai anam he, Dawit nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

2 Stori 17:2

Juda wanppa aab laala ag aab okkai ɠagattag aɗ ele, nug he, daup ag aab amu ohppa daaegeg, daup laa ag Juda wanppa aab laalappa ele daappig. Aria, nug mameg Asa, nug Epraim wanppa aab laala eɗatta awom amu, nug daup appa daaglagnu ele maattom.

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 60:10

O Kayak, naib, na amu hekkutnu elele, amge na ig uuigme. Ig Israel ig ban daup laippuppa tappat banppa gottem amu, na ig ele gemu ii daattem.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

1 Samuel 13:3

Saul he, Israel dilag daup ag anam daanna, Pilistia dilag daup laa, ag aab onig Geba appa daappig amu, Jonatan, nuhikkud daup ele ag ahan, Pilistia amu ele ban heppig. Jonatan aɗi ag anam heeg, Pilistia laa ag doon, ag oolag nauhom amunu, Saul nug aabaabppa Israel danab ag bannu uɗiglagnu nai dooglagnu, nug nai awa ukkak danab ag gona, trampet iwalkkulagnu maatte gona iwalppig.

1 Samuel 14:1

Ag anam daaegeg, deɗ laa Saul bekka Jonatan nug aha, ehanittak nid bau nuhig, nid amu nug Jonatannu guppiɗ, ban, lat, keeke mawom ele amu, nug nid amu amegppa aum. “Ahappe, i qauko ikki oppoɗu noak laih umuppa, Pilistia daattebppa goɗu!” awa aum. Nug nid amu amegppa anam aum, amge nug mameg amegppa amunu ii aum.

1 Samuel 14:15

Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.