2 Samuel 8:13 - Nobonob Baibel

¹³ Amu Dawit nug Edom dilag daup ele oolnu noak onig Yunu Oolnu Noak, nug ag ele appa ban henana, Dawit nug ag eɗatta, ahilag danab 18,000 aqe mauhppig. Nug anam he, danab ah kuɗumnab, wan atu digdigppa, ag Dawit nug onig okkai ele dooppig.

2 Samuel 8:13 ပူးပေါင်းရင်းမြစ်များ

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

2 Samuel 7:9

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

1 King 11:15

Anukka King Dawit nug ban ha, Edom ban danab aqom. Aqe, Israel ban daup ikki anuqak Joap, nug Edom danab Dawit nug ban amuppa aqom amu, nug ag boumadkkunu ukka, nug appanu danab laa oh daappig amu, nug ag oh aqe mauhppig.

2 King 14:7

Haen laappa Amasaia nug nuhikkud ban danab ele ag Edom ban danab 10,000 ele oolnu noak onig Yunu Oolnu Noak appa nug qena, Amasaia nug nuhikkud ban danab ele ag banppa Edom eɗattona, aab Sela amu aoppig. Amasaia nug aab amu onig bau Joktel ataɗom. Gemu ⌊nai imu yaak haenppa⌋ ele, onig bau amuib atteb.

1 Stori 18:12

Seruia bekka Abisai nug oolnu noak onig Yunu Oolnu Noak appa Edomnu ban danab 18,000 aqe mauhppig.

2 Stori 25:11

Israel dilag daup ag eɗun ukkaeg, Amasaia nug ooppa ɠagattag doya aha, nug nuhikkud daup noolag awe, oolnu noak onig Yunu Oolnu Noak goppig. Ag ukkaeg, appa Edom dilag daup ele ban hena, ag Edom dilag daup 10,000 aqaeg mauhppig.

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.