2 Samuel 8:18 - Nobonob Baibel

¹⁸ Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

2 Samuel 8:18 ပူးပေါင်းရင်းမြစ်များ

2 Samuel 15:18

Ag anam daaegeg, Dawitnu ban daup oh anuqna nug noobppa laippuppa tappan ukkaeg, danab Dawit gumappig, amuam Keret danab, Pelet danab ele, amu danab 600 laa, ag anukka Gat appa Dawit ele daan, dimppa Dawit ele oh uɗippig amu, ag ele nug noobppa goppig.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 20:26

Amu Jair danab onig Ira, nug am Dawitnu ulum mettak danab dayom.

2 Samuel 20:7

Dawit anam aum amunu, Joapnu daup, danab Dawit gumappig, amuam Keret danab, Pelet danab ele, amu daup oh ɠagattag ele ag Abisai dim lamidna goppig. Abisai nug ag oh, ahilag okkai dayom. Ag oh Jerusalemnu ahan, Abisai dim lamidna, Bikri bekka Seba aɗaglagnu goppig.

1 King 1:38

Dawit nug anam a, aakku mana mettak danab Sadok, propet Natan, am Jehoiada bekka Benaia, aria, danab Dawit gumappig, amuam Keret danab, Pelet danab ele amu, ag oh noppig. Ag nona Solomon aon, King Dawitnu miul attan mewon, ag nug ele oh le nakok Gihon, amuppa noppig.

1 King 1:44

King Dawit nug mana mettak danab Sadok, propet Natan, Jehoiada bekka Benaia, aria danab Dawit gumappig, amuam Keret danab, Pelet danab ele amu, king nug he, ag Solomon ele le nakok Gihon appa goppig. Ag Solomon aon, King Dawit nuhig miul attan meeg dayeye goppig.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 King 2:25

Aria, King Solomon nug anam ana, nug he, Jehoiada bekka Benaia ukka, Adonaiya qe mauhom.

1 King 4:4

Jehoiada bekka Benaia nug am ban daup ikki anuqak. Sadok, Abiatar ele aa amu mana mettak danab.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

2 King 11:4

Amge Atalia nug anam kuin dayaya, kuin dayak nuhig maɗ eblaih aɗit ele, maɗ amu ooppa amu, mana mettak danab Jehoiada nug ban daup 100 dilag ikki, Karnu ban danab, amu ban danab ag king, nug laug ele gumappig amu, nug nai me ukke, ag Yawenu mettid lakka uɗiglagnu amelagppa aum. Nug nai me ukke, ag uɗieg, aria Jehoiada nug ag ele nug tituanna nai qagappig. Ag nug tituanna nai qakkeg, Yawenu mettid lag, appa nug he, ag keeke amu hekkulagnu ag nai ahilag amu ɠagattag qedappig. Ag amu hewona, dimppa nug Ahasia bekka Joas omala doa ippuanattom.

1 Stori 11:22

Aria, Jehoiada bekka Benaia, nug am Kapsel danab, nug ele ban hak danab ɠagattag. Nug kobol okkai okkai, iɗu iɗu ele heum. Nug Moapnu ban danab ɠagattag aɗit aqatom. Deɗ laa sno neene, nug wan moɗ laa oɗe okkai ele ooppa noa, laion laa appa dayom amu, nug qe mauhom.

1 Stori 18:17

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, King Dawit bekkod ag nuhig ehanittak anuqak danab okkai daappig.

Esekiel 25:16

Anam amunu, Naɗi Yawe Nug inam atte. “Da eppel bahien heppi, Pilistia danab ah ag eheɗ aoglag. Da heppi, Pilistia huu laa Keret danab, aria Pilistia laa ag yu ihippa tuɗidna daatteb ele amu, ag oh padal mekkulag.

Sepanaia 2:5

Anam amunu, ag Keret danab ah yu ihippa daatteb ele, ahilagnu am gadonnab gadon. Ao, ag Pilistia danab, Kanan wanppa appa daatteb amu, Yawe Nug ag bu madakkunu matu aum. Yawe Nug inam aum. “Da heppi, ag ohnab padal mekkulag. Ag oolagppanu laippu laa bau ii daama,” awa aum.

1 Samuel 30:14

Nid bau nug anam anana, nug nai tuɗitta Dawit amegppa aum. “Dahilnu amu anam, amge nakok matu bia danab naɗi dahil, nuhikkud huu amu ele ig Juda wan laih yau uɗitteppanu aben Keret daattebppa, ig gota, appa teut, danab amu ele ban heta, keeke ahilag aomut. Aot am ig eɗut, Juda wan laih yau uɗitteppanu Kalep alakkud daatteb, aben amuppa teut, ag ele ban heta, keeke ahilag amu oh akkat gomut. Gota, aab Siklak manaut ewom,” awa aum.