2 Samuel 8:15 - Nobonob Baibel

¹⁵ Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

2 Samuel 8:15 ပူးပေါင်းရင်းမြစ်များ

2 Samuel 15:3

Nug anam aawo, Apsalom nug attom. “O gadon, nahip nai am tutukku. Na ham-ii-bubuttem, amge kingnu danab laa nug nahip nai dookkunu laa ii daatte,” awa aum.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 3:12

Aa anam hewoya, dimppa Apner nug nai awa ukkak danab ag nai laa aon gona, Dawit amegppa akkulagnu maatte goppig. Nug nai imu Dawit appeg dookkunu maatte goppig. “Israel wan oh am aunnu daatte? Na da ele nai qakkagnih dayeb amu, da Israel danab ah oh ag na ahilag king daakkutnu ib bappaidkkulnu uɗat hekkul,” awa aum.

2 Samuel 5:5

Nug tatam king ba dayom amu, nug Juda dilagib king dayom. Nug digma, king daye ukke, nug maɗ eblaih aɗit, kalam eblaih laippu ele Hebron appa dayom. Amu dimppa nug Israel oh dilag king digma dayeye, maɗ 33 dayom. Nug Jerusalem appa dayaya, amu heum.

2 Samuel 8:14

Dawit nug Edom eɗattowa, nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

2 Samuel 8:16

Seruia bekka Joap, nug ban daup ikki anuqak daye, Ahilut bekka Jehosapat nug yaak danab dayom.

1 King 10:9

Ig Yawe, nahip Kayak, ig Nug binag metu! Nug nahipnu enanagnab doya he, na Israel dilag king daattem. Am Yawe, Nug ag Israel, ahilagnu oo huan mauhtte, nuhig oo mauhak ahilagppa am ii tuqa aoma. Anam daatte amunu, Nug he, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidnana, na Israel gumadkkutnu, na king beme.” Sebanu kuin nug anam awa aum.

1 King 4:1

King Solomon nug Israel oh gumom.

1 Stori 18:14

Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

Sam 119:121

Da nai doya mala hettoɗia epeɗia elele mettak kobol, genab tutukku hak kobol ele dim lamaten hemi. Na uuiɗppe, laa da eheɗ heiɗtteb ele ag eɗilna aɗailppeg, ag eppelagppa daapanu oɗ medattem.

Sam 72:2

⌊Na nug anam⌋ ehanidppe amu, nug nahipad danab ah genab tutukku hak kobolppa epeɗiadkku. Ao, ⌊na nug anam⌋ ehanidppe, nug nahipad danab ah daɗek daatteb amu, nug ahilagnu nai doya mala hettoɗia epeɗia elele mettak kobol dim lamitta, nug eppediadkku.

Sam 75:2

Amu Kayak atte. “Daib da hettoɗiak ganeb haknu attem; daib da nai doya mala hettoɗia epeɗia elele mettak tutukku hettem.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Amos 5:24

Ag hambuppuak kobol amu oh uueg! Amge ag nai doya mala hettoɗia epeɗia elele mettak kobol lailkad dilagppa, le okkai ugakkaib gotte bia dim lamitteg! Ao, ag genab tutukku hak kobol, lenag laa hanhan ugakkaib daatte, iitta ii mette, ag amubia henanaib dayeg!

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.