2 Samuel 8:3 - Nobonob Baibel

³ Am Dawit nug Rehop bekka onig Hadateser, nug am Soba dilag king amu, nug nug ele ban hepiɗ. Haen Hadateser nug wan laa le onig Yupretis guguittak dayom eɗua gumakkunu nug nuhikkud daup ele appa ukkaegeg amu, Dawit nuhikkud daup ele ag ukkaeg, ag ele ban heppig. Ag appa ban hena, Dawit nug Hadateser eɗittom.

2 Samuel 8:3 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

2 Samuel 10:15

Aria, Israel heeg, Aram dilag daup ag oolppig, Aram ag amu anidna, ag ahilag daup ag eɗun ban hekkulagnu dabmena, ag heeg, daup ag baula qagmeppig.

2 Samuel 10:16

Hadateser nug nai me ukke, Aram dilag daup le okkai Yupretis heqo laihppa daappig amu, ag ele uɗippig. Ag uɗieg, Sobak, nug Hadatesernu ban daup ikki dayom, nug ag noolag awe gona, aab onig Helam tena daappig.

2 Samuel 10:19

Dawit nug Aram dilag daup huanak anam aqe, king laa oh ag Hadateser waappa daan, nug ehanidppig ele, ag amu anidna, ag Israel ele maɗoɗ daaglagnu nai qagappig. Ag nai amu qakkan, ag Israel waappa daappig. Anam amunu, Aram danab ag baula Amon ehanadkkulagnu baɗappig.

2 Samuel 10:6

Aria, Amon danab ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, ag nai meeg ukke, daup laala ag uɗin ehanadkkulagnu daden maadppig. Daup uɗippig am inam. Aramnu am 20,000. Ag am aab onig Betrehop am Sobanu ele uɗippig. Aab onig Makanu amu daup 1,000, ahilag king ele, aria Tobnu am daup 12,000.

2 Samuel 23:36

Soba ted onig Natan, nug bekka Igal; Hagri bekka;

1 King 4:21

Solomon nug ɗo maɗoɗ laala dilag king ele dayom; ɗo maɗoɗ amu gumomnu tom heqo laih aam bedeppanu am, le Yupretis, appa. Aam nodeppa Pilistia dilag wanppa noum. Tom laa yau uɗitteppanu am Isip dilag tom. Wan amu oh en takis bia Solomon mettanna, nug waappa daaegeg ukke, nug mauhe batak.

1 Stori 18:3

Laa amu, Soba dilag king Hadateser nug nuhikkud daup ele ag gona, Yupretis leppa appa wan laa aon gumaglagnu ukkaeg, Dawit nuhikkud daup ele ag ahan ukkaeg, Hamat guguittak, appa ag Hadateser aɗi ele ban heppig. Ag appa ban hena, Dawit nug Hadateser eɗittom.

2 Stori 8:3

Laa amu, Solomon nuhig daup ele ag gona, Hamat Soba danab ele ban hena eɗadna, Solomon awom.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Sam 72:8

Nug danab ah oh, wan yu laih laih gamagppa daatteb amu, nug ag oh, ahilag king daakku. Ao, nug Yupretis leppan digma ukka, wan batakppan ele, nug amu dilag king daakku.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Duteronomi 11:24

Am ag wan atten attenppa oiglag amu, wan amu ahilag daakku. Ahilag tom wannu amu, am atu taɗak yau uɗitteppanu appa digma, yawalti uɗitteppanu wana ukka, Lebanon wakku. Amu wan tom kaɗag uɗitteppanu daatte am Yupretis le, amuppa digma, qaban uɗitteppanu ukka ukka, Mediterenia yuppa wakku.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.